شاركي في النقاش

سجلي الدخول لإضافة تعليق.

التعليقات

33
  1. @independent_mama

    أنا وعيلتي وبس
    شكرا ماما انتظر جواب مثل جوابك محتاجة امور عملية ، انا ابدا ما اهمل البيت ولا الاولاد ، والاداء عالي جدا وتنظيم وجمال ، ولهالسبب بحسه ما بينضغط ولا على باله ، ومن هنا مشكلتي ، ما اقدر اقصر بشي وهو مبسوط، موضوع الاكل ريحتيني ان هذا طبيعي لك…
    خليها تخدم ابوها مافيها شي هذي بنته واذا حسيتيها مضغوطه مثلا وراها مذاكره ساعديها

    الشي الثاني .. كيف يطلب منها ملابسه اذا دخل الحمام ؟ .. يمكن انتي كنتي تعطينه ملابسه وهو في الحمام !!
    ليش مايدخل الحمام ومعه ملابسه ؟


    اتوقع فيه امور كثيره انتي تخدمينه فيها بزووووووود ! وهالشي رجع بسلبيه عليك وعلى عيالك

    اسم انه ( رجال ) مايمنع انه يخدم نفسه بنفسه .. الرسول عليه الصلاة والسلام كان يغسل ملابسه

    يمكن انتي مدلعته بزود وهالشي غلللط .. عمر الحياة الزوجيه ماكانت بهالصوره

    عالعموم يختي اتركي سالفة الخدمه على جنب ( مع انه لازم توقفين مع نفسك وقفه جاده وتوقفين التدليع الزايد عن حده حتى لو كنتم متصالحين هو شخص له يد ورجل خليه يخدم نفسه .. ادا بغى مويه يخدم نفسه .. اذا بغى ملابسه يغسلها في المغسله اذا ماعندك شغاله ويدخل ملابسه معه الحمام )

    اللي بينك وبين زوجك لازم يتصلح .. شوفي اساس المشكله وين .. اكتبي ايجابياته في ورقه ومواقفكم الحلوه تذكريها .. علشان تهيئين نفسك للصلح .. وماتصدون عن بعض فتره طويله

    وش ينفع مع زوجك ؟

    مثلا رساله تقولين فيها كل اللي في قلبك باختصار ومن دون انفعال .. مع شوي كلمات حلوه من دون مبالغه

    وبعد ما تتصالحون ابدأي خففي الاعباء عنك .. علشان لو تتهاوشون ماتندمين على هالاشياء اللي تسوينه

    اللي عليك الواجبات فقط .. واتركي التدليع الزايد .. خلي الدلع بالالفاظ .. والاحضان .. والعلاقه الخاصه( شي متعلق فيك انتي )

    لكن الغلط انك تدلعيه بالوجبات وتنظيف البيت وفطور ربعه او تجيبين له كاسة مويه ( شيء متعلق بامور البيت وراحته )

    قالك فطور ربعي ( قولي انا وراي مسؤليات اهم ) او تعبانه فيني نوم ... انتي تعرفين شخصية زوجك والاعذار اللي يقبلها

    قالك ملابسي قولي الرسول عليه الصلاة والسلام كان يغسل ملابسه

    ولو يقولك كلمة تزعلك بسبب هالشي لاتزعلين تحملللي وعامليه عادي بس اثبتي على رايك

    عمر الحياة الزوجيه ماكانت لا في خدمة الزوج ولا في اني اخلي بيتنا فندق خمس نجوم !!

    غلللللط

    احنا تزوجنا علشان نريح بعض .. والا ليش يقولون عن الشريك نصفك الثاني ؟ النصف الثاني مكمل لك .. موب عبيء عليك

    بسلامته يقوم بأموره وانا اقوم بأموري .. ولا اربطه ولا يربطني في جميع امور الحياة .. كذا الحياة بتكون صعبه .. ولا اركض ورا رضاه لانه ماراح يرضى ..
    اقوم بواجباتي كااااامله .. اقدر تعبه وسعيه للقمة العيش ... اخلي عياله يحترمونه ..التدليع الزايد برا حياتنا الا اذا الدلع مرتبط فيني انا ..
    اخذ اي شي لي حق فيه منه ... بالكلمه الحلوه والابتسامه و البال الطويل ..
    ضيوفه لهم حد
    اصدقائه لهم حد
    اهله لهم حد
    لاني متزوجته هو ماتزوجة هذولي
    مثلك لما قالك فطور ربعه .. المفروض سويتيه مره مرتين .. وبعدين قلتي خلاص حبيبي ماعاد اقدر .. بعني من البدايه تحطين حدود
  2. @ashay_akhdr_bskra

    ظالم لأي مدى هنا السؤال .. !

    حسب ظلمه ، لان الظلم مفهومه من شخص للثاني مختلف .. خاصة بالحياة الزوجية ..

    زوجك شكلك ساكته له لانك حاولتي معاه كثيير وكل محاولاتك اخرتها قهر وفشل وتنازل منك ورضيتي بالامر الواقع ، لكنك انصدمتي من ردت الفعل باتهامك بالتقصير !! .. ( ماادري انتي صاحبة المشكله او غيرك )

    لكن نصيحه لك ، اذا زوجك عاجبك لكن تحسينه ظالمك بنقاط مهمه لكن مو عظيمه .. حاولي تتقربين منه حسب نمطه وشخصيته ، لا تطلبين الطلاق ، احنا بمجتمعنا نتزوج انماط مضاده لها عكسنا بالزبط ، عشان كذا ننصدم ونستغرب .. لان مانعرف الرجال قبل الزواج ومايكون على ذوقنا !!

    الامر يبيله قناعه .. احنا نتزوج والتعارف بعد الزواج والزوجين لازم يكونون مرنين تجاه هالشي ويتنازلون ويعرفون شخصيات بعض ، اذا حابين يستمرون ..

تابعي تجارب أخرى من هذا القسم.