<<< هنا تجمع الكشش ممنوع الي شعورهم ناعمه!!!

انا راح اقول تجربتي مع بنتي الله يخليكم الي تستفيد منه تدعي لبنتي ان شعره ينعم اكثر واكثر
خيارتين في الاخلاط مع ميونيز وعسل واي نوع من الزيوات مع بيضه ويوصع ع الشعر اطول مده ثم اغسلي شعرك والله انه نفع من مع بنتي كثير بستمر اكثر وبنتي يعني عليه كسر خاطري من اول لكن الحين ومشالله بداء تفرح شوي

انا جربت زيت السابله والماسكه وساق الحمام حلو يلمع وصار استشواره اسرع
والمايونيز مع البيض
الحين افكر في اليوكو ومتردده
خايفه يتساقط ولا يصير واقف وكنه مسامير
انا شعري جاف ونافش بس مع السشوار يهجد بسرعه
ياليت تساعدوني
ومواضيع اليوكو الي بالمنتدى بحثت عنها ومالقيتها

غيبتك قهر ................>الله يساعدك حبيبتي وتلاقي حل ...

أنا استعملت اشياء كثيرة أغلب اللي ذكروها البنات ... الحمد لله شعري صار احسن بكثير على قولتهم وين كنا وصرنا ووين ... الحين الكل يسئلني شتسوين بشعرك طول وصار شكلة صحي ....

المهم ...

افضل شي للشعر عن تجربة .... على فكرة انا شعري من النوع اللي ما يسوى ريال بدون الاستشوار ... يعني فضيحة ...

المهم الاشياء اللي غيرت شعري على مدار عناية واستخدام لمدة لا تقل عن ثلاث سنين تقريبا ...
يعني انا كل اسبوع لازم اسوي له شي .... ويا كثر الاشياء ااخايسة اللي حطيتها بشعري ... وما اغسل شعري نهائيا بدون ما احط عليه شي انشالله لو ادهنه بزيت عافية لمدة نصف ساعة قبل اغسلة بالشامبو ... لان شعري جاف جدا والشامبو يزيد جفافة وش ما كان نوعه..

الخلطات الفعالة ...
= ملعقة سدر مخلوطة بشوي ماء + بيضة + ملعقة عسل(العسل الاسود افضل شي) + ملعقة خل (تقضي على ريحة البيض وتلمع الشعر) + 4 ملاعق من مجموعة زيوت(اللي عندك)
(تغذية للشعر ويقوية عن التساقط (لمدة ساعتين فقط)

= زيت عافية + حلبة .... كثافة للشعر ... بس اهم شي ما تقطعينة فجاءة عن الشعر يصير له إدمان وبعدها يتساقط ... يعني بين فترة وفترة لازم ترجعي للخلطة.

= خلطة السابلة + الماسكة + ساق الحمام + زيت النارجيل (نعومة رهيبة مع الاستشوار) بس لازم تبللي الشعر بالماء قبل وضع الزيت افضل

= موز ة + ملعقة بيرة + ملعقة زيت السمسم ((لمعة خطيرة للشعر) بس الافضل وضعها على شعر نظيف عشان ما تغسليها بالشامبو واستشوري وشوفي لمعة مو طبيعية

= الحلبة + المحلب + رشاد + سدر + بيضة + شوي ماي (كثافة للشعر) بس ريحة فتاكة قاتلة مدري انا كيف كنت استحملها بس اللي يبي الدح ما يقول وووع ...

= السدر + ماء (يهبط الشعر .. بس لا زم تلمية ببكلة لحد ما ينشف)

للي تستخدم مايونيز+ زبادي + زيت (لا تتركه اكثر من نصف ساعة في الشعر )

شعري ايه نعم حلو بس هاليومين رطوبة ومفشلتني الغرة تنفش مع الحر والرطوبة فرحت عملت فرد للشعر من شركة لوريال اسمه تسنكو مدري سنكو ما اعرف ... ... الفرد مرة حلو الشعر شكلة طبيعي ولمعة واهم شي اطرافه ما هي واقفه يعني طبيعي مرررة ... ولا كني مسوية فرد ... يعني ناعم بشكل طبيعي ... واهم شي ما ينفش ...

هذه تجاربي يا رب افدتكم ...

ويسلمووووو يا حلوووين

انا بعد بغيت اضم كشتي لكششكم:22:
[CENTER]شعري محروق ومنتف وخفيف ومايطول تدرون ليش لاني استشوره يوميا غير اني سويت تلميس مادري تمليس ماعرف شو اسمه دوم اتلخبط:confused:
المهم
جربت وايد خلطات
وايد زيوت
حمام زيت
وشامبوهات مع البلاسم مالتهم
والنتيجه مثل ماهو ماعندني ابدا ماشي تجاوب
زعلان مني مب راضي ينعم ولا يطول:30:
وانا ماعرف شو اسوي اكثر عن جيه بس حبيت انصحكم فأشياء:42:

أولا حمام الزيت هو بلسم مضعف + مواد معطره انا مالي شغل خبيرة الصالون واللي في الصيدليه خبروني :(

ثانيا الزيوت انا تقريبا استخدمت زيوت مخلوطه لمده شهر يوميا والحينه مليت ماحس في تغيير بس شو اللي صار صدااااااااااااع صدااااااااااع راسي كله من ورا ويدام وفروة راسي تعورني ماعرف ليش بس يمكن لانها اتعودت على الزيوت:confused:

ثالثا اللي اسويه ومقتنعه به على اساس حل مؤقت لين ألاقي شي ثاني اني اغسل شعري بالشامبو وبعدين احط بلسم طبعا الشعر يوم يكون مبلول حلو وبعدين يصير كشه فأنا بس احط كميه قليله من زيت الهملايا لاتخافون لالون وريحته خفيفه بس أمسح شعري بالزيت وأدلكه وأرفعه وبعد فتره اشوفه هدأ
الحمدلله مابغا يهدأ:icon33: :icon33: :icon33:
وسامحوني إذا قلت شي ماعيبكم