لو عندي اخت

يمكن خيره لك ماعندك اخت بعض الاخوات هم وغم عليك
تعالي شوفي اختي الكبيره وشلون مشحونه علي وحاقده وهي سبب همومي وغمومي وعمرها ماوقفت جنبي
تفتن امي علي وتشحن اخواتي علي ماعاد صرت احب اخواتي من كثر ماشحنتهم علي
ياحظك مفتكه من الاخوات وغثاهم
اعتبري امك اختك واكسبيها لك انتي وحيدتها وماراح تكرهك امك لو محد سلطها عليك
احس غبطتك ع وحدتك تعالي خوذي اخواتي وتتمنين ماعندك اخوات
الله لايحوجنا لاحد من خلقه

لا احمدي ربك على نعمة الخوات
ويمكن مامرت عليك ظروف تحتاجين فيه خواتك
يمكن مامرت عليك ظروف تحتاجين لناس الغرب
وتشتكين وبعدين تندمين يمكن لحظتها تحسين بقيمة الاخت
على الاقل لو تغيرت عليك وحقرتك تبقى اختك منك وفيك

مثل حالتك
ماعندي خوات وامي شايله همي من يوم وعيت وعائلتنا متفككه واضطر اروح المناسبات لحالي ودايما ملازمه امي ودائما احس نفسي ان شخصيتي ضعيفه وماعندي عزوه وياكثر مابكيت وغرت من ناس لان احساس الوحده صعب والله صعب لما تشوفين خوات مع بعض وانت لوحدك تحسين انك بمحل ضعف ,ويشفقون عليك ويستصغرونك , وصرت انطوائيه حاولت اخرج من القوقعه اللي انا فيها واكلم بنات خلاتي بس استصغرهم احس عمر عقلي اكبر من عمري لاني كنت ملازمه امي ,فصرت افكر تفكير الحريم
لدرجة اني ماقدرت اكون علاقات اتفَه سواليف البنات بعمري احس انهم بوادي وانا بوادي , ماتستهويني هروجهم, يعني مافي تكافؤ
بس الحمدلله تعرفت على وحده مثل الاخت بالنسبه لي =همي همها مثل بعض وحيدات
لكن مكان الاخت دائما مايتعوض حتى لو تعرفت على ميه لان مكانتي بالعائله مثل ماهي ماتتغير نفس احساس الضعف بس الحمدلله شيء احسن من لاشيء
الحمدلله حمدا كثيرا طيبا مباركا فيه.

ياقلبي بعض الاخوات لما تفضفضين لها يمكن تكون ترحمك اول ماتفضفضين لها بعدين تمسكها عليك وفي اي مشكله تبدى تخرخر كل الي فضفتيه لها وتفشلك عند الي يسوى والي مايسوى
صادقي بنات من المنتديات وسولفي معهم وفضفضي وقولي الي بخاطرك اولا واخيرا ماراح يضرونك بنات المنتدى بشي لانهم مايعرفون كل شي عنك واذا صار بينكم شي ماراح تفضحك عند اهلك واقاربك او معارفك
بالعكس يمكن اخوه المنتديات ابرك ملييييون مررره من ااخوات
بزواج اخوي ولاوحده من اخواتي وقفت معي وراحت معي السواق علشان اقضي اغراض الزواج رحت وشاورت بنات المنتديات الي اعرفهم من فتره والله هم الي ساعدوني ووقفوا معي والى الان مهتمين فيني ويسالون عني واخواتي ماطقوا لي خبر
في اخوات من لحمك ودمك وهم عليك وتتمنين عدم وجودهم
وفي اخوات ماولدتهم امك وابرك مليون مررره من الاخوات الله المستعان بس

احنا معك و مثل خواتك وتقربي من ربك ،
وانا نفس كلام (ياحلم متى تتحقق )
ربي يفرج همك وهمي ..