محتارة بين المنحة وبين عيالي😩 ياليت تساعدوني😞

والله ماتنفعك المنحه لو صار لهم شي مايصير اطفال لحالهم ،، لاكن فكري بحل مناسب لك ولهم ،
الله يحفظهم لك

المنحة بعد اسبوعين ومازلت افكر والله بحلول غير هالحل المشكلة المنحة يابنات بتنفعني بوظيفة ولو تكنسلت ماراح يدخلوني فيها مرررة ثانية ..
أولادي اعمارهم 9 سنوات و8 سنوات و6 سنوات و 4 سنوات
المشكلة مو في الجليسة والا الشغالة المشكلة من يتحمل عيالي مررة وديتهم حضانة بفلوس لأن كان عندي موعد في مستشفى وحزنت عليهم آخذهم معي لأن مواعيد المستشفى والانتظار مملة وحطيتهم في الحضانة لما رجعت من المستشفى الا الحاضنة المصرية منتفش شعرها ياعمري قلت عسى ماتعبوك قالت ربنا يعوض شبابك خير وقتها مدري اضحك والا ابكي حزنت عليهم وعلى نفسي اذا تذكرت هالموقف استبعد الجليسة اما الشغالة مستحيل اجيبها ابدا..

اذا مره محتاجه الدوره خليهم ببيت اهل زوجك اضمن
على الاقل فيه كبير معهم
اما تتركينهم لحالهم صعبه
الاطفال ما يتركون الله يصلحهم
و استخيري

ماينفع تجيبون شغاله وتكون جدتهم موجوده معاهم كأمان يعني وهي ماراح تخدمهم كل شي تسويه الشغاله بس علشان تطمنون

وبرايي استخيري بالمنحه اذا خيره ربي بيسهل لك امرك وبتلقين حل لوضع عيالك