صباح /مساء السعادة ، الأمل ، الرواق
كل عام وانتم بخير .. الله يجعل ايامكم كلها اعياد وسعادة .. بس بدون اللحمه مانبي داء النقرس يجيكم .. :p
العنوان مستفز عشان قلبك يتحرئص للمعرفه لا اكثر ولا اقل ..:rolleyes:
العيد .. هالكلمة لها معزة خاصة بقلبي من لما وعيت على الدنيا . :04:
ماتتخيلون قديش العيد شي رائع ببالي وخيالي ، فيه اهلي ( اساسه الوالد والوالدة ، عيالهم منهم انا )
ريحة القهوة تعج بالبيت ، والبخور تحسون البيت دخاخين من نوع خاص ومميز .
قلبي طربق طربق بعد صلاة العيد من الحماس حتى اشوف من يجينا .. :o
نعيد ببيتنا كل الصباح وبالليل تبدأ الزيارات ان وجد ..
حلات العيد اكون كاشخه وريحتي عطري الجميل ، وشعري منسدل وعيوني كحيلة :27:<< موب مصدقه هالمدح الجريء لوووول
لا بجد حلات العيد بنفسي الحلوة ونظرتي لنفسي ورضاي عليها ، افرح بالعيد لما اكون متسمكره وفنجان القهوه بايدي وابدأ لهط بالشوكولاته :S_45:
هالأمر ساعات الصباح بعد الصلاة ب ساعتين تقريباً، بعدها يجي شغل الجد ، تغيب ريحة البخور ويبدا شغل احلى معركه بالعالم .. ( معركة التفاهم مع الاضحية ):biggrin:
يجي كل شي مجهز ومقطع صغير ومكيس او اكون سنعه واساعد بالترتيب .. ماياخذ وقت .. :dozey:
والمصارين والكبده مابكلمكم عنهم لان مو الكل يحبهم:unsure: .. مع اني مااحب دلع البنات بما يخص اللحم .. لكن الليله عيد وبكون مرنه قد مااقدر ، واقول ( يمكن معدتهم ماتتحمل او مايعرفون يصلحون الطبخه عدل لانهم مش سنعات فمعذورين مايحبون اللحم والتقاطيع والاوصال والمقلقل:S_45:) << ذا كله وروحي رياضيه واحاول اكون مرنه تجاه طبع البشر !!
امزح يا رقيقات .. :rolleyes:
ترا جداً جداً مفهوم كرهكم للحم، كل انسان حُر ويسوي الي يريحه .. كرشتكم مو بطني .. اقصد بطنكم :biggrin2:
هالمقدمة كلها بسبب مزاجي العالي حالياً بسبب قدوم العيد ..
نبدأ بالجد ..
هالعيد نبيه مميز بطريقه انانيه نرجسيه لذات كل وحده .. :30:
نبي كل وحده تمخمخ على قهوتها وشوكولاتتها وكبدتها اذا تبي وهي بقمة الرواق والراحه والثقه :p
هالتحدي هو لإعطاء مزاجك فرصه وتدريب حتى يكون مرن تجاه كل ماقد يُواجهه بالعيد .
امك ، ابوك ، زوجك ، عيالك ، اهل زوجك ،قرايبك، صحباتك الخ ..من ناس ممكن يعكرون مزاجك مايهمونا.. نبيك تكونين سوبر رايقة ، جربي مو خسرانه شي :icon10:
تحدينا وتحدي نفسك انك ماتضعفين بجمعات العيد وتجين تقولين تعالوا شوفوا وش قالوا او وش صارلي بالعيد .. اعرفكم ( العيد موسم دسم للدراما) :S_45:
نقطة مهمة/
العيد بغض النظر انه مناسبة انسانيه دينية .. فهو مناسبة لك انتي .. انتي .. انتي ، افرحي بالعيد .. فرحة العيد لك سواء متزوجة او لا .. مخلفه او لا .. مريضه او بصحتك .. مقهوره او راضية ..
اعتبري العيد فرصه للراحه والتمتع بالحياه وملذاتها وتجربة لك حتى تكوني رايقة بعيداً عن المشاكل .
خذي بريك من زحمة الاشغال وافكارك السلبية تجاه امورك او امور غيرك ..
جربي تتجملين كنك بتقابلين مثلاً اجمل رجل بالعالم :S_45:.. امزح ..
موب زوجك او ابوك او احد حقيقي .. لكن روح طيبه سعيده تحب اسعاد البشر وماتبين تخيبين ظنها بملامحك التعبانه ، روحك البائسه ، اهمالك بضيافتها. ( هالروح هي العيد) اقولكم كذا لأن اعرف بعضكم محاطه باشخاص انانيين صعب التعامل معاهم مما يخلق نفسية زفت للتجمل او التمتع بالعيد .
اعطي فرصة لشبابك وصباك يعيشون جو خالي من العقد والتعب النفسي .. ( انتي تستحقين مهما غيرك انكر هالشي)
نقطة اخرى مهمة قداً قداً/
من الأمور الي تؤثر بشكل كبير بمزاجك بالعيد هو شكلك ، اياك تهملينه ..
الناس تقول روحك بالعيد اهم ومن هالكلام المعنوي الي اصدقه واحترمه طبعاً.. لكن مااجحف بحق الجمال .. لأن الجمال ينمي الثقه بالنفس والانتماء لكل ماهو افضل بالحياة .
الملابس ، الاكسسوار والمجوهرات ، الشوز ، شنطة اليد .. وغيرهم .. لو كانوا بالقيمة الفلانيه المتعوب عليها لكن مافيش اساس فيك، بعمرك مابتكوني جميله .. راح تكونين شماعه محمله بالماركات تتنقل من مكان لأخر.. :blink:
اصدق تصديق قوي ان الجمال مايكمل الا بجمال النقاط الاساسيه ..
بشره جميله او مستعده تكون اجمل بالفونديشن ( اكره اشوف كريم اساس على بشره جافه او مو مقشره او مُوزع بطريقة غلط بغلط ) عيون نقيه ، شعر مرتب اهم شي مش ( مجبس) بالمثبت او الموس ..
الايادي والجسم يطول الكلام عنهم .. لكن طبيعي مانرتاح الا وهو سلت ملت يلمع ويلق لق.. ( الاظافر الزامي تكون مرتبه بمونكير بالبيت سهل جداً جداً لكن يبيله طولة بال ) الجلد الزايد حول الظفر يدس نص جمال يدك ١٠٠٪ ..
هذا كلام للتذكير فقط ولا يعتبر نصيحة جمالية لان النصيحه لازم بإخلاص ، ولو ابي اخلص بهالمعلومه لابد احط صور واشرح .. لكن الان مش وقته ربما يوماً ما .
( بس بما يتعلق بالجمال جربت فونديشن لأول مره اعجب بشي بهالشكل ، اعتبره كنز بعد رحلاتي وتجاربي ) لابد اعلمكم عليه قريب وببصمه بالمنتدى وباكاونتي بانستقرام .
اتوقعكم ياحلوات فهمتهم المطلوب ..
حب للنفس بالعيد ، نسيان الخلافات وكل مايعكر المزاج العالي .
واخر طلب تجون تكتبون بالموضوع وش صارلكم بالعيد وايامه, نشوف نفذتم التحدي ولا منتم قده .. (نبي نشوف بطلات رغم ثقالة الدم حولهم , كانوا قمة بالجمال الروحي والشكلي.. )
موفقين ..
الموضوع مغلق