السلام عليكم.
انا جديده ع قروبكم ولدت قيصريه قبل سنه ونص والان حامل
انا ماحب اسمع خبرات سيئه احب الشي الايجابي واحب اقولكم انني ولدت قيصري واتمنى لكل وحده تكون ولادتها مثل ولادتي والحمدالله يارب. واتمنى ولادتي هذي نفس ولادتي السابقه. واصدقون ماابي طبيعي رغم انهم يقولون احتمال اقدر طبيعي. بس افضل العمليه.
سبب العمليه : المشيمه نازله بالتاسع. وقررولي عمليه وماحسيت بطلق ولاشي وع طول غرفة العمليات
التخدير : موضعي.
احسن شي حطوليالقسطره وانا مخدره ماحطوها قبل ادخل الغرفه. كان شي كويس. اطلبو انتم كذا.
التخدير الموضعي تكوني صاحيه ويغطون جهة البطن وماتشوفين شي ولا تدرين عن شي بس كنت اطالع بالسقف وبردانه واقرا المعوذاات. وبعدين كلها 10 دقايق واقل الا وصوت البيبي وطلعوه. وكنت متحمسه وشفتها وحطوها ع صدري وانشغلت وهم كملو خياطه. وبعد نص ساعه بالتمام من بداية العمليه. خلصنا. والحمدالله يارب.
وبعدين جلست مع زوجي وكلمت اهلنا ومو مصدقين يقولون غريبه تكلمينا وانتي شكلك تحت التخدير ماتحسين شي. وقاعده بس استنى الالم الي يقولون الحريم عنه وخايفه. والحمدالله راح تأثير البنج وكان الم محتمل وعادي جدا وبس وقت ماتحرك او اضحك. مو ذاك الالم الي يقتل. ويارب لك الحمد مشيت ثاني يوم وتقويت وهذا اهم شي. وبعدين طلبت الدكتور اطلع من ثاني يوم بالليل. وطلعت ع مسؤوليتي وكلها 4 ايام وانا عادي امشي مشي خفيف واستقبل ضيوف واضحك ومابي الا العافيه وكله بفضل الله وازالة الافكار السلبيه من راسي ودعم نفسي وتشجيعي لنفسي. وع فكره ماكان احد معي الا زوجي ماعندي احد لظروف.
وبعد اسبوعين بالضبط خلاص انا قادره بشغل البيت من تنظيف وطبخ وماكنت اشيل شي ثقيل واصلا مافي احد الحين يشيل شي ثقيل حتى الرجال ينادو عمال يحملون الاغراض والاسطوانات للبيت.
وبعد الاربعين كنت متخوفه عشان الجماع قلت يمكن من جوا الجرح وخفت يوصله حاجه وللا حاجه ههههه. لكن الحمدالله ماحسيت ولاشي وكل الامور تمام وع قولة زوجي الطريق مثل ماهو ماتغير يعني هذي ميزه للقيصري. واسأل الله ان يكتب لي الولاده السهله بحملي هذا.
وانتم بعد لازم تتفائلون وتشيلون افكار جداتنا من راسكم بخصوص العمليه وكأنها شبح. وهي ولله الحمد حل افضل لكثير من الولادات.
***التجمع السابع عشر للقيصريات***
متابعة النقاش، صفحة 298