تجمع التباشـ 4 ـير لاحلى مواليد ( نوفمــ11ــبر و ديسمـــــ12ـــــــبر)

المشكله اني معد اقدر اشيل الا بمرايه ولا اول اشيل وانا واقفه بدون المرايه وماشفت هالشي
لاكن اليوم تروعت صراحه الله يعين بس
ماشاءالله عليك كيف تقدرين ماتشوفين المنطقه
انا بعد ماخلصت نفاسي في بنتي جبت مرايه وشفت المنطقه لازم اتطمن مااقدر

صباح الخير
كيفكم ياحلوات الحين المغص وش سالفتة لانمت اختفى ولاصحيت رجع لي ثلاث ايام على هالموال
عادي بالنسبة للمتر انا استخدمه لي الدكتور ثلاث مرات عشان يقيس حجم الرحم اتوقع
يحطه من تحت الصدر لراس العانة ويكتب القياسات

مياسه.. هنودا.. ندى.. سالي.. توته.. بنت الرياض.. شكرا لكم جميعا على ردكم بخصوص الورق .. وناوية على بعض الجدران مو كلها باذن الله.. ويا توته احنا بالرياض يعني وينا ووين الرطوبة.. واما الاطفال فالله يصلحهم يا رب .. انا مررررة عاجبني بس قلت قبل اخذ تجربة اهل الخبرة..

ام شهوده.. ربي يخلف عليك خير يا رب.. بقول لك بصراحة انا سويت زايدة بالمنظار يعني فتحات صغيرة ومع كذا تبهذلت اول شهرين وعلى قولتك ما ابي احد يقرب من بطني .. شعور قد يكون نفسي اكثر مما هو حقيقي .. بس مع كذا الحمد لله عدت الامور.. شهرين تقريبا حتى السيارة ما اتحملها مع المطبات والرصف الجميل عندنا.. وانت عاد اطول واصعب فتحة مع كذا اقول لك بعد شهرين الى ثلاثة باذن الله بيخف الي تحسين فيه وممكن تصيرين اقل دلع مني (: .. وبالنسبة للعلاقة ماله اي دخل غير ان فيه وضعيات مو شرط القرب من البطن..

عهد وبنت الرياض ومياسه وكرولين.. وكل البنات الي حكوا عن التواصل .. انتم صادقين تعلقنا ببعض وكذا .. ممكن احمل بيبي مسنجر بس واتس صعبة اعذروني ..

عيون خجوله الحمدلله على سلامتك ومبروك ماجبتي ربي يحفظه لك❤️

ام شهوده الله يكتب لك الحمل والولاده السهله الميسره يارب💕

ام شهوودة والله كلنا بنفقد التجمع بس عاد وش نسوي حال الدنيا
حتى وانا نايمة احلم بالردود اليوم حلمت فيك ياميمي سكر بس نسيت وش كتبتي هههه