وش اصبغ غرفة بناتي المراهقات ؟؟ والسيراميك وش رايكم بالخشبي وايهم اللامع او المطفي

السلام عليكم ورحمة الله وبركاته

انا ناوية ان شاءالله اصبغ غرفة بناتي المراهقات ولا ادري وش اختار لهم لون
ابي لون فرايحي يبعث ع الراحة وش رايكم ؟؟

والسيراميك نفسي بالسيراميك الخشبي ينفع اللامع او المطفي
وبكم سعر المتر الواحد ؟؟

انتظر ردكم لاحرمكم الله الاجر ..

8 تعليق 1,947 مشاهدة

شاركي في النقاش

سجلي الدخول لإضافة تعليق.

التعليقات

8
  1. @gmalk_shrny

    هلا بك على حسب لون الأثاث
    لون خربزي فاتح جداً او لون مائل للزهر مع ابيض مااعرف اللون بالضبط بيج لحمي مع جدار واحد فيه ورود خفيفه وصغيره
    الأرضي الخشبي اللي مو لمعه كامله اللي يلمع يبغى نظافه يوميه الا اذا البنات بينظفون اما لو عندك التنظيف يومي فأحلو عن نفسي مااحب اللامع كثير وسط
  2. @stayly_hlo

    السراميك خذي نص لمعه حلو انا اخذت قبل شهر سراميك باركيه
    اسباني مطفي حلو بس احسه لو كان فيه لمعه قليل يكون افضل
    والسعر شريته من محل علي طريق الخرج المتر 55 وبعد ماشريته رحت بيت الايباء للسراميك لقيته 45
  3. @brnsysa2008

    ليش ما تسويلهم باركيه واللون احسن شاوريهم اش يبغو مثلا موف وردي فاتح
    واذا ممكن تحطي ورق جدران
    بالتوفيق
  4. @am_shymaaa_olyna

    ماايدك بالوردي والموف ابدا كلون رئيسي او بارز
    الجدار اختاري لون غير ممل وسهل في الاثاث والمفارش عشان مو كل شوية مغيرته
    مثل الخربزي الفاتح او التيفاني الفاتح او الاوف وايت او من درجات البيج او التفاحي مع ورق جدران
    والاثاث ابيض مع خشبي فاتح
    والارضيه خشبي فاتح

    والمفارش والستائر دخلي فيها الابيض

تابعي تجارب أخرى من هذا القسم.