السلام عليكم
يابنات احنا في هم مايعلم فيه الا رب العالمين
اخوي ازعجنا من سنه انه يبي بنت عمي وهي ارمله وعندها بنت
واخوي صغير عمره 24
سبحان الله كل ماتستخير امي بالموضوع تتضايق زياده
واكتشفنا انها تكلمه وترسله صورها وتطلع معاه
وهدايا
بنت عمي عمرها 22
المشكله عاداتنا غير عنهم هما جدا متفتحين كاشفين
واللبس تلبس للفخذ كلهم كذا حتى الام متفتحه
وغير كذا مايلبسون عبايه او يغطون من عيال خالتها وازواج خالاتهم
واحنا ابد مايناسبنا هالشي
اخوي كل ماقلنا له لا صار يبكي وياكل اضافر يده
وبس مصدع وزعلان وطفشان
وقبل يومين ابوي طفش من ازعاجه واتصل على عمي وخطبها
وامس بالصدفه شفت جواله مرمي ومفتوح وشفت رسايلها له
كله كلام حب وخرابيط لا وترسل انا محتاجه ارسلي فلوس
وهيا وارثه عن زوجها كثييير وبيت
واخوي راتبه 3 الاف ويحولها ثلاثه ارباعه من غير عقل وامها وابوها مايشوفون احد باخلاق بناتهم
وش نسوي والله مانبي هالزواج ابد وابوي من يومها تعبان والسكر نازل عنده
ساعدونا الله يسعدكم ويفرج همومكم في اليوم الفضيل
شاركي في النقاش
سجلي الدخول لإضافة تعليق.
التعليقات
26- حسبي الله ونعم الوكيل
وش تبي باخوك اعوذ بالله؟
عندها ورث ولد تنثبر في بيتها لين يجيها ولد الحلال
مو تروح تدور رجال!!
كلمي اخوك وقوليله هالزواجات الي بهالطريقه ماتطول وقوليله كيف بتربي ولدها
وباين انها استغلاليه وفهمي اخوك انهم متفتحين وغير عننا يجوز الله يهديه.
الله يبعد عنا وعنكم بنات وعيال الحرام - ادعوا له ان الله يكشفها عنده
وبين له الصواب من الغلط !!!
البنت مثل ماهو باين عندها خبره وعرفت تجره
واخوك منهبل عليها هههههه
ليه مايعرف ان رضا الام من رضا الله وأنها مؤ موافقه عليها الله مايبارك له في الزواج - شوفي لو كان يحبها وهيه صادقه معاها وما تستغلو ممكن عادي لأنو يقدر يادبها. على لبسها ويخليها تتغطى
لكن هذي النوعي للاسسف تحب تستغل. ولما تجي تقولي لهم. أحتشمو ولا تلبسو كذا ولا غطو يحطون معقده. صار الحجاب تعقيد للأسف الشديد
لكن افضل حاجه. أدعو. ربكم. اذا فيها خير يجيبها. وإذا فيها شر يبعدها
لأنو هذي النوعه تبغى اخوك استغلال فقط جربو. أقنعوا. اخوك بحاجه
قولو له احنا نوافق تأخذها. لكن بشرط من الان تشرط عليها تتحجب زي حجابنا وملابسها تغيرها
وربي حا تسحب على اخوك. لأنو مو نفس جوها منفتح - والله يابنات تعبنا نكلم طفشنا من الكلام وهو مايفهم ونفسيتنا طول هالفتره في هم
- {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
هذا زواج ومدام يرغبون ببعض الله يبارك لهم
ومدام اخوك مندفع لها وحاولتو اقناعه وماقتنع زوجوة قبل لايجيب لكم مصيبه لاسمح الله.
ومهما كان ذي بنت عمكم يمكن لاصارت عندكم تقتقدي بطبايعكم وحشمتكم وتكونو سبب بصلاحها
الله يستر عليك وعليهم.
مواضيع مشابهة
تابعي تجارب أخرى من هذا القسم.