تجمع التباشـ 5 ـير لاحلى مواليد ( نوفمــ11ــبر و ديسمـــــ12ـــــــبر)

حلاتي.. بكرا باذن الله بقول لها.. عندي موعد.. ويا رب تطيعني.. الاسبوع الي راح تقول مقفل..
عاد الان هانت خلاص ابي اولد الخميس على موعدي .. والله يدبرني واياكم على احسن تدبير..

مرحبا رجعتلكم بالاكشن يوم الخميس الفجر انكبت علي موية الراس مخلوط بدم وعلى طول قومت زوجي ورحت للمستشفى دخلنا الطوارء فاضي قلت زين مافي زحمه طلعو ملفي قالو بنحطك بغرفة التخطيط والكشف لان غرف الولاده زحمه مافي سرير انتظرو من ساعتين لثلاث ساعات لحد مايفضى لكم سرير عصب زوجي عليهم وقالهم حنا اولا لانه نراجع من اول الحمل للولاده هنا مفروض بكون لنا غرفه ولاده قالت طيب بدبرلكم حطوني بالتخطيط وطلع معي طلق والرحم مفتوح ثلاثه سانتي وسميك قالت انتي مطوله انتظري كم ساعه وروحي امشي رحت امشي والطلق يجي كل عشر دقايق والمويه تصب وجهزو لنا غرفة ولاده ودخلوني وركبو تخطيط وكل شي اختفى الطلق والرحم سميك ومازالت المويه تصب قالو لازم صناعي طلبت ابرة ظهر جات ساعه 11 جا دكتور التخدير وعطاني ابرة ظهر وركبولي صناعي ونمت والله الطلق يوصل ١٠٠ وانا نايمه بالعسل ماحس بس عيبه ياخر الولادهً لحد ماجات ساعه٦ولا احس بدفع واقولهم تركض الممرضه تنادي الدكتوره وتقيس ولا مفتوح عشره سانتي يلا ولاده وخففو البنج عشان الدفع هنا عاد جاني المووت راس البيبي فوق والدفع المني جلست ثلاث ساعات وانا ادفع شفت الموت عيا ينزل بالاخير شفطوه وشقوني وخيطوني وحسيت بالم الخياطه والشق لانه البنج خلص والموضعي مافاد قالو لاني ماكنت امشي وراسه مرتفع وحمدالله طلعوني عالملاحظه ساعه ونص وعقبها رحت لغرفتي وكان فيني قسطره ومافكوها الا الفجر وتروشت وتعشيت ونمت وجابو البيبي وشفته وبس هاذا الاكشن والله يعظم الاجر وعقبالكم يارب

الف الحمدلله على سﻻمتك ميمي ..ومبروك ماجبتي ..
كل اللي صار معك ﻻنك ماتمشين ..
انا بالاسبوع 37 ومامشيت اﻻ مره ..الله يستر

الحمدلله ع سلامتك ميمي والله تعبتي ياقلبي
تصدقي ع سلامتك


يارب سهل أموري كلها💕

السلام عليكم جميعا والله انا متابعه لكم من اول التجمع واسمع نصايحكم وسواليفكم وادعي لنفسي ولكم ياحبيباتي انا بكريه بداية الثامن حملي بعد تأخر الحمدلله والله يتمم لي ولكم واشوفه بحضني سليم معافى انا تعبت يوم الربوع وحسيت الوضع مايطمن مشيت الخميس باليل سيارة مسافره لاهلي وصلت الصباح ريحت شوي والعصر رحت الطوارئ والسبب بطني محججججر مره ورجلي تنفخت كمان لما رحت الطواري سوت سونار الحمدلله تمام قالت لازم كشف من تحت انا ترددت بس توكلت على الله وكشفت من دخلت يدها طلع دم وقالت مفتوح واحد سم بدون الم قالت هذا طلق لازم تنويم وخفت وجلست ابكي وطلعوني حطوا النبض تمام ومافي طلق ابدا وجت دكتوره ثانيه وكشفت قالت يادوب فاتح انا شفت وضعي زين طلعت على مسؤليتي خفت من الكشف اولد ومن جيت للبيت ماسكني الم بظهري مررره صح مو قوي بس مستمر وافرازات بنيه شوي شوي انا. والله خايفه بالمره اني تسرعت او غلطت بحق نفسي الحين ماني عارفه لو ولاده وش اسوي لانها قالت طالما مافي ولادة بيوقف الافرازات انتم برايكم وش الانسب لاني والله والله محتاره وش اسوي ايوه اعطتني ابرة الرئة كمان وبرجع شوي اخذ الثانيه الله ييسرها دعواتكم ربي يكمل حملي للتاسع يارب ولا تضيع لي تعب بالله شوووروا علي كل كلامهم انتي بكريه انتي ماتعرفين اللهم اختر لي ماتراه خيرا لي ولكم ردوا علي لاتنطشون الله يسعدكم يارب ويهون عليكم