السلام عليكم ورحمة الله وبركاته
انا جايه هنا ومرتفع ضغطي وابتطرطع من هالمعلمه اهمالها ضيعنا
يعني اول شيء لا اخلاق ولا شرح ولا امانه بعملها وان سألناها عيدي او على الاقل توضيح نقطه مانعرفها تقوم تخاصم وتهاوش وتمسح بكراماتنا في الارض يعني على الاقل ياليت شرحها زين عشان نقول معاها حق الخصام !!
والله حتى لما نطلب بأدب واحترام كود ماتهاوش مانفع معاها
شفتوا يالمعلمات التحضير اللي احيانا تطبعوه من النت وفيه اسئلة واجب ومن ذا الكلام ,هذي تجيبلنا منه الاسئلة وماتحلها لنا واحيانا تكون بديهية وواضحه واغلبها تكون فيها اشكاليه والحل يختلف من وحده للثانيه ونقولها حليه تقول مو مهم اجل وش هو المهم ليش معطيتنا اياه والجزء من الدرس تجلس تخلينا نكتب فيييه ولا ثلاث اربع صفحات والله العظيم هذا بس جزء من درس!!
من غير شرحها يسد النفس طوال 3 حصص ورى بعض وهي تهذري وتنتقل من صفحة لصفحة وحنا زي الاطرش في الزفه
يعني على الاقل تمسك جزئيه من الدرس وتشرح وتوضح وبعدها توضح لنا الجزئيه الثانيه
لاااااااااا هذي شختك بختك وتنقز بعض الجزئيات مثل الاعراب ماتشرحه وتقولنا سواء شرحته ولا ماشرحته راح يكون معاكم بالاختبار وهي مواد عربيه يعني الواحد مايقدر يغض بصره عنها واحنا ثالث وآخر سنه وماهي متعاونه معانا والدفعه الاخيره متبطحات في البيوت بسبب درجات العربي الخايسه ,
اذا ماهمها مستقبلنا احنا يهمنا وناويه اكلم المديره وارفع شكوى اقل حق من حقوقنا لما نسألها ماتهاوش على الاقل ناخذلنا كلمتين نفهمهم احسن من لاشيء صحيح في بنات ماهم معاها , لكن اتوقع لها عيون تعرف تفرق بينهن وتمشي معانا سيده في المنهج مو تنقز لنا جزئيات وتجيبها في الاختبار وش ذا هذي آخرة الواسطات بغير حق حسبنا الله ونعم الوكيل
كلمت المرشده الطلابيه انها تنقلنني من الفصل لفصل ثاني وحطيت على ان البلا فيني انا وفي مخي اللي مايستوعب لاني لو قلتلها عنها ما اتوقع تصدق وتكذبني ومارضت المديره
والخوف اذا اشتكيت او اشتكينا احنا بنات الفصل منها تحقد علينا وتجحد اتعابنا وترسبنا في موادها العربيه وتورينا الويل في الاختبارات
شوروا لي وش اسوي , انا حالتي الماديه ماتسمح اروح مدرسة اهليه وماعندي مواصلات لمدرسه ثانيه بعيده وبعدين لاتقولون اني ما افهم وان المشكله فيني لان الفصل بكامله مو فاهم .
السموحه طولت الهذره بس والله ماقد شفت معلمه زيها وغابنتني والحقيقه بعض الجزئيات مفهومه مايحتااج شرح وبعضها -الصعبه- تشطحها وهذا اللي قاهرني ,كيف احنا نفهم يعني كيف ؟
هل معاي حق اشتكي ولا ما معاي ؟ وحجتي قويه ممكن يغيرونها لنا ولا لا ؟
هي مدرسة قديييييييييمة يعني اتوقع يكون عندها خبره بس !!
شاركي في النقاش
سجلي الدخول لإضافة تعليق.
التعليقات
13- ابنتي الحبيبة
انا معلمة عربي وارتفع ضغطي من هذه المعلمة
صدقيني المديرة والمرشدة بيوقفون في صفكم احنا الاول والاخير ما جينا الا لاجلكم وتعليمكم
اذا خايفة خلي امك ولا ابوك يكلم المديرة وان لم يتجاوبو روحو التوجيه
وفقك الله وسدد خطاك هدؤ1 ابنتي الحبيبة انا معلمة عربي وارتفع ضغطي من هذه المعلمة صدقيني المديرة والمرشدة بيوقفون في صفكم احنا الاول والاخير ما جينا الا لاجلكم وتعليمكم اذا خايفة خلي امك ولا ابوك يكلم المديرة وان لم يتجاوبو روحو التوجيه وفقك الله وسدد خطاك
الله يرفع قدرك يا استاذه ويغنيك عن الناس , اشكرك لتجاوبك معاي , كنت احسب اني مكبره الموضوع , لكن فعلاً الوضع ماينسكت عنه , وان شاء الله يتجاوبون معانا بحِكمة .- انتبهي تروحيين للمديره وربي انها لاتخبرها راح تستدعيها وتقلها بنات الفصل الفلاني يقولون انك ما تشرحين وراح تتعبون حصل لنا نفس الشئ قبل سنوات ما راح انسى
بس راح ادلك على موقع دروس اسمه كذا فيه قاعات تعليميه كأنك في المدرسه يجنن شرح احسن من المدرسه وحل كل التدريبات روعه - ًاللي عنده احد في ثانوي او متوسط .....الله يجعلها صدقه جاريه لمن ارسلها ووالديه .
هذا موقع دروس يقدمو
ومجانا
http://vcr.tatweer.edu.sa/mod/wiziq/indexnew.php
انشروها في القروبات يمكن فيه طلاب وطالبات في حاجه لها - وجع شوه المعلمة
تحلل أرتبها اقل شي
وتخاف الله في بنات الناس
مالكم الاتجتمعو الفصل كامل وتنزلو للمديره
مواضيع مشابهة
تابعي تجارب أخرى من هذا القسم.