بنتي تعبتني مررررره ابي اعدل سلوكها

الله يعينك على التربيه
والله التاس تخاف دايم من التربيه انها تعب

بس زي ماقالت الاخت امول الشريف

طنشيها لااضربينها
طنشيها ولا تردين علييها

تحتاج فترة طوووووويله تعاملينها كذا
لحد ماتتعود على هالطبع
انه الصياح والصراخ ماجاب معك نتيجه

اذكر قريبتي كانت هي مدلعه ولدها
وتعبت بعد ماصار عمره اربع سنين من طبعه فشلها عند الناس ولا يسنع لها كلمه
صارت تحرمه الطلعات
وتحبسه بالبيت المشكله هي تنخبس معه وش تسوي
التربيه لازم تتحملين انك تنحبسين معه
هي ساكنه فوق اهل زوجها ومره بالاسبوع يجتمعون وهو يفرح عيال عمانه مجتمعين
فتقفل عليه الباب وتقعد هي وياه ماتنزل لحد خلاص يتقطع صياح وهي جالسه عند التلفزيون ماكان احد فجر راسها صياح
تحملت وصبرت عليه ماتضربه لانه تقول مافاد الضرب الا عناد
اتصلت ام زوجها تهاوشها خليه ينزل يلعب مع عيال عمه
قالت لها لا انا معاقبته وماراح انزله وتزعل خالتها
ولا اختمت بخالتها تقول هم خربوه زود دلعوه صار مايسمع كلامي اذا قلتله لاتسوي كذا ترد جته ماعليك من امك رح رح

والله قعدت مده بحبسه بالبيت مايطلع لحد ماقال لانه اسفه ماعوده ولا ازعلك
بس مو على طول تسامحه اول مايقول الكلام لازم يستطعم الحرمان فتره
بعدين اذا شافت انه تعدل بشي بسيط تبدا تطلعه
واذا فشلها عند ناس ترجع للحبس

الحمدلله الحين ولدها رجال


لذا البنت ارحم من الولد بالتربيه
لان الولد اشد عناد من البنت
لاني لاحظته بالبنات والعيال


انتي لاتعصبين عليها
لاتضربينها
احرميها وعاقبيها
انتي لازم تتحملين
زي ماقلتلك الحبس بالبيت تقعدين انتي وياها ماتروحون لاحد عشان تعقل
بس تعبك راح تجنين اللي تتمنينه

لاتقسين عليها لانها طفله وامك وابوك هم خربوها
هي نبته وامك وابوك اسقوا النبته المويه الغلط
انتي وقفي هالمويه الغلط
وابدي اسقيها مويه صح

راح تزهر وتتعدل

وادعي ادعي ربك ان الله عزوجل يسخرها لك
ويجعلها كما تحبين وكما تتمنين
لاتدعين عليها
ادعي لها
فيه عجوز من اقاربي اذا قهروها عيالها كبار عيالها رجال تقعد تدعي عليهم عساك وعساك الله يقلعك الله ياخذك دعاوي مو بصالحهم

سبحان الله دعاويها ذي تخليهم يزيدون عليها ويقهرونها ويرفعون ضغطها
واقولها ياام فلان مايجوز الام تدعي على عيالها ادعي لهم
تقول يرفعون ضغطي يقهروني مايطيعون يسمعون كلامي قلتلها بسببك وبسبب دعاويك
كل مادعيتي عليهم الله يستجيب دعائك ويصير فوقك وكل مادعيتي عليهم جاك الدعاوي على راسك هذا ثمرة دعاويك


ادعيلهم الله يستجيب لدعاويك الصالحه لهم بالهدايه والتسخير
كل ماقهروك ورفعوا ضغطك خليها تطلع من قلبك وانتي مقهوره دعوه لهم انه الله يصلحهم ويهديهم لربهم ثم لك ويسخرهم لك

لذا انتي ادعيلها وانتي بحالة قهر وغضب انه الله يصلحها ويسخرها ويهديها لك

والله بنتك زي ولد اخوي بالضبط جدته وجده من الام خربوه وربوه نفس التربيه هذي لين صار الولد ينكره من يوم ينزل عندنا نطلعه لامه مانتحمله طول الوقت صراخ وبكى وكلامه اوامر .. المهم زوجة اخوي ودته لدكتور نفسي الحمدلله الولد سليم وحوله لعلاج سلوكي وكان من ضمن خطوات العلاج عدم الضرب ابدا ابدا ورغباته مو كلها مجابه المناسب فقط الدكتور قالها يبكي يتقطع تخلينه زي ماهو ولا تدينه الشي اللي يبغاه لان هو تعود يبكي وياخذ اللي يبغاه قالها تعامله بالطناش فهذي الحاله واذا شاغب اول مره تنبهه انه غلط لا يكرره واذا تكرر تهدده بالعقاب وقال لها تخلين كرسي فركن وتسمينه كرسي العقاب تخلينه يجلس عليه لين يعتذر لك تسمحين له يقوم هذي من ضمن الاشياء اللي اتذكرها حاولت افيدك لو بشي بسيط ابدئي نفس الخطوات وصدقيني راح يتغير زي ولد اخوي ماتغير بعد الشد والحزم

إختي ممكن لأنك تزوجتي البنت حست ببعدك عنها وشافت غيرها دخل حياتك وأخذك منها .. حاولي تعوضينها تراها فاقدة أبوها لا تقولين ما تفهم بنتي عمرها سنتين تفقد أبوها لمجرد يخرج من البيت ويتأخر كم ساعة تجنني من كثر ما تسأل عنه فما بالك بنتك بالايام ما تشوفه .. أكيد بتشوف الأطفال حول أبهاتهم ويلعبون معاهم وتشوف نفسها ..

نصيحة إحتوي هالمسكينة وأحضنيها وحسسيها بالأمان حاولي تقربين منها لا تقولين حاولت وما نفع جربي معاها أكثر من مره ترا الضرب والصراخ يزيد عنادها وبعدها عنك .. الله يسعدك لا عاد تضربينها عشان ترضين الناس بنتك بتكبر وما بتنسى ضربك لها شوفي أغلب البنات ردوا عليكي وقالوا عيالهم نفس بنتك هذي طفلة مالها لا حول ولا قوة ..


الله يهديها ويصلح حالها ويحفظها لك ..


تم الإرسال بواسطة iPhone بإستخدام منتدى عالم حواء

الله يهديها ويخليها لك ... اول شي حبيت اذكرك من العنوان تقولي ابي اعدل سلوكها ... حبيبتي لازم تقتنعي قناعه تامه ان " الله "هو اللي يعدل السلوك لكن احنا نبذل الاسباب ... بنتك واضح ان فيها نقص حب وثقه ...حرام لازم تحبيها تثقي في تصرفاتها يعني لازم فيها صفات حلوه تعجبك لازم تركزي عليها و تمدحيها قدام الناس ... و الافضل انك تشتري كتاب( اطفال مزعجون) للدكتور "مصطفى ابو السعد" لانه فادني مره..

والله كاني اقرا حركات بنتي الله يصلحها عمرها سنتين وكنت ادوام واخليها عند هلي تعالي شوف الدلع ماخليت معها اسلوب ماسويته انتي اول شي ادعي ربي يعينس على تربيتها وينبتها نباتا حسنا الضرب في هذا العمر ماينفع باقي صغيره انتي خذيها بالكلام الزين وحاولي تكونين معها اكثر وقتس تلاعبينها تسلينها واذا رحتي لهلس خلي قلبس معها لاتغفلين عنها والله يصلح لنا ولس ويهديهم