♥♥ تبآشير الولآدة 12 لآحلــى موآليـد سبتمبـ9ــر ,,, آكتــ10ـوبر ♥♥

السﻻم عليكم

عسى ربي يسهل للجميع ويولدون بالسﻻمه

صج النفاس سهر وتعب بس والله ارحم من الحمل بوايد بكتب لكم قصه وﻻدتي ﻻن وايد بنات يخافون من الطلق الصناعي وانا هذي 3 تجربه لي معاه

من دشيت التاسع وانا جسمي تعب بزياده والسكر متلخبط وزاد عندي التهاب تكرمون
ثاني العيد رحت الطوارئ شافتني الدكتورة قالت سكرج مرتفع ﻻزم ترقيد سالتها ابي وﻻده قالت بنشوف اذا ماتعدل السكر خﻻص وﻻده تمين اربع ايام يالله تعدل السكر وكان مقفل الرحم
خامس يوم قرروا لي طلق صناعي وعملوا لي توسعه فصار تقريبا سانتي ونص مفتوح
رحت لقسم الطلق حطوا لي تحميله وجاتني اﻻﻻم بس مانزل شي وعقب 8 ساعات بعد حطوا لي وحده وكام فيه طلق بس خفيف ثاني يوم جات اﻻستشاريه فقالت انصحج تنزلين وﻻده ونحط لج مع الوريد طلق انا خفت ﻻن ماجﻻبت الي بالوريد والكل قال قووي بس امي قالت توكلي على الله وروحي وعطوني حقنه تفضي بطني وكنت اشكي من اﻻمساك خصوصا من دشيت التاسع
دشيت الوﻻده وسبحان الله اشتغل الطلق الطبيعي معاي الضاهر اﻻمساك كان مخرب علي
طبعا كانت معاي نيرس عربيه ولﻻسف كانت قاسيه وجاتني في ولدي قبل3سنوات ولﻻسف جت في بنتي بعد لكن الحمدلله على كل حال
الطلق زاد وفتح الرحم ل5 والدكتورة بطلت الماي وزاد الطلق وطلع الراس والنيرس الله يهداها جرت الراس مدري ليش وصار شق فيني
بس الحمدلله البنت جت سليمه عقب جاني نزول بالضغط فتميت اربع ساعات بالوﻻده يفحصوني بس شوفت بنتي نستني كل شي الحمدلله وصج بنتي فشت ثاني يوم كانت منفوخه من السكر

حبيباتي معلش ما قريت شي
انا ولدت اليوم الصبح وجبت أحمد بعد يومين من الطلق الصناعي
ازا في حد خلف فالف مبروك والباقيين عقبالكم

اعزروني انا لسه بالمستشفى ولسه دايخة وعم استفرغ كتير

شجن وخالتهن وبنت الريف
وكل اللي ولدو الف مبروك وحمدالله عالسلامه

الريم الله يسهل امرك ويعينك ويسهل على كل المتوسعات