موقف احس مااقدر انساه

مره كنت منومه واسمع عجوز تصيح من الالم وتأن صوتها يقطع القلب وشوي اسمع بنتها الي مرافقه معها تصارخ عليها تقول خلاص يمه اص فضحتينا ما احد سوى سواتك
ياقلبي على العجوز حزنتني مره الله يهدي بنتها

كثيره المواقف عندي😔 مره كنا واقفين عند محطة بنزين الا ذاك الولد الصغير يقول امسح السياره لزوجي قال زوجي شكراا لانا مستعجلين والح الولد ويحاول رحمه زوجي قال نظف قال بكم قال برياااااال هنا انا بكييت والله عجزت امسك نفسي متحمل كل هالظروف وراحت طفولته واخرتها ريال وانا اولادي الريال عااادي عندهم احصله في كل مكان في البيت اللهم لك الحمد على نعمك يالله

اامواقف كثيره وانا من النوع اللي احزن بسرعه لاي موقف محزن وما انساه اجلس فتره اتذكره واحس بحره في قلبي عليه
اخر مره ف المستشفى كنت منومه وجنبي عجوز فيها امراض كثيره وخطيره وماخلفت بنات كلهم اولاد والله لايفسد لنا ذريه
كلهم رجال وبعضهم شيبان يجونها يعبون الغرفه وقت الزياره بسطوا وسوالف وضحك ومشوا ولا واحد فيهم قال زوجتي او بنتي ترافق مع جدتها او وحده من زوجاتهم كان في قلبها رحمه وتجلس معها القسم كله يهاوش عليهم ووحده كانت مرافقه مع مريضه بغرفه ثانيه فالت انا بجي وقت الزياره واشوفهم واكلمهم ليش الواحد طول بعرض ومخه واقف مافكروا بامهم وش تبي في زيارتهم يجون يزورون بس وجت وكلمتهم قالت حرام هذي امكم هذا جزاها ماتحصل حد ياكلها يجلس صحنها حتي يشيلوه وتدهورت صحتها اكثر من الجوع فالوا طيب طيب جزاك الله خير وان شاءالله ومشو ماخلوا احد عندها كذابين!!!
واليوم الثاني كلمتهم الممرضه قالت لازم مرافق هذا مافيه اكل هذا ممكن موت مافيه اكل قصدها حد يوكلها وطنشو نفس الشي
سرنا احنا اللي مافيها مغذي تقوم عندها او مرافقه مع مريضه ثاني تجي وهالجعوز تحززن تأن كله وقتها تتوجع وتنادي اولادها وبس نجيها ونمسك يدها ونمسح على راسها تهدأ وتنام مثل الطفل تبي الناس
تنادي الممرضات تقول الله يخليك تعالي عندي صوتها يرن بإذني منساه
وليلة انها توفت الله يرحمها جت وحده من زوجات عيالها تنومت معها لما دخلت في غيبوبه خلاص وش بعد تبي بها ماعد هي في حاجتها
والله يابنات قبل ماتدخل بالغيبوبه تنادي كالعاده وجتها وحده من المرافقين قالت ياخاله قولي لااله الا الله محمد رسول الله
والله يابنات يوم نطقت الشهاده كأنها بنت العشرين صوتها مو ذاك الصوت صوت عجوز لا صوت شابه انا شعري وقف من الموقف
وبعدها ع طول ماكملت الساعه ودخلت بغيبوبه واليوم الثاتي توفت
اسال الله العلي العظيم ان يغفرلها ويرحمها ويسكنها فردوسه الاعلى
انها ان شاءالله من اهل الجنه ذكر الله ماكان يفارق لسانها وتشهدت بصوت غيييير عن صوتها سبحان الله العظيم خاتمتها حلوه الحمدلله
الله يحسن خاتمتنا يارب اجمعين
وهذا الموقف هزني ورسخ بذاكرتي وما انساه وابكاني لن حسيت
ظلوعي تعورني من شدة مابكيت لحظة وفاتها رحمة الله عليها

يالله من جد موقف جدا جدا صعب الله يرحمها ويغفر لها مواقف تاثر في الواحد سبحان الله مره وحده تقرب لي توفت وجاني الخبر وانا نايمه يالله اش قد كان صعب صعب صار البيت كله بكا الف رحمه ونور عليها توفت فجاه وكانت صغيره اول ماتزوجت بكم شهر جانا الخبر كالصاعقه كل مااتذكر ينعصر قلبي من جوا جلست كم اسبوع حتى النوم اخاف انام من صدمه الموقف اللي صار يارب ارحم موتانا واسكنهم جنات النعيم واغفر لهم ونور قبورهم قادر ياكريم

رجال من اهلي.. يحب امه وبار فيها.. ماتزوج عشان بس يتفرغ لها ويهتم فيها
وكبر وملا شعره الشيب.. وامه عجوز وصارت فاقده لدرجة انه اذا يدخل عليها تتحجب عنه ماتتذكره.. كان يموت عليها وعايشين لحالهم بلبيت ماعنده الا اخت وحده متزوجه ومعيله وتزورهم كل حين
المهم مرضت امه وتوفت الله يرحمها... وبعزاها كان يبجي كانه طفل
بعدها باسبوع تقريبا راحت له اخته البيت موديتله اكل.. تطق الباب تطقه محد يرد... وشمت ريحه طالعه من البيت.. يوم فتحو الباب لقوه ميت صارله أيام ومحد درى عنه
مات من حزنه على امه
الله يرحمهم