شاركي في النقاش

سجلي الدخول لإضافة تعليق.

التعليقات

1,999

  4. @ronk_alhyaamp

    صباااح الخير

    متابعتكم. دائما بس كل مره الاقي الصفحات طايره وعلى مااخلص قراءه الا طفيت

    مبرووك لكل اللي ولدو وحمد الله على سلامتهم
    وام شهوده عظم الله اجرك وربي يقويك اكثر
    وفراوله كثري صدقه ياقلبي وكلها ايام وربي يفرحك فيها

    اللي. مشتركه ببرامج بيبي. بتلاقي كل اسبوع يرسلون لها تفاصيل واعراض هالاسبوع. وبتلاقين اغلب الاعراض اللي نحس فيها فعلا طبيعيه ومن تعب الحمل فما صرت استغرب من اي عارض يجيني شد او الم بالورك وحتى الثقل اللي تحت. ربي يأجرنا على هالتعب الحمد الله

    تكلمتو عن القشر. وفعلا فوائده جميله بس قرأت معلوومه ان اهو يعد من مدرات البول. فيفضل للوالد تتجنبه العشره الايام الاولى لسبب معين. للاسف الذاكره ميح كانت ببالي المعلومه وطااارت المهم ان الوالد محتاجه تكون موجافه فالافضل تاخذه بعد 10 ايام من الولاده

    نجي لاخباري
    الحمد الله الان بالثامن بالاسبوع ال32 ومراجعاتي قليله بس بين كل فتره وفتره انط اتطمن عالاوضااع
    اي صح واخيرا عرفت جنس البيبي. بنووته لوني اسمي بالوردي كنت من. البدايه حاسه انها بنت لان نفس علامات حملي السابق ماتغيرت. ثقل ثقل ثقل موطبيعي بس انافخ وغير السمار برقبتي وشكل بطني كله بالجوانب ابدا مافي شي بالامام مايبان بالعبايه اني حامل عكس الاولاد تنط بالوجه لدرجة اتكي عليها وخفيييفه اكون هذا عن طبيعة جسمي وكل حامل لها مميزاتها سبحان الله

    بعد ماعرفت جنس البيبي ببتدي اكمل نواقص
    باقي لي طقم مفرش سرير البيبي محتاره من وين اخذه
    وديباج لي محتاره بين بطانيه لانو برد او ديباجه عاديه لان النفاس دائما محراره
    وفوطه للبيبي الى الان ماشفت خامه اعجبتني لابسنتر ولا غيره مافيه نعومه ماحبيتهم
    هالشغلات سهله كلها طلعه وحده واخلصها
    بس اللي شايله همه اني بولد ببيتي وتوه جديد ومن الاثاث يصفر حملت وكرهت كل شي ماقدرت ااثث والان ودي لو الغرفه اللي بتنفس فيها ارتبها رحت كذا محل ماقتنعت بشي والوقت الان بدى يضيق ومع الثقل الحركه اصعب صارت
    اللي بالشرقيه نصحوني بمحل اثاث اخذ كنب من عنده
    حبيت افضفض من اخت. لخواتها

    واخر شي نصيحه لكم لاتكثرون هالاشياء اللي تسمعون انها تفتح الرحم وتسهل ومادري شنو لان سبحان الله اللي يناسبك مايناسب غيرك
    اللي تبي. تولد عليها بقراءة القران ومن تدخل التاسع يوم عن يوم تتنقع بمويه دافيه وتمشي بعدها عن تجربه
    كل حملاتي اتعب اكمل التاسع واخر حمله لي كانت فترة اختبارتي بالجامعه واختبرت اسبوع وتعبت ماعاد فيني اكمل اختبار باقي المواد واستغليت خميس وجمعه مشي واتحمم بمويه دافيه حتى لرجعت من المشي بره. وارتحت بعد كذا ساعه اشغل. سير الجري عالبطيء وامشي وبعدها اتحمم وكلها سويعات انكبت علي المويه وبالطريق بدى الم الطلق وولدت حسيت اول مره اقرر اني اجباري ابي اولد هاليومين واسويها وصج اولد
    صحيح تعبت بالمشي بس ولدت
    هاذي تجربتي والله يسهل عليكم ياحلوات

تابعي تجارب أخرى من هذا القسم.