مشكلتي بسيطه بس محتاجه احد يرشدني

السلام عليكم ..مساكن الله بالخير😪..المهم يابنات انا متزوجه لي تقريبا سنتين وحامل في الثامن بقلكم شي في زوجي عجزت افسره ..
تخيلو انا طالبته غساله اتوماتيگ عشان ارتاح وانا حامل وحتى اذا ولدت يابنات رفض وطلق ماتدخل بيتي يقول ان اللي قالگ خواتگ وتبغين تمشيني ع كيفگ ومن هالكلام ..انا وقتها بررت له انو ماعنده فلوس وقلت بصبر كم شهر ع مايبيع الارض حقته باعها وقال ابشري تخيلو رحنا نشتري قال والله ماتاخذين الا نفس غساله اختك ولاتقولين ولاحرف 😳ليش طبعا عشانها رخيصه بالف وخمس بس انا هنا حقدت عليه من كل قلبي بعد ماتعذبت وكل شي وقلت باخذ اللي نفسي فيه كسرني المشكله قلتله انت بس ادفع الف وخمس وانا بدفع الباقي بس اهم شي اخذ اللي يعجبني ورفض (مدري عناد ولا ايش) والى اللحين يابنات لي اسبوع ما اكلمه عشان حركته احسو يبغى يمشيني ع كيفه وبنفس الوقت حسيته بخيل
يابنات ماعمري حسيت انو حاول يبسطني تخيلو المفرش من يوم تزوجت والله ماغيره الا قبل شهرين وبعد شق الانفس وكل ماطلبته شي مايجيبه الا لازم بالقووووه ..من ناحيه المطبخ والاكل هاذي مستحيل يقصر فيها لو ايش بس اغراض البيت
قبل شوويات جلس يتكلم ويقول ع بالگ بحركاتگ هاذي بتمشيني ع كيفگ انتي وخواتگ ع بالگ اني مثل ازواجهم والله ان تندمين ومن هالكلام واذا بتجلسين زعلانه كذا يكون افضل تروحين بيت اهلك لاني ماشوف له داعي وجودگ قلت هذا بيتي وماراح اطلع الا اذا ماعاد تبغاني وجلس يتكلم انا ابغى ارتاح في بيتي مابي وحده تنكد علي ..
شخصيته شمالي شرقي ولو يجيب لك كوب ماء جلس يمن عليگ
ودايم تفكيره ان خواتي هم اللي قالو لي وهم اللي يحرضوني

14 تعليق 1,803 مشاهدة

شاركي في النقاش

سجلي الدخول لإضافة تعليق.

التعليقات

13
  1. @lmo_55

    الله يهديه ولاتنسي الداعاء ان الله يسخره لك لان هذي السنة الاولى من الزواج يبي يثبت لك شخصيته وتعاملي معه بالمسايسه وجاريه على مايبي وبعدين ربك يحلها بينكم ويسخره ربي لك ويسخر لنا ازواجنا ...
  2. @hkay_11

    جربتي تجين له ب أسلوب حلو ؟ بعيد عن العنآد ؟ بعيد عن كلمة - بشتري اللي يعجبني ونفسي فيه - ؟

    جربي تحضنينه وأنتي تطلبين ؟ تدلعي وأنتي تبين شيء ! خليه يحس إنك محتآجته وإن كلمته لهآ ألف حسآب .. حسسيه ب ضمتك له إنك لو قلت لآ او رفضت طلبي , أنا مالي غيرك وراح تتعب نفسيتي ..

    أذكر زوجي بداية زوآجنآ .. ماما الله يحفظهآ جآبت لي هديه غساله صحون و مجفف ملآبس .. وعشآن المطبخ عندي صغير مآيكفي للغسالات ،، آقترحوا عليه أهلي يشيل دولآب ويحط الغسالات مكانه ..

    طبعاً هو آستحى يرفض .. بس ف نفس الوقت مآيبي يكسر ويخرب بيت النآس - مستآجر - ..
    وبعد بيكلفه , لأن يبي له شغل .. والسبب الكبير خايف اني اتعود ع الكسل ويبيني أشتغل !! لان عايلته شغيلين مرآ ،،
    ف سار يقنعني آني أرجع وحده من الغسالات واشتري بدالهآ جهاز صغير ..
    رفضت بشده .. وسرت أصرخ عليه وأقول لهالدرجه مآتبي تدفع ريال ل راحة زوجتك ؟ وهو ماعآد ينآقشني لآ يعني لآ ..

    زعلت وسرت أكلم أمي تدور لي حل , وكانت تنصحني أجيه ب اسلوب .. وانا رافضه قلت ماينفع معه أسلوب هذا أناني وتفكيره سطحي ..
    ومع الايام تشجعت .. لاني طفشت غسالاتي مرميه ب كراتينهآ .. دخل المطبخ يشرب مويآ , جيته من ورآ وضميته .. قلت له الله يسعدك بليز خن نركب الأجهزه , الله يسعدك وأضمه بقوه ووجهي في صدره ..

    وهو يضحك يقول يختي والله صعب .. قلت أمانه عشآني , بالله مو بتريحني ؟ وأسير افضالك وأجلس معك والصحون تنغسل من نفسهآ والملابس تنكوي من حالهآ .. < كل هالترجي ف المطبخ >

    قال نشوف نشوف ..
    صحي اليون الثاني وانا بالجامعه .. رجعت البيت لقيت فيه عمآل وتكسير وحوسه .. يآ إني آنبسطت وشكرررررته .. وسآر هذا أسلوبي معه .. ف جربي بهالاسلوب صدقيني يحن ..
  3. @dloaah_jojo

    صاحبة الموضوع
    لمو اللهم امين ماقصرتي ياقلبي
    الهام وربي ماخليت شي الا وجبته معه من اسلوب وعناد وعصبيه وكل شي اللي براسه يسوويه
    واحسه اذا شافني متعلقه في شي مايحب اني احصله بالعكس يخلي الوصول لهشي صعب
  4. @alsnobryh

    لاتذكرين خواتك عنده خصوصا بالمقارنات انتبهي لهالنقطه شكلها مأثره على نفسيته
    هو يبي يعوفك بالغساله مو عشانها رخيصه عشانها مثل غسالة اختك حتى ماعاد تجيبين طاريهم
    هو مقهور حاس ان خواتك متدخلين فيكم وبحياتكم
    والله يعينك من اللي بتشوفين لكن خليك ذكيه ولا تذكرينهم عنده ولا عن اللي عندهم وعن حياتهم بعض الرجال يغار
    وعنده كبرياء
    انتي اللحين تعوذي من الشيطان وراضي زوجك من أجل الله وبعد عشان صحتك ..
  5. @dloaah_jojo

    صاحبة الموضوع
    حقول والله انگ صادقه في هااااذي ومعاك حق وكل الكلام اللي قلتيه فيه اجوبه لأسئلة الاخت يوووشا
    الله يسعدكم مثل ما اسعدتني ردودكم جميعاً

تابعي تجارب أخرى من هذا القسم.