شحااااااااااااااااااااااااالكن يالغاليات
عاااااااااااااااااااااااااااااااد أقووووووووووووووووووولكم
ترى هذي أول مشاركة لي
وحبيت أول مشاركة تكون نصايح للشيخات اللي هنيه
والمثل يقول اسال مجرب ولا تسأل طبيب
خصوصا في هالمواضيع راي المجرب يكون أهم من راي الطيب
لان راي الطيبيب يا يصيب يا يخيب
خخخخخخخخخخخخخخ
تراني أسولف وياكن راي الطيب مهم طبعا
المهم ما بطول عليكم وايد أنا يبت لكم نصايح من هنى وهناك وصدقوني اني جربتها
النصايح للعناية بالشعر بشكل عام
النصيحة الأولى: وأهم نصيحة هي اعرفي نوع شعرج
من أهم الاشياء قبل ما تتخذي أي خطوة في التعامل مع شعرج انج تعرفين نوع شعرج هل هو دهني ، جاف أو عادي عشان تعرفين تتعاملين معاه...ولو ماعرفتي بنفسج تقدرين تسألين خبيرة
النصيحة الثانية: بعد ما تعرفين نوع شعرج
طبعا بعد ماتعرفين نوع شعرج بتعرفين الاشياء المناسبة اللي تستخدمينها لشعرج مثل : الشامبو والزيوت والدهون والأدوية وتعرفين كم مرة يحتاج شعرج للغسيل لانه يختلف طبعا وبشكل عام يفضل غسل الشعر مرتين أسبوعيا والشعر الدهني يحتاج لثلاث مرات في الاسبوع
النصيحة الثالثة: قبل غسيل الشعر
يفضل انج قبل ما تغسلين شعرج تسوين له حمام زيت اسبوعيا مرة أو مرتين طبعا حسب نوع شعرج وتعرفين الزيوت اللي تناسب شعرج مب اي زيت والسلام لانه ممكن صديقتج تكون جربت زيت وتشوفين شعرها وااايد حلو تقومين انتي الثانية وتستخدمين نفس الزيت لكن لانه ما يناسب نوع شعرج ممكن انه يضره أو يبقى الحال كما هو عليه وتقولين في بالج ربيعتي كذابة وتبدا المشاكل بينج وبينها....مافينا على المشاكل:22:
النصيحة الرابعة: حمّام الزيت
طبعا حمام الزيت يكون كالآتي خليط من الزيوت المفيدة لشعرج وتضعينها على الشعر وتلفينه بالهير كاب أو بكيس بلاستيك المهم انج تلفينه عشان يدفى ويستفيد منه شعرج لمدة ساعتين وبعدين تشيلين الهير كاب وتتركين حمام الزيت على شعرج طول الليل عشان تغسلينه ثاني يوم الصبح
النصيحة الخامسة: احذري 2 في 1
احذري احذري احذري تستخدمين أي شامبو 2 في 1 لانه مضر جدا للشعر..يفضل انج تشترين شامبو منفرد عن البلسم. وخليني اقولج ليش؟ الله يسلمج لان الشامبو لازم تغسلين منه شعرج على طول يعني لا تخلينه فترة على شعرج مثل مايكون مكتوب على العبوة يقولون لج "اتركيه خمس دقائق" وثاني شي البلسم لاااازم يُترك فتره على الشعر تتراوح بين الدقيقة والدقيقتين فإنتي لما تستخدمين 2 في 1 راح تحتارين بين تركه أو غسله
وطبعا أهم شي لما تشترين الشامبو والبلسم انج تنتبهين على النوعيه يعني لو كان شعرج دهني تختارين شامبو وبلسم للشعر الدهني.... ويفضل انج تغيرين نوع الشامبو من فترة لفتره يعني أحسن شي بعد ما تخلص العبوة اللي عندج يعني هالمرة تستخدمين شامبو بالبيض المرة الياية استخدمي بالصبار وهكذا...اتفقنا؟:icon31:
النصيحة السادسة: بعد غسل الشعر
طبعا بعد ما تغسلين شعرج نشفيه زين ومشطيه بكل حنان لا تمشطينه بقسوة لان الشعر يكون وااايد حساس.. واتركيه لا تلفينه أبدا أبدا أبدا قبل ما ينشف بنفسه وإيّاكي ثم إيّاكي انج تستخدمين المجفف عشان تجففينه الا طبعا اذا كنتي مضطرة يعني وراج حفلة أو عرس ولو اني أشوف انج تغسلينه في هذي الحالات قبل بيوم
النصيحة السابعة: نوع فرشاة الشعر
يُنصح دااااايما باستخدام الفرشاه اللي تكون أسنانها من الخشب أو العظم وهذي صورتها
النصيحة الثامنة: الغذاء
طريقة غذائج تأثر على شعرج يعني حاولي تاكلين الأشياء المفيدة اللي تغذي جسمج وشعرج في نفس الوقت وخصوصا الأكلات اللي تحتوي على فيتامين أ
النصيحة التاسعة: ارحمي شعرج
ارحمي شعرج من الصبغات والسشوار (المجفف) والشمس والرطوبة وخليه يتنفس شويه ويرتاح لان الشعر مثل أي عضو في جسمنا محتاج للراحة خلي سالفة الصبغ والسشوار هذي للمناسبات فقط وطبعا محد في هالدنيا عنده مناسبات كل يوم ..والفترة المطلوبة بين كل مرة ومرة تصبغين فيها شعرج هي 5 شهور يعني اصبغي شعرج وبعد خمس شهور لو شفتي نفسج محتاجة للتغيير اصبغيه...والله شي حريم شعورهن لو فيها لسان بتشتكي منهن:boom:
النصيحة العاشرة: التدليك وقص الأطراف
دلكي شعرج دايما عشان الدم يجري في راسج والشعر يقدر يحصل على المواد المغذية من الدم...وقصي أطرافه بشكل دوري يعني كل شهر مرة والطول المطلوب انج تقصينه من شعرج حوالي 3 سم
النصيحة الحادية عشر والأخيرة: الفترة المطلوبة
طبعا دااايما نحن نكون مستعجلات على تحسن الشعر ونستخدم العلاج مثلا لمدة أسبوعين ونقول الشعر ما تحسن و أحيانا نترك العلاج و ونقول ما يفيد بشي .... مع الأسف ان الأغلبية من النساء ما يعرفن ان الشعر يحتاج لمدة 6 شهور عشان يلاحظن تحسن الشعر هذي هي الفترة الطبيعية اللي يحتاجها الشعر عشان يتحسن
وأخيرا سمحولي لاني طولت عليكم وايد بس لاني استفدت حبيت أفيدكم
جربوا وادعولي