❤️❤️التجــ 2 ــمع لتبآشير مواليد (نوفمبــ11ــر 💖ديســمبــ12ــر)❤️❤️

عسل سبحان الله الرجال مايبين لك وانتي حامل انه يبي ولد بس اذا عرف انه ولد خصوصا الاول يطير من الفرح

زوجي كان يقول عادي اي شي اهم شي يكون بخير ويوم عرف انه ولد فرح وجلس يفكر وش يسميه ماتوقعت ردة فعله كذا
بس ماقال لاحد حتى اهلي طبعا اهله مايسالون نهائيا وش حامل فيه

عسل.. ربي يطمنك .. وان شاء الله يصير البيبي بخير..

تعب.. الله يعطيك الصحة والعافية ما شاء الله عليك..

سماسم.. انا لو مكانك صراحة اختار تتدخل بس طبعا بداية السنة حتى ما تنحسب عليه مواليد عام كذا وهو ما اخذ الا كم يوم.. وبعد الاستخارة اكييييد..

عهد.. دام هو قال بنفسه عادي وكذا .. استقبليهم وبالعكس افرحي فيهم.. احمدي ربك ان الوالدة موجودة الله يخليها لكم يا رب.. والاطفال طييعي يصيروا فوضويين ولابد من حوسة بس اذا صارت النفس رياضية تتقبل اي شي وتشوف الناحية الايجابية.. اما انك تقولي لاهلك لا تجون !! صعبة جدا .. وعلى ما قالوا البنات انت حسسي زوجك انهم جايين عشانك وانك ممنونة لهم بهالشي .. مو العكس..

ملاك وعسل.. بالنسبة للجنس طبيعي الواحد يبي الاثنين.. قريبتي كان عندها اولاد ولما حملت بالبنت حتى زوجها فرح كثير الله يخليهم لها ويخليها لهم.. واكيد العكس.. من باب اولى.. يعني لو حملت زوجته بولد خاصة بعد بنات بيفرح كثير .. مثله مثلنا .. يعني الوحدة لو عندها اولاد بتتمنى البنت والعكس..
طبعا اتكلم عن البشر الطبيعيين .. مو احد الله لا يبلانا تتمنى ولد لو معاق ولا بنت.. وكانت منزلة موضوع هنا والمشكلة بكرية .. الله يهديها..
هدايا من ربي ونتشرط بعد..

صادقه بس انا زوجي قال لي قبل الحمل انه يتمنى يجيه ولد ولما درى انه ولد طار من الفرحه ومثل ماقلتي قام يفكر بالاسم
مع ان بنتي البكر وأول فرحه الا انه ماجاب خبر ولا فكر باسمها فرح فيها بس ماافكر بالاسم او يشوف ملابس البيبي
وأهله قدامي يبنون انهم مايدرون ولا يسائلون بس طلع من وراي عارفين وساكتين

ليلوسا
اللهم امين ويهون عليك يارب وما تعوشرين ان شاءالله

مثلي انا اليوم خلصت اعشابي الحمدالله
باقي الصيدليه راح يجيبها لي زوجي ان شاءالله