شاركي في النقاش

سجلي الدخول لإضافة تعليق.

التعليقات

1,426
  1. @razaz853

    ام تالا2012
    استغفرالله
    السلام عليكم انا رحت لتركيا شهر رجب وشعبان الماضي كان الجو في اسطنبول روعه و اوزنجول اروع بس الشي اللي مستحيل يروح عن بالي مدى الحياة مرتفعات سلطان مراد وانا أتذكرها ابي ابكي يااااحلاتها يارب اكتب لي روح ثانيه لها.
    خواتي اللي شايله هم اللغه و الحجاب و الأمان ترا الأمور تساااااااااهيل لا تعقدون اموركم ....
    أتمنى لكم سفر طيب 😍
    هذا الفيديو من إخراجي عن رحلتي لتركيا لا تنسوا اللايكات😄
    http//youtu.be/pZPE-8s5mFK
  2. @naaom_alrthath

    عزيزتي محبة القران جعلنا الله جميعا من اهله

    زوجي كان حريص انو يحجز الطيران بدري عشان التخفيض وحجزنا قبل 9 شهور من الرحله
    كانت التذكره ب 1200 ريال ذهاب وعوده للكبار اخوي كان يبغى يروح معانا وما حجز بدري في شهر 5 راح يبغى يحجز حصل التذكره ب 5 الاف ريال على الخطوط السعوديه والقطريه تخيلي وبطل ما راح
    الحجز المبكر لكل شي يفرق معاك في الميزانيه

    الفنادق للاسف مو فاكره اسمها ومااحتفظت بالاوراق لو اتذكرت اي اسم ح كتبه لك
    لكن في ازونجول انصحك بالسكن على النهر لان الفنادق اللي تطل ع البحيره فيها حشرات وبعوض
    كمان حجزناها بدري تقريبا قبل 6 شهور من السفره وكانت اسعارها حلوه في اوزنجول ب 200 ريال وفي طرابزون ب 400 ريال وفي اسطنبول ب 400 ريال
    اهم شي الحجز المبكر لان فندقنا اللي في اوزونجول في اغسطس كان ب 800 ريال شايفه كيف الفرق

    التكاسي صاحب الفندق كان هو يتصل لنا عليهم ويجون عندنا وانتم تقدرو تاخذو رقم اي شركه من الاستقبال عشان تتصلو عليهم في اي وقت وكنت اشوف تكاسي الشركات في الشوارع بس نادرا
    اسعارهم كانت ب 20 ريال او 30 بالكثير 40 ريال الا للمطار اخذو منا 170 ليره
    لكن التكاسي العاديه كانو يطلبو 50 ليره والمشوار مو بعيد

    وبالنسبه للعنصريه ابدا ما لاحظت هذا الشي الاتراك طيبين ومتعاونين وممكن انو توجد عنصريه بالنهايه هم مو ملائكه وفيهم الزين والشين لكن الواحد يكون حريص
    قبل نسافر الناس حذرونا من العرب وقالو انهم نصابين لكن يشهد الله اننا قابلنا سوريين كانو متعاونيين وساعدونا كثير وممكن يكون بعضهم نصابين

    نسيت اقولك اذا كان صاحب التاكسي كبير في السن لاتركبو معاه اخلاقهم مره ضيقه ومايتحملو اي كلمه عصبييين يا ساتر

    التذاكر الداخليه كانت ب 300 ريال للشخص على طيران الاناضول
    سفرتنا كانت مده 17 يوم

تابعي تجارب أخرى من هذا القسم.