الي سويته صح او غلط

يااختي زوجك هاجرك لانه داري انك عند اهله 24 ساعه ومتطمن عليك لو انك ماسكه بيتك ومنتبهه له ع الاقل يشيل همك يقول تطفش لحالها اجي اونسها اخرجها لكن هو عارف ان جدولك مزحوم بالشغل والكرف ومقابل امه اكيد بيغيب عن البيت ولا بيجي بدري لكن لو حس فيه وحده جالسه تستناه وتسال عنه ومهتمه لامره كان تغير الوضع ..
بالنسبه لعمتك اسحبي عليها ولا عاد تنزلين اهتمي بنفسك وعيالك العمر يخلص والشغل مايخلص كرسي قوتك وجسمك لعيالك وابوهم مو للخدمه فبيوت الناس .. واذا عمتك زعلت وماعجبها الوضع الجديد قولي انا شكيت لاهلي واهلي قالوا ماتخدمين الا فبيت زوجك والا بيصير شي مايرضيهم وانتهينا

بالمختصر اسحبي نفسك دام ماهي بحاجتك ولاهي مريضه وزوجك ماجاب خبرك عيشي حياتك وخلي عبياتك فوق راسك متى مابغيتي ترى بعضهم ماينعطون وجه وانا قررت اسوي كذا بأذن الله

اذا تكلم الشرع الكل ياكل تبن
صح وله لا؟؟
الشرع يقول ان مالك دخل فيهم ولا تخدمينهم وانتي فعلتي فهذا كرم وطيب منك وان لم تفعلي فلا اثم عليك
ولا يكلف الله نفسا الا وسعها .
من بكره لا تشيلين عود في بيتهم وروحي بيت اهلك كثير يوميا
اولا تأجرين انك تواصلين اهلك
ثانيا زوجك طالع طول الوقت وش عندك جالسه مقابلتهم علشان يستغلونك؟
لو حرمه كبيره ومامعها بنات وشغاله قلنا يمكن ويمكن لكن معها شغاله ومعها بنات وتأمر بنات الناس؟؟؟؟؟؟؟؟
وش الحكمه يعني؟؟؟
انا مااشوف الا انه استغلال وبس.
وبتزعل يوم يومين شهر وبعدها بتتعود وتسكت لانك على حق وهي على باطل وماتقدر تتشكى عليك
لا لزوجك ولا لاهلك ولا للناس لان بتطلع هي الغلطانه
وهالحين حنا يدوب نقدر على بيوتنا بعد بيوت غيرنا؟؟
بكره لا طحتي وتعبتي لاهي نافعتك ولا زوجك ولا بناتها
انتبهي على صحتك وبشرتك وتمتعي باسعد الاوقات مع عيالك واهلك:04:

اختي ونه حزن شوف صح معك انه غلط اربعه وعشرين ساعه مفابلتهم بس ماهو سبب للهجران هو مايجي الا متاخر واذا هو موجود يكون عندهم تحت حتئ لو كنت فوق بعض الاحيان يجي 12بس مايرقا فوق يسهر تحت لين حزه نومه يدخل طوالي علئ فراشه حتئ مايقول سلام عليكم قسم يابنات بعض الاحيان انسا انه زوجي هجران شهور وسهر ورربي من عرفته ماقال لي احبك لي سنين حتئ ماضمني ولا قال وش فيك رساله مايرسل لي رساله فيه كلام حلو خليها علئ وش اقول وش اخلي بس داعواتكم ياخواتي والله كله علشان عيالي

ماانتي ملزومه بأحد
اهم ماعليك بيتك وزوجك وعيالك
الباقي تعتبرين ضيفه عندهم