كتبت الي تحت وانا مو قارية موضوع الضرب (مشاركة رقم ١٩)... لكن تمدين ايدك عليه٫ طبيعي يمد ايده عليك... ماشاء الله عليك شكلك مرة قوية :2thmup:
ياختي وضعك غريب... ماتبين الادمي وتبين الطلاق٫ ثم تشرطين يقعد عندك اسبوع وتتهاوشين معه على هالشيء؟ اذا ماتبينه وتبين الطلاق٫ خلاص خليه هناك واعتبري نفسك مطلقة وخليه يعطيك مصاريف عيالك... والحمد لله عندك سواق يقوم بشؤون البيت...
ازهليه دامك متضايقة منه لهالدرجة... سوي معه صلح... اقعدي في بيتك وقولي له انا ماعاد لي نفس فيك... تعال شوف عيالك وقوم بواجب الابوة ناحيتهم (لانه من حقوق الاطفال يجيهم ابوهم ويربيهم)... وبعد كذا الباب يوسع جمل... اذا وافق على هالشيء٫ ابركها من ساعة... ماوافق٫ المشاكل الي بينك وبينه ماراح تصلح اي شيء... لا هي الي راح تخليه يترك الزوجه الثانية٫ ولا هي الي راح تخليك مرتاحة في بيتك... بالعكس حالة النفور بينكم كل مالها تزيد...
اذا محتاجة فترة تقعدين فيها بروحك٫ قولي له٫ انا ماني قادرة اتقبل الوضع حاليا وابي فترة اقعد فيها بروحي... وبعد كذا انت من نفسك بتكونين عاطفيا اهدأ وقادرة تتخذين انسب قرار لك ولعيالك...
اكبر غلط تسويه الي زوجها متزوج عليها انها تطلب الطلاق مباشرة... اول خذي فترة لنفسك ابعدي فيها حتى ماتشوفي تصرفاته معها (ضروري هالشيء لان الضغط النفسي بيظل يتراكم يوم ورا يوم...)٫ وبعد سنة تقريبا شوف وضعك كيف و وضع عيالك٫ ونفسيا بتكونين تقبلت الوضع٫ (او عالاقل عرفت قدرتك على تقبل الوضع من عدمه)... اذا مشت الامور الحمد لله٫ مامشت الطلاق بابه مفتوح على طول! لا تستعجلون عالطلاق...
حسبي الله ونعم الوكيل زوجي اتزوج عليا 😷
متابعة النقاش، صفحة 5