نفسي اسوي غرفة لبنتي والميزانية محدودة جدا ساعدوني الله يساعدكم

بويها كلها سكري فاتح او ابيض
والبلاستيك له ريحه بس اخف من الزيتي وتروح بسرعه
وبنتك الصغيره لاتجيبين لها سرير مواليد خذي سرير عادي للكبيره وسرير بنتك الكبيره خليه لاختها لين تتحسن الميزانيه
ولو تروحين ايكيا فيها سرير اطفال حلو وناعم ويتعدل مقاسه يكبر ويصغر
بدور صورته واحطها لك

سعره ب300 او320
ودعواتك بالفرج

السلام عليكم ورحمة الله وبركاته
ما بيكلفجج وايد ، ما لي خبره بأنواع الأصباغ ، وغرفه 4*4 ما بتاخذ كثير انتي خلي العمال يخلصونها لج فيوم أو يومين بالكثير وخلاص تخلص الغرفه خليها مسكره، حتى لو ايوون 5 ساعات فاليوم تطلعون فيها أو تجلسون فالغرفه الثانيه تقفلون الباب ،

صبغي السقف أبيض والجدران بيج ع رمادي فاتح ، يعني لون أغمج عن الأبيض بدرجتين بس لازال فواتح .
.. لازم تصبغين لو تريدين تغيير ، وبتتفاجئيين كيف الصبغ لوحده بيغير الغرفه .
وحطي موكيت ساده ناعم بيج وفوقه حطي سجاده من ايكيا فيه امهات ال100 وشي وأقل حتى ب70 ملونه / وخذي ستاير من ايكيا بعد مع الحديده رخييصه الستاره خذي مال طبقتين الطبقه اللي تحت دانتيل أبيض واللي فوقها اختاري من عندهم نقشه خفيفه أو لون حلو .

وخلاص هذي أساسيات الغرفه اللي تحتاجينها وكلها تحتاج ميزانيه صغيره .
ولانه البنات صغار بتحصلين فايكيا لو شفتي ميزانيتج تسمح اشتري دروج أحسن لثيابهم وحطيها ع الطرف وخزانه أطفال.

وعاد لو بغيتي ديكور وغيره من ايكيا اشتري البراويز البيض، وانتي طبعي صور سواء رسمات أطفال أو أسامي البنات وعلقيهم فالغرفه .. يعني ابدعي يدوي والغرفه بتطلع مريحه وفرحهه وناعمه وخفيفه .. وابدا غير مكلفه .. بشكل عام نفس التعليق اللي فوقي كل شي تحتاجينه موجود فايكيا بتكلفه زيينه.
لو تبين الصبغ تحملي حاولي تقنعين ريلج هههه، ما اظن انتوا تقدرون تصبغونه لوحدكم بس لو مستعدين اشتروا صبغ أساسي وعقب فوقه تحطون اللون يصير شوفوا شو تقدرون عليه .



الله يوفقج :kiss2:

الله يسعدك اصايل فرحتيني بردك
بالنسبه للاسرة صعب اجيب العادي لان يناتي يتقلبن كثير
حتى سرير ايكيا ماينفع

الله يفرج عليك دنيا واخرة ويرزقك كل خير تتمنيه

السرير من زمان في بالي بس ماينفع مرة