هلا حبيباتي
مين اللي مافهمت الجزء الاخير
صح جتني الدوره اول رمضان واخره
يعني الحين اخر دوره لي اخر رمضان
نكمل ......
حملت وبدت معاناتي مع الوحام انا بكل عيالي اتعب من الوحام مرررره تعبت اهملت بيتي ورجلي وعيالي بس حمدلله عندي خدامه شالت عني الكثير بفضل الله المهم وزني نزل حيل طبعا ابد ابد مارحت المستشفى
يوم كملت ٨ اسابيع يعني قبل اسبوع بالتمام هذا بحسابي اما السونار يقول عشر اسابيع
كانت المفااااااااجااااااه اللي ابد ابد ابد ماكنت متوقعتها ولاحسبت لها حساب ولله الحمد
قالت الدكتوره الجنين عمره ست او سبع اسابيع ومتوقف نموه وبينزل خلاص😢😢
دارت بي الدنيا وحامي متعب متعب وقطعت مسافه بالوحم حمدت ربي وشكرته وطلعت ودموعي تنقط لدرجة ماسالتها ومادري وش اقول بس قالت لي اشربي عنزروت وقرفه وزنجبيل وحينزل ان شالله طلعت علمت امي وقالت اصبري ورحت بعدها يوم السبت هذا اللي فات لمستشفى الولاده وقالت نفس الكلام بس ماقالت نزليه قالت اذا جاك دم تعالي قلت يادكتوره انا للان اتوحم استغربت حولتني على اخصائي نساء وولاده واخذت موعد هالاثنين اللي فات ورحت وقال نفس الكلام ولو تبين تتنومين نعطيك عضييت عباتي وحطيت رجلي هجيت زوجي مو مصدق يقول دامك تتوحمين ماصدقهم
رحت يوم الثلاثا لدكتورتي مستشفى خاص وعلمتها السالفه قالت معاك صورة السونار قلت لا سويلي عادي سوتلي داخلي وخارجي مع ان كنت بمستشفى الولاده رفضت الداخلي بس خلاص استسلمت قلت عادي سوي قالت نفس الكلام 😢
قلت تكفين يادكتوره افهميني انا اتوحم وتعبانه للان وانتم تقولون الجنين له شخر متوفي وانا وحامي مازال وماعندي اي عرض للاجهاض وهذا الشي محيرهم لا دم ولامغص ولااااشي قالت طيب بنسوي تحليل هرموني ونشوف النسبه لو من ٤٠٠ وتحت معناه حمل ضعيف وخلاص بينزل وركضت اسوي التحليل ورجعت بعد ساعه اخذت النتيجه طبعا اول مره اسوي تحليل هرموني ماعرفه ورجعت دخلت عندها
وكااااانت المفاااااااجااااااه هرمون الحمل عالي 33,333 الدكتوره كذا صارت😳😳😳😳😳😳😳
قالت تجين تعيدينه بعد ٤٨ ساعه يعني اليوم العصر
عاد البارح شفت خيوط دم مع مغص خفييييف وللان ماشفت شي حسيت انه خلاص بينزل
بس زوجي قال نسوي التحليل ونشوف اذا زادت النسبه اولا
والان قصتي ماخلصت وانتظروني بعد ماحلل او يمكن يزيد علي الدم واسقط
اذا في احد مر عليه زي كذا يقولي جنين متوقف النمو ووحام مستمر ولافي اعراض تسقيط وهرمون الحمل عالي
بحساب السونار حاليا لي ١٢ اسبوع وحسابي ١٠
ادعولي حبيباتي خايفه من الاجهاض واعراضه والنزيف لان الدكتور حذرني من النزيف
وسلامتكم 😘😘😘😘😘
تم الإرسال بواسطة iPhone بإستخدام منتدى عالم حواء
ملف العمل بالاسباب لانجاب الاشبال باذن الله ~تجارب ناجحة///استوفى الردود
متابعة النقاش، صفحة 417