شريت غسالة ويرلبول وتوهقت فيها

والله حتى التنظيف لك عليها فيه ... مثلا الثياب اطرافها ما تنظف تبقى مسوده حتى لو حطيت كلور او فانيش لانه مدة الغسيل قصيره ربع ساعه بس وبعدها تفرغ المويه وتشطف وكمان ملابس اولادي لو فيها بقعة شوكولاته او عصير ما تروح مع اني لما كنت اغسل بالغساله العاديه كانت تنظف من اول غسله ,,
وجربت برنامج النقع قبل الغسيل وحسبت لها كم تجلس وتفضي نص سااعه بس ما يمدي تتحلل البقع

بصراحه تحسفت اني شريتها وعلى غسالتي القديمه ....

ولو مفكره تشترين انا بعد تجربتي ما انصحك فيها من ناحية التنظيف ..

غريبة يعني الخراب من كله اكيد في مشكلة ولازم يجون يشوفونها بجد ربي يعوض عليك بخير

معليش ممكن رقم موديلها عشان هاليومين بروح اشتري وحسئل عنها عند الوكيل يمكن يقلي ايش المشكلة او امكن لها طريقة وتايهة عنها

هي اسمها h2law يعني تعبئه منخفضه ولها 12 برنامج

طمنيني ايش صار مع غسالتك بجد حاسة فيك

عالعموم انا ما ارتاحلي بال وقعدت ابحث عنها في فيديوهات الاجانب والمفآجأة هالغسالة تقنية تختلف عن الغسالة العلوية العادية سواء عمود او مروحة الغسالة هذي يسموها غسالة علوية فائقة الكفاءة بالانجليزي
high efficiency washer ومميزاتها ممتازة منها توفير موية وصابون ومروحتين بنفس المكان وحدة بالنص والثانية تحوطها وتدور بعكس بعض

عالعموم اهم اشياء لازم تعرفيها وتطبقيها حاجتين اولا وهو الاهم ماتحطيلها اي صابون عادي مهمن كانت شركته لأنها ترغي وهالرغوة تقلل كفأتها بالتدريج لين تخربها عليك هذا كلام الوكيل لي لمن سئلته عنها وصابونها تلقيه في السوبرماركت او الهايبرات ومن شركات معروفة لنفرض تايد حتلقي انواع تايد للغسالات الامامية وتايد للغسالات العلوية والعادية ام بابين وتايد تلاقي عليه رمز he والمقصود في هذا الرمز انه لنوع غسالتك العالية الكفاءة بس للآن الي شفتها بالمقاطع نوعية الصابون سائل فما ادري في منه باودر

وهذي صورة اوضحلك شكل الرمز



ثاني شي تراعيه توزيع الملابس حوالين العمود والموية حتكون قليلة يادوب توصل لوجه الملابس لأنها موفرة للماء وكمان تختاري النظام المناسب ودرجة حرارة الموية المناسبة

وبعطيك رابط لفيديو يوتيوب فيه طريقة عمل الغسالة من اول خطوة لآخر خطوة ومن هالفيديو صورتلك الرمز لنوع صابون غسالتك

http://youtu.be/1stdNzvWZ4M

وفي مقاطع كثير لنفس غسالتك عالية الكفآءة لشركات كثير تفرجي عليها وبعدها طبقي المقاطع بحذافيرها ونوع الصابون وجربي وشوفي ايش النتيجة ان فادتك فألف حمد وشكر لك يارب

وان لا ياخوفي ان غسالتك خربها الصابون فان كان الوكيل الي شريتي منه قلك حطي اي صابون فهوا غلطان وروحيله انت وزوجك وتفاهمو معاه يبدلها لأنه هوا الي اعطاك معلومات خطأ وان انكر وهوا فعلا ماعلمك بنوع الصابون وطريقة عملها في لهم حساب بتويتر وكثير ناس اشتكت وفي منهم من رجع رد وقال انحلت مشكلتهم ولا اشتكي عليهم وزارة التجارة المهم لاتسكتي عن حقك وحاولي

على فكرة لي كم مرة اكتب الرد ويخرب واعيد وازيد والله من الساعة 2 اخر الليل وانا احاول والحمد لله اخيرا قدرت اكتب ردي على امل افيدك