السلام عليكم
بنات انا تعبت من الغسيل وفقع مرارتي 😡 رحت بشتري غساله اتوماتيك لاول مره في حياتي <<<<< ادري بتقولون ياقدمها ذا الحرمه عايشه في زمن جدي😑 لان كان عندي شغاله وماكنت احتاجها والحين راحت شغالتي ؟؟؟؟😫 المهم اخذت لفت على السوق واخذت لفه على النت وصليت استخاره ومازلت محتاره بين ال جي ....ويرلبول وال جي 17 كيلو وتجفيف 100/100ونظام التشغيل حقها عربي سعره 7000 وشوي غاليه بس عندي قناعه الزين زين ولو كان غالي المهم زوجي شاف ارستون 9كيلو لون ابيض تجفيف 100/100 ونظام التشغيل انجليزي وسعرها 2000 وشوي ثم ابلشني هو البايع ممتازه اخذيها وانا مب طايقتها 😤مدري ليه جاني احساس كره لها مع اني كنت من الخلال القراءه فالنت احب ماركة اريستون بس لمن جيت فالمحل حسيت ماني مقتنعه في اريستون ليش مدري 😑 المهم الحين زوجي قال اختصري واختاري ولا مافي غساله حرمان😫 بنات تكفون وش اخذ طالبتكم شاركوني الاختيار وراح اسوي تصويت والي يطلع باخذه ان شاء الله ولو باخذ ماهو افضل كيلو يغسل مفارش ماهي كبار مفارش وسط وخفيفه وش اهم مميزات لازم تكون موجوده فالغساله اشوفها قبل ما اشتريها ما ابغى اتهور واخسر على الفاضي ابغى شوركم
شاركي في النقاش
سجلي الدخول لإضافة تعليق.
التعليقات
9- السلام عليكم حبيبتي انا عندي غساله دايو فل اتوماتيك فتحه اماميه13كيلو اخذتها من خميس مشيط وكيل السويلم ضمان 12 سنه ب3550
الحمدلله مرتاحه عليها وكأنه معي خدامه والملابس من الغساله للدولاب واغسل فيه لحف النفر ومفرش النفرين وعن جوده الغسيل ممتازه تطلع الملابس تبرق والله وانها تطول صح تطول بس حطيها وانسي ولمن تخلص تنبهك انها انتهت وبعدين طبقي وعلى الدولاب كان همي اول الملابس بس معاها الحمدلله ارتحت وبما انه عندي اولا وتقريبا يوميا اغسل ارتحت من هم الغسيل
طبعا فيها انظمه حبيتها وجربتها نظام غسيل الاحذيه الرياضيه جربت وغسلت احذيه الاولاد طبعا فيها الجلد وفيها القماش والله طلعت كأنها جديده وزي ماهي ماتغيرت غسيل البطانيات وغسيل البقع الصعبه وغسيل بالبخار وغسيل عادي وفيه خيار الغسيل الذكي ذا تقريبا مدته من ربع لثلث ساعه وهو يغسل الخرق او الجوارب او الملابس الداخليه
صراحه انصح كل وحده تبي تشتري غساله تاخذ دايو ولا راح تندم انا عند
العوديه - ونسيت اقولك خياراتها عربي وانقليزي
وبالتوفيق يارب ياريت اكون ريحتك - 7000 او 2000 !!
لو مكانك ي قلبي اخترت ابو 2000 وانا مغمضه
بالنسبه للي عندي كاندي ومرتاحه لها لكن عيبها مافيه تجفيف ف مضطرة اشتري مجففه - اهم شي في الغساله تكون صناعتها ممتازه ومن الشركات المعروفة ولها صيانه عندهم
انا عندي جنرال واهلي ال جي واختي توشيبا واختي الثانيه جبسون وكلهم يمدحون غسالاتهم ومن زمان وهي عندنا فاكيد ظهر موديلات جديده فيها انظمه حلوه فليش التردد حسب ميزانيتكم وحسب عدد اطفالك ودرجة اتساخ الملابس عندك اختاري اللي يناسبك ولاتخافين وتترددين الموضوع سهل بالتوفيق
مواضيع مشابهة
تابعي تجارب أخرى من هذا القسم.