شوفي يا عيوني و أنتبهي لكلامي زين
الأطفال عندهم طااااقه كبيرررره ماشاء الله لاقوة إلا بالله
لو ما فرغوهاااااا تماماً بيفرغونها بالبيت بيفرغونها فيك بيعذبونك و بيتعبونك
بشقاوتهم ...
بتقولين كيف أفرغ طاقتهم ؟!
الأطفال لازم تخصصين لهم مكان بالبيت إذا عندك حوش إذا حولك حديقه
و لو بالسطح تخلينهم يطلعون ويلعبون سااااعه فقط بالدراجات بالكوره
بالسكوترات المهم يتحركون و ينفسون طاقتهم و بعدها بيدوخون
و بس حمميهم و بيهجدون
ماعندك حوش ولا حديقه ولا سطح يختي أقلها خصصي لهم غرفه
مابها أثاث تكون للعب أشتري لهم نطيطه أو أي لعبه تحتاج مجهود جسماني
حتى يلعبون لين يتعبون
ما يمكن بترتاحين و طاقتهم ما طلعت بالشكل المطلوب
إذا هم محبوسين بالبيت شي طبيعي بيخربون و يحوسون
و غير كذا أثاثك كنبك أشتري له أغطيه تحصلينها بالسوبرماركات الكبيره
لبسيها بالأغطيه حتى ما يحوسونها و يخربونها
و سجادك لفيه و حطيه بمكان بعيد عنهم ولا تفرشينه لين يجونك ضيوف
حتى مايعدمونه لك و الشكولاتات و ذا الشغلات لاتدخل بيتك
الشكولاته تسبب فرط حركه للأطفال
أختي أضطرو ينقلون من شقتهم لدور أرضي فيه حوش حتى يلهون فيه عيالها
تقول بهذلوني و أنا عندي حوش صغير مهب شي بس لا طلعو ولعبو
يرتاحون ويريحونك مو مثل حبسة البيت
صدقيني العقاب بينفعك بشكل مؤقت فقط لازم تهتمين بتفريغ الطاقه عندهم
الله يخليهم لك يارب يكبرون ويعجبونك إن شاء الله
جننوني وهبلوا بعقلي😭😭💔💔
متابعة النقاش، صفحة 11