عادي يختي توه رايح الروضة وهو متأخر بالكلام لاتستعجلي عليه لكن ثقي انك راح تلقين نتيجة كويسة وترضيك ..
اصبري عليه الى نهاية السنة وشوفي كيف راح يتطور واتكلم الك عن تجربة عشتها بكل تفاصيلها ..
بنتي تأخرت بالكلام ومن عمرها سنتين بدات ادمجها مع أطفال بسنها وتحسنت شوية ع 3 سنوات بدات تكون جملة من كلمتين لكن ماتسولف معاي واذا سألتها عن شي يا تسكت او ترد بكلمة كنت اموت قهر لكن اسكت عنها .. و ع 3 سنوات سجلتها بالروضة بدات الحظ تحسنها بالكلام معاي لكن تمت ماتسولف كثير عن احداث يومها لكن لو اسألها عن شي تجاوبني كويس وكذا ..
انتهت السنة وجات الاجازة و انطلقت بنتي بالكلام و صارت فصيحة و انا طبعا طول الوقت اسولف معاها واحكي الها القصص و كذا والحين هي بالروضة تحسنت كثير وصارت مثلها مثل اي طفل بسنها مافيه اي فرق بينها وبين اقرانها مع اني قبل سنة كنت اشوفها اصغر من اقرانها بكثير ..
وابشرك الحين صارت ثرثارة ودي تسكت شويات ارتاح من هذرتها من تجي لحتى تنام وهي تتكلم الله يحفظها ..
أنا اقولك افضل شي تسويه الحين انك تصبري و تعلميه كمان اي شغلة تسويها خليه معاكي وقولي اله وش تسوي وكذا وقبل النوم قصي عليه قصة وراح يتحسن كثير ..
سؤال عن تأخر الكلام
متابعة النقاش، صفحة 2