زوجي بغرفه وانا بغرفه

👍👍👍👍👍

يقلبي الله يعينك حاولي تكوني قويه وشدي عليه خليه يعترف لك باللي ناوي عليه واذا من جد بيتزوج اتخذي موقف صارم

استفغر الله

السلام عليكم ورحمة الله وبركاته


صراحة تصرفك غلط ؟؟ ليش تكابرين ؟؟ هذا بيتك ومحد يرضى بالشريكه ؟؟
ماقريت موضوعك اللي فات ولا اعرفه .. بس مافيه مره عاقله بينها وبين زوجها عيش وملح وعشرة بالمعروفاذا قالها : بتزوج بالحلال تقوله فالقلعه ؟؟؟

حقك تتضايقين حقك تزعلين .. والمفروض تفهمين منه ليش بيتزوج عليك ؟؟
وش ناقصك ؟؟ وشهو شايف ؟؟ عشان ترتاحين حتى نفسياً وتفهمين ؟؟



احلا شي سويتيه انك توجهتي لله استغفار ودعاء ..وم
اوصيلك بدعاء سجدة الوتر مااذكر دعيت الله فيه وخبت


وهو ماقال ما ابغاك .. هو بيتزوج بالحلال وله اربع .. وكون زوجك يعفّ نفسه بالحلال وقدام الله وخلقه
احسنلك من انه يتسربت من وراك ومن بنت لبنت بمواقع التواصل ويطلع من وراك
هنا الاهانه الصدق وهنا يطعن بانوثتك صح !
اما انتي في بيته معززه ومكرمه ومن غيره عندك راتب يعزّك وبيتزوج بالحلال
صحيح انها تجرح مهما كان محد يرضى ان احد يقاسمه بشريكه و الشريكه تحسسك انك مامليتي عينه

لكن مو معناته ابد انه مايبغاك وتصرفاته بعد الخبر تدل على انه حريص عليك

التخبّط بالمشاعر اللي فيك صفيّه وحليه عشان توازنين افكارك وتتجاوزين مشكلتك وتحلينها باللي تقدرين بشكل صحيح

وعشان ماترجفين صياح لو صار بينك وبينه نقاش عن هالموضوع وتعرفين تقولين شروطك وتفهمين منه الموضوع وانتي قويه متماسكه


.
.

ثاني نقطه : تقولين انتي وياه كلٍ بغرفه لحال ؟؟:humm:
بوضعك ماتحتاجين شي اكثر من رحمة الله تنزل عليك وتهدي بالك وتصلح حالك
كيف تبينرحمة الله تنزل عليك وانتي هاجره فراش زوجك والملائكه تلعنك ؟؟
اتقي الله وارجعي لغرفتك وفراشك

عَنْ أَبِى هُرَيْرَةَ عَنِ النَّبِىِّ صلى الله عليه وسلم قَالَ: "إِذَا بَاتَتِ الْمَرْأَةُ هَاجِرَةً فِرَاشَ زَوْجِهَا لَعَنَتْهَا الْمَلاَئِكَةُ حَتَّى تُصْبِحَ".   

اذا مره السالفه كاتمه على نْفسك , روحي بيت اهلك ..!
لمن يطيح اللي براسك ويرجّعك
( هذا بخصوصك هجرك الفراش )


.
.

الحل برايي :

تحلين مشكلتك اول مع نفسك ، افهمي مشاعرك استوعبي الموضوع رتبي افكارك
اقعدي معه وافهمي ليه بيتزوج عليك ؟؟ وش قصرتي معه فيه ؟؟ مين هي ؟؟
من وين يعرفها ؟؟

.
.

بعدين حطي شروطك لو ودك تبقين ببيتك؟؟
ماتشوفك ولاتشوفينها ولايجمع بينكم بعزيمه
يعدل بينكم ..الخ اللي ودك فيه

واذا مره منتي بقادره وقررتي تطلقين ( وانا هنا مو معك لو زوجك رجال وادمي وقايم بحقوقك كامله وعيالك )
لان بالاخير لو تلفين حولك بتلاقين كثير بنات متزوجات ويشاركونهم برجالهم الف بنت بالحرام
على الاقل زوجك يخاف الله وحافظك وحافظ بيته وهذي بوقتنا تعتبر شي كبير له

المهم

هنا استخيري الله الفين مره ( لان هذا مصير وحياة ) بعدين سوي اللي تبين مرتاحه ومتطمنه ومتوكله على الله

لان بالاخير نشوف اشياء وبعلم الله اشياء هي لنا اخير وافضل

اتمنى اني افدتك ..


فمان الله