السلام عليكم ورحمة الله وبركاته
الله يعطيكم العافية ويوفقكم افيدوني عن محلات الذهب ومحلات العطور الأصلية والساعات الفخمه في الرياض
سواء في أسواق أو محلات خارجية
في شمال الرياض تقريباً
الهدايا اللي ابيها طقم ذهب ودبله وساعة وعطر
وأهم شي دلوني على محل تغليف هدايا ممتااااااااااااااااااااااااز أحصل فيه العلب ويكون تغليفه راقي وعنده ورد طبيعي بأنواعه
وأهم شي مع الوصف الدقيق لأني ماأدل في الرياض زين
وإذا عندكم اقتراحات لهدايا حلوه أو اقتراحات لطريقة تغليف حلوه ساعدوني فيها
وبوكيهات الورود وين أحصلها ؟ في محلات التغليف ولا لها محلات خاصة ؟
وشكراً لكم
شاركي في النقاش
سجلي الدخول لإضافة تعليق.
التعليقات
5- رفع
- عندك اسواق طيبه فيها الطقوم الاماس فيه الجديد والمستعمل الخفيف والساعات وبعد الدبل عندهم
على طريق الملك فهد اسواق طيبه
وفيه محلات كثير في شارع العليا بس يبي لها ميزانيه اكثر قبال المملكة من جهة العليا
اما افضل محل للتغليف والورد بكل انواعه واشكاله الغريبه
عندك محل زهرة الربيع ادخل موقعه وشف اقرب مكان لك
العطورات عندك وجوه وعندك قزاز
وجوه فيه بشارع العليا وفيه باسواق حياة مول وفيه بالعليا مول وفيه بالمملكه
هم لهم فروع كثيره
وقزاز بشارع الثلاثين(شارع سلطان بن عبدالعزيز)خلف الفيصليه هالشارع
اذا وصلت الفيصليه اسالي ويدلونك
عموما تغليف الهدايا تقدر تحصل تقريبا بكل مكان حق تغليف
بس الورد قليل تحصل مكان يبع اشكال حلوه وغريبه
وبعد فيه محلات الورد في شارع الثلاثين
وفيه بعد محلات للورد وانت بطريق الملك فهد اذا جت شركة الجريس ادخل مع هالشارع على طوله هناك محلات كثيره للورد
بالتوفيق لك - شكراً
ومشكورة مندوبة ام ساره على الإفادة
محل زهرة الربيع مشهور بعد بالتغليف ولا بس ورود ؟
لأني أبي محل تغليف مميز لأن محلات التغليف كثيره بس المميز فيهم وعنده أفكار تغليف جديدة وحلوة قليل
وعطوني أسماء محلات أكثر تكون خيارات عندي
وأي اقتراح من الأخوان والأخوات بخصوص الهدايا أكون شاكر لكم
بالإنتظار - رفع
- ما عندي فكرة بس حبيت ارفع موضوعك
مواضيع مشابهة
تابعي تجارب أخرى من هذا القسم.