بنات ادخلن ضروري الله يسعدكن

بنات الله يرزقكن من حيث لاتحتسبن انا ابي مشورتكن انا غرفتي اربعه بالربعه وبعتقها وش اتعتيق اللي يكبرها هي صغيره ابي الوان تكبرها ومريحه ..وعندي غرفت سته باربعه بس مجلس رجال وش تنصحني به اعتق اصغيره ولا حقت ارجال وخليها جلسه لالكل لان حنا ميجونا رجال بس اسمها غرفت ارجال عسا فهمتن علي والله لدعي لاللي تساعدني بسعاده

11 تعليق 1,475 مشاهدة

شاركي في النقاش

سجلي الدخول لإضافة تعليق.

التعليقات

10
  1. @rkayz_1

    لااله الا الله
    التعتيق انتهت موضته الالوان السااده افضل وخااصه
    الالوان الفاتحه مثل البيج ودرجااته
    والمجلس اذا مايجيكم رجال استفيدي منه وخليه
    جلسه لكم يالغلا
  2. @diamond_dust_1

    السلام عليكم ورحمة الله وبركاته
    هيه خلاص التعتيق واايد استوا جديم وأصلا مع الوقت انتي بتعافينه وبتملين منه حتى لو عجبج أول فتره
    والمشكله أكيد ما بتقتدرين تغيرين ع طول عقب ما تملين ففكري بشي طويل الأمد ، صبغي البيج الفاتح أو الرمادي الفااااتح ألوان هاديه ومريحه للعين
    فخلي الجدار هادي لونه وخلي لعبتج فاللوحات والاكسسوارات والستاير والقماش والوسايد ، لانه نفرض مليتي منهن بسوله تقدرين تغيرينهن :)
    نصيحتي لج أسهل شي ادورين صور من النت وتحاولين تنسخين التصميم والأفكار فيه ركزي على كل شي وخططي له مسبقا بإذن الله نتيجه مرضيه :)
    وخليها طبعاً لكم لأنكم طول الوقت بالبيت تستفيدون منها وتستخدمونها أحسن نفس الشي خلي لونها فاتح وخليها جلسه عائلية سواءً كرسي على شكل L وتلفزون أو غيره ..




    هالصورة بتشرحلج كيف إنها غرفة صغيره لكن بالاكسسوارات نغير الألوان فيتغير مود الغرفه كامل بدون تغيير الأثاث والصبغ :)


    وبما إن الغرفة صغيره استفيدي من المساحه نفس الصورة بدال ما تحطين كوميدينو جنب جهة من الطاوله حطي شبه مكتب وتسريحه صغيره فنفس الوقت ، اثنين فواحد



    وإذا تبين لعبي بورق الجداران بطريقة ذكيه بعد ضيفيها،



    الله يوفقج :*

تابعي تجارب أخرى من هذا القسم.