حبيباتي المتحزمات و الله لكم وحشه اسفه اني ما قدرت اسولف معاكم لانشغالي بس هذا انا رديت.
يا بعد عمري يال ثلاثينيه انتي همتك ما شاء الله و رح توصلين لمرادك باذن الله قريب هااااااا بس لا تكسلين يلا تحدي هدفنا 10 كيلو قبل رمضان باذن واحد احد.
راايقه حبيبتي و عمري انتي لا تزعلي لك و حشه و الله بس انتي تغليتي و ما زرتينا قلنا نطنشها علشان ترد بسرعه. هاهاها لا والله امزح معاش وسعي صدرش. ما شاء الله اول وحده منا توصل عالم الرقمين ترى لا تغتري انا و الثلاثينيه وراش وراش و قريب ان شاء الله رح نوصلك. اتمنى لين هذاك الوقت تكونين في عالم السبعينات و الا الستينات.
كوكيتا و الله ما عندي خبر يا عمري بس شوفي الصفحات القديمه و راسلي بنات قطر على الخاص و ان شاء الله يفيدوش. لا تسافرين و تسويها برا سويها في ديرتش ابرك علشان تراجعين الدكتور اذا صار اي شي.
اوسه و الله ما عندي خبر شوفي الصفحات القديمه و راسلي بنات الرياض على الخاص و ان شاء الله يفيدوش
بنت جده غريبه 3 ايام وليش وش بيسولك فيها حسب معلوماتي العمليه اسهل من ربط المعده و الربط بيطلعوش من المستشفى خلال يوم واحد او اقل. على اي حال توكلي و ان شاء الله خير.
انا والله راضيه عن النتائج و الحمد لله الوزن الي نزلته ما كنت اتخيل اني اقدر انزله بدون ربط المعدة بس الحين ما اعرف قاعده افكر بالترهل لان الكرش عندي وصل الركب. انا اسوي رياضه للبطن و يمكن اروح مركز علشان شد البشرة بس الدكتور قال لي ما رح يفيد اي شي لان كمية الجلد كبيرة و لازم عملية شد ( يعني بيقصولي الكرش ) بيكون في سكار على طول عضمتي الحوض ما اعرف همممم اسويها و الا لا. اعرف هل الكلام سابق لاوانه بس الافكار تجيبني و توديني.
¨°o.O (( رابطة المتحزمات)) O.o°"
متابعة النقاش، صفحة 529