تجمع للحوامل الرابطات (ربط عنق الرحم) الرابع والثلاثون

بنات الدنيا صاكه فيني وضايقه وقاعده ببجي 😯

منو اللي عندها خبره بالسكر؟

اليوم كليت شريحتين بيتزا بس وقست السكري بعد ساعتين طلع 11.2 وقست بعدها ب 10 دقايق زاد صار 12.5

من الخوف اضطريت اني الف الحوش وامشي عشان ينزل
وقست بعدها بنص ساعه طلع 11.1 هم مرتفع بعد
يعني فيني سكري اكيد 😯

شنو اسوي خايفه على جنيني مابي افقده 

احتاج لانسولين او شنو؟

الحمدالله على كل حال تعبانه نفسيتي حيل

اللهم اني استودعتك جنيني ونفسي فاحفظنا بحفظك يامن لاتضيع ودائعه

ادعولي بنات لا تنسوني

ام فارس حبيبتي انا عندي خبره بس ماعرف بقياس للي تقولي عليها الطبيعي 120 انتي كم معاكي

يا عمري يا ام فارس والله ما عندي علم
لكن حبيت ادعيلك الله يتمم حملك ع خير وتشوفين البيبي بحضنك وانتي وياه بصحه وعافيه
بس تفائلي اتذكر وحده كانت متن.مه معاي لما سويت الربط هي صغير عمرها ماتعدى الخمس والعشرين وبسم الله عليها ما شاء الله عندها اربعه بنات ورى بعض وكان عندها السكر من هي بالثانوي وكانت متنومه عشان السكر تخربط
تقول لحملت دائما يخربط الشوي السكر والحمدلله ماعليها الا العافيه هي وبنتها بس يولدوها اول التاسع عشان السكر يكبر الجنين
انتي توكلي ع ربك وادعي واتصدقي لو بشي بسيط والاهم خلي معناويتك عاليه ومتفائله وان شاء الله باذن لله تبشرينا انتي وباقي البنات بتمام حملك والولاده السهله
اهم شي شيلي الافكار السيئه من بتلك ولا تفكرين كثير وصدقيني ربي بيكتبلك كل خير
انا هذه كانت نصايح البنت لي لما شوي اكتئبت بعد الولاده والله يوفقهم يا بنات يا رب

متفائله

12.5 يعني 225 
بعد الاكل بساعتين ، يعني يعتبر سكري 
الحمدالله

هند

ان شاءالله الله يسمع منج الله كريم
ياحلوج طيبتي خاطري والله
وان شاءالله انا بلتزم بحميه وبروح الاحد بسوي تحليل دقيق بالمستوصف واوديه لدكتورتي
واشوف شنو تقول


الله يجزاكم خير ويتمم لنا ولكم على خير 

شلونكم بنات
وحشتووني

الحمدالله ولدت تاريخ 21 ،، بعد معاناه

لانه دكتوري الي المفروض يولدني في المستشفى الاهلي رفض يولدني بطلق صناعي و وحولني على المستشفى الحكومي اللي هو مستشفى حمد وتنومت عندهم ثلاث ايام علشان التحاليل والتخطيط لاني ما راجعت عندهم ابداً وماعندهم معلومات عن الحمل هذا .. بعد التحاليل والتلفزيون والتخطيط قرروا علي فتح ماي البيبي وطلق صناعي ،،

تميت في المستشفى يومين بس انتظر سرير يفضى علشان انزل ولاده ،، المستشفى كان زحمه ومافيه الا ١٦ سرير ولاده فقط ،،

افتحوا ماي البيبي وكان مؤلم جداً جداً وبدا الطلق يحمي وطلبت ابرة الظهر

و الحمدالله ولدت

لكن بسبب النرس انجرحت ثلاث جروح من تحت ،، ماتصورون الألم شلون ،، وبعد ثلاث ايام من الولاده انفتح الجرح و رحت لدكتوري يخيط اللي انفتح وما قدرت استحمل البنج الموضعي وطلبت بنج كامل وامس خلصت من الخياطه وترخصت ،،

ادعولي بنات الله يسهل علي هالايام جد تعبانه مب قادره حتى اهتم بولدي عدل ..

والله يهون على الجميع يا رب