%% ملف بنات رأس الخيمة %%تميز إصرار وعزيمة %%الجزء الثالث

اموااااااااج
رحله موفقه ورائعه
وصور ولا احلى
ما كنت اتخيل ان سوريا حلوه جذيه

ام سعيد
مرحبا
اش يبتيلنا من السوق

شحالكم ...ولي عــــــــــودة مع الصور وتتمة الرحله ...

==============
بعد جلوسنا اسبوع بالزبداني كنا مخططين من البدايه انا انسير اصلنفه وهي بعييده تبعد
عن الزبداني والعاصمه حوالي خمس ساعاااااااات ...لكن ما حسينا بالطريج لانا مرين باماكن ومدن كثيره ...(وهذي السنه صلنفه مافيها سياح وايد لانها قريبه من حدود الجنوب اللبناني بالتالي
اكثرهم خافوا يسيرون لكنا توكلنا وسرنا )

ويوم وصلنا العصر صلنفه انبهرنا بالخضره اللي من كل صوب وبالهدووووء اللي في صلنفه بعكس الزبداني اللي كان فيها ازدحام وضجه ...لكن صلنفه غير (وهي تابعه وقريبه من محافظة اللاذقيه)

ودورنا سكن بعيد عن الاسواق في ريف صلنفه ...والحمدلله حصلنا سكن وايد فنان وصاحبته
انسانه طيبه وخدوووومه ((صح انهم أرمن ولهم معتقدات غيييير اظني مب مسلمين ، لكنهم طيبين
ويخدمون بدون مقابل ومب مصالح مثل معظم الي هناك ))

المهم هذي الاطلاله من سكنا وهوفيلا من دورين سكنا بالدور العلوي وتحتنا مزرعة (ام حيدر) صاحبة البيت
حلللوه فيها التفاح وانواع من الخوخ والخضروات كل صبح اتييبلنا من فواكه المزرعه :42: :42:



وهذا الحبق والزرع زارعتنه ام حيدر بكل مكااااااااان في الشقه ...
يااااسلااااام على ريحته تضرب بالراس يوم انحطه بالشااااااي:) :)




وطالعه بالصوره اشجار الجووووز شي عجيب ها الجوز يوم يكون أخضر في الشجر لكن للاسف كان مب موسمه

==========

نسيت لا اراويكم صورة ام حيدر ,,هذي هي ويا علايه بنتي (على فكره خبرتها اني بحطيلكم صورتها
اشكثر اضحكت ...تراني كل صبح اتيلس عندها في المزرعه ويا بنتها لان العيال رقووود
وهات يا سوالف وهات يا قهــــوة سوريه وزهورات (خاست بطني منها)خخخخخخخخخ

الجـو هناك في صلنفه باااااااااااااااااااارد في المسا
والمميز هناك كل مكان اتسيرين في صلنفه اتشوفين حريم
او عائله كامله تخبز ويبيعون خبز الصاج
ويحشونه بالجبن او اللحم او المحمره
وعاااد انا ايلس اسولف وياهم لين ما تخلص طلبيتي وهذي صوره

وكل يوم عقب ما نرجع من المشاوير نتيلس في البلكونه
ونتعشى ونتأمل الغيوم اللي تقترب منا شوي شوي لان الجبال اتكون جريبنا