شاركي في النقاش

سجلي الدخول لإضافة تعليق.

التعليقات

47
  1. ولا ريال
    لا تعطينه وخليك قويه
    بالبدايه بتتعبين لكن بعدين يعمل لك الف حساب
    وهو رجال يدبر عمره يقدر يطلع الريال
    تلقين رصيده بالبنك يكفي الاجار بس طمع بياخذ اللي معك
    مجربه كيد الرجال
    انتبهي تعطينه خليه هو يتصرف وانت اللي ازعلي وسوي نفسك ماعلي منك وعيشي حياتك مع عيالك خلي الامور طبيعيه
    واذا فتح فمه قولي ماعندي


    🌸~~~~~~~~🌸~~~~~~~~🌸
    اسألكم بالله اللي تقرأ توقعي
    ان تدعون لي بالحمل فوالله اني بحاجة الدعاء اسعدكم الله بالدارين
  2. @rhyl28

    ساعدي زوجك .. ماادري ليه كل هالحرص عالفلوس
    ماتضمنين عمرك بلحظة ممكن تموتين وتخلينها وراك
    مااتخيل اني اكون موظفه ومعاي فلوس واقصر على بيتي واولادي وزوجي !!!
    يتسلف فلوس من برا وانتي زوجته شريكة حياته عندك وماتعطينه!
    وربي مابتنفعك الفلوس اذا تطلقتي وتشتتوا عيالك وتدمروا نفسيا من بعد ابوهم
    لاتسمعين كلام اللي تقولك فلوسك لك ولاتعطينه ريال لانها لو بمكانك مافرطت بحياتها عشان وسخ دنيا
    تقولين زوجك مايجلس معاك ودايم لحاله ما ألومه وربي
    في عز ضيقته وحاجته تخليتي عنه !
    تقولين يجيب لاهله وبيته مايجيب له
    اقولك وانتي بعد تعطين اهلك ومقصرة على بيتك وعيالك
    ادري ان القوامه عليه والصرف عليه بس انتي بعد لازم تساعديه وتوقفي معاه .. والا ليش اسمك شريكة حياة
    انا نصحتك بالشي اللي اشوفه ولك حرية اختيار القرار
  3. @shok_2233

    بنات حرام تخربون ع بعض وتقولون اطلبي الطلاق معليش في اشياء ينصبر عليها وراح تتصلح الطلاق خراب بيوت بس اخر حل مو اول الحلول كل وحده تزعل من زوجها مايصرف قلتوا اتطلقي ماينجلس معه الحياه كذا ابتلاءات والوحده فينا لازم تصبر وتتغاضى وتصير ذكيه تحل مشاكلها وتعيش لاجل اطفالها ماتستاهل المسأله اخرب بيتي واشتت اطفال اغلب المطلقات اتطلقوا لاسباب قويه ماالومهم بس اكيد كان اخر حل لها ...
  4. @dark_flower

    معليش اختي يمكن ردي لك راح يكون جارح بس الموظفه اذا تزوجت واحد اقل منها وانعدم بينهم التفاهم وتعطيه راتبها من البدايه هذا عيب البنات اهم شي تتزوج ماعندها نظره للمستقبل كيف راح اعيش مع شخص راتبه مره ضعيف وكيف لو جبت اولاد ياأماً انها تستمر او تسوي حد لتصرفاتها معاه يبدولي انك مليتي من العطاء واغلب هذي الزواجات تنتهي بزواج الزوج او ضياعه ونتي عودتيه من البدايه انك تعطين بدليل قفله على نفسه الباب كل مره يسوي كذا وتعطينه تبين الحياه تستمر واظح انه مافاد غلطك اختي من البدايه ماعملتي حد ان راتبك لك بكيفك تصرفينه عجيب يتدلع ويصك على نفسه الباب كمان انقلبت الايه الحل مثل ماقلت لك تستمرين او تشوفين لك حد وماتعطينه بس تقولين معاك عيال يختي احسبيها مزبووط معاك عيال مااايدك بالانفصال لانك عارفه ضروفه من البدايه ووافقتي ولو فرضنا انك استغنيتي عنه وظيفتك تعيشك مثل صديقه اختي معلمه معاها بنفس المدرسه وتقريبا نفس كلامك طفشت منه وطلعت بيت لحالها استاجرت لها شقه وتركته والله انه صار مثل الكلب يجزي وراها يدور رضاها وهي تتغلى ماتبيه تقول كفايه انحرمت عشره سنين وكل شي انا ادفعه وكل مره تزعل عند اهلها وترد له حتى تركت له البيت انتي ادرى بوضعك كيف راح يكون
  5. @iioii

    والله يا حبيبتي هذا ابتلاء من الله
    انتي فكري بمشكلتك كويس
    اهلك انتي شايله فكرة انك ترجعين لهم مطلقه وبنظرك ما راح يتقبلون عيالك
    زوجك استغلالي ويحب يأخذ منك وكريم مع اهله وان عطيتيه مشت حياتك وان ما عطيتيه قلب عليك
    وانتي واضح جدا انك متمسكه بحياتك الزوجيه لكنك تحسين بالقهر من نقطة الفلوس
    اذن ايش الحل؟؟؟
    الحل تشترين سعادتك ويبقى بيتك مفتوح وترى الفلوس وسخ دنيا نجيبها علشان تسعدنا وتعيشنا مرتاحين
    مش علشان نجمعها ونعيش بأسى .
    الان انا بقولك حل وسط تشترين فيك بيتك وتبقين فيه وعيالك معززين مكرمين وتأدبين هالزوج الطماع.
    اولا انتي غيري معاملتك معه ولا تعطينه وجه ابداااااا.
    اذا زعل خليه يضرب راسه في الجدار وتخيلي انك عايشه لحالك مع اولادك هل بتبخلين على البيت او تصرفين؟
    اكيد بتشترين مالذ وطاب حسب ميزانيتك وتدفعين اجار وكذا.
    عيشي على هالنمط اذا حل الايجار شوفي هو وش بيسوي ؟
    اذا سوا كالعاده وفر جزء من الايجار انتي ادفعي الباقي وانتي مطنقره وبدون تعليك ونقاش
    اذا نقص عيالك شي جيبيه بقلب محب ولوجه الله.
    اذا هو طلب منك قولي له تخسي ولا وكلا ووضحي له انك بتعيشين حياتك وتنبسطين بفلوسك وتبسطين عيالك
    وان حياتك ماشيه بدونه او معه يعني مش مهم زعل او رضى واذا بغى يسافر قولي له بسلامتك بس لا توطوط عندي
    تطلب ريال مني وخلي شوية الاحترام الي باقي ولا تطيح من عيني اكثر .
    وقولي له انا ماني بايره او عندي اعاقه انا جميله وموظفه واقدر اعيش لحالي
    اذا انت منت صارف علي بس لا تحلم بيوم اعطيك ريال لك يلا مناك
    خليك قويه جدااااا لانك على حق وقولي له عيب الناس تعرف ان تطلقنا لانك تأخذ مني فلوس
    ترى محدن بيزوجك او يعطيك وجه .
    خلينا عايشين بسلام وخلي عندك شوية كرامه ولا تطلب من حرمه فلوس.

تابعي تجارب أخرى من هذا القسم.