شاركي في النقاش

سجلي الدخول لإضافة تعليق.

التعليقات

157
  1. @am_roaaa

    صاحبة الموضوع
    ام رواء
    قعدت عند اهلي شهر وهوا يتصل ويهددني ان مارجعتي راح أجيبها بيتك وانتي ارجعك شقه استأجرها كنت رافضه تماما الرجوع ومصممة ع الطلاق الين شفت اولادي اتبهدلو معاه ماكان يجلس معاهم جالسين مع الشغاله الين أخذهم المدينة معاها حسبي الله ونعم الوكيل ف…
    بليز لا احد يرد بس اخلص الموضوع 
  2. @am_roaaa

    صاحبة الموضوع
    ام رواء
    بليز لا احد يرد بس اخلص الموضوع 
    رجعت البيت جلس عندي يوم وقلي خلاص من بكرة راح اعدل انقهرت لسه مااتقبلت الوضع ولسه قلبي محروق قلتلو اجلس اسبوع قلي لا معليش تبغي تسويلي مشاكل في بيتي الثاني قلتلو هيا الي تتحمل مو انا طبعا رفض وراح ثاني يوم جاني قلي طلعي ثوب وكنت بحط القلم والكبك قلي لالا تحطي قام خرجلي اشياء جديدة قلم وكبك استغربت طبعا هيا جابتها لانه زوجي عمره ماراح اشتري شي لنفسه كله انا حتى ملابسه طنشت وراح عمله ورجع قلي ايش رئيك في شياكتي طبعا يبغى يوريني الي جابته ع فكرة زوجي دكتور في الجامعه والي اخدها اكبر منه ودكتورة في الجامعه طبعا كلن في بينهم علاقه المهم أخذت الساعه وكسرتها طيعا هوا اتجن قلت ليش تجيب أغراضها عندي خليها في بيتها وخرج ورجع ثاني يوم 
  3. @am_roaaa

    صاحبة الموضوع
    ام رواء
    رجعت البيت جلس عندي يوم وقلي خلاص من بكرة راح اعدل انقهرت لسه مااتقبلت الوضع ولسه قلبي محروق قلتلو اجلس اسبوع قلي لا معليش تبغي تسويلي مشاكل في بيتي الثاني قلتلو هيا الي تتحمل مو انا طبعا رفض وراح ثاني يوم جاني قلي طلعي ثوب وكنت بحط القلم …
    جا يقلي احتويني هيا احسن منك قلتلو مادام هيا احسن مني طلقني واتضاربت معاه قلتلو بروح بيت أهلي مو قادرة أتقبل الوضع وهوا موراضي يساعدني المهم صرت اضربه من غير وعي خرج وخرجت ورآه الي هوا شرد مني قمت مسكتً السيارة وجرحتله هيا دي سيارته وقعد عندها 3اسابيع من غير مصروف كنت اخلي اولادي يكلموه ع المصروف يقلهم تبغو شي كلمو السواق وكم معطي السواق 500ريال بس المهم اتفق مع عمي انه يجينيً وهوا يجي نتفاهم قلتله اجلس كلم فقط والله بفكر في اولادي صغار  عندي 4اصغر واحد سنتين وشويه قال طيب المهم قبل ماارجع كان يكلمني ويقلي والله اخلي الحكومة تربيكي طنشته وكان يعايرني في وقت مرضي كيف كنت ع الفراش والله كلام استحي أقوله لكن مااقول غير الله ينصرني عليه 

تابعي تجارب أخرى من هذا القسم.