ܔ❀ܔ❀ تجمع المسافرات الى الاماراتܔ❀ ܔ❀

السلام عليكم ورحمة الله وبركاته
حابه استفسر اناحجزت في فندق وايت فورت في ديره ووصولي في المغرب لدبي فين اروح اذا وصلت وابا جدول اذا ماعليكي امر لثلاثه ايام وهل القريه العالميه مفتوح علما اني حااوصل الخميس المغرب وارجع الاحد العصر والاماكن الي ناويه علها السوق الصيني ودبي مول ومول الامارات وابن بطوط اذا في اماكن تمشيهينفع نروحها فياليل والاسواق متي تفتح وابا محلات جلابيات حلوه ورخيصه الله يسعدك سويلي جدول حاسه اني ضايعه

الله يسعدك كمان السينما ومدري قلقانه من الفندق بس حجزت مدري ايش قولك عليه

مثلاً يوم تخصصون له ( برج خليفه + دبي مول + النافوره + سوق البحار ) كلهم نفس المكان انا عن نفسي افضل صعود برج خليفه في النهار لانها اوضح عن الليل وتشوفين الاماكن وإذا كان عندكم وقت ممكن تدخلون السينما بس الاطفال الرضع ما راح يدخلونهم ممنوع


اليوم الثاني القريه العالميه تفتح الساعه 4 العصر وتسكر الساعه 12 في الليل وفي الاجازات إلى 1 صباحاً والقريه تحتاج يوم كامل ويمكن تخلصينها ويمكن لا ^^


اليوم الثالث : ميراكل جاردن + المارينا + JBR


اليوم الرابع : السوق الصيني ( هو كبير وممكن ياخذ كل الوقت فـ الافضل تحددون شو الاشياء إلي تبون تشترونها ) وإذا في مجال ممكن تروحون الامارات مول او بن بطوطه بعد السوق الصيني


اتلانتس فيه اجانب بلبس قطعتين لانه فيه العاب مائيه فـ إذا بتروحون حق احواض السمك فـ ممكن تستبدلونها بدبي مول ( الاكواريوم )


اليوم الخامس : الباص العجيب , ممكن تروحون حديقه الخور والافضل تتأكدون من الموقع عن وقت عروض الدلافين عشان تلحقون عليها وهذا الرابط


http://www.dubaidolphinarium.ae/

, في الليل ممكن تحجزون عشاء على السفينه في الخور


المقهى الثلجي ما راح يدخلونكم لان معاكم رضيع وممنوع دخول الرضع حتى سكي دبي ممنوع


عالم مدهش في الصيف فقط

جزاكي الله خير والله هي رحله طياري علي السريع اشان كده كنت ابا فندق رخيص طيب ايش رايك في فندق موسكو دبي في حدود 200الي300وما لقيت غيرا دا الخيار اذا ممكن تقترحلي شي في دي الحدود والله يجزيكي خير