جنطة مكرمية في يوم واحد ، ممكن نزينها بورود نول أو كروشيه

السلام عليكم . . .

خواتي سويت هالجنطة ( مكرمية ) وتعلمتها بساعة (أول مرة أتعلم وأشتغل مكرمية) ، وخلصت الجنطة بيوم واحد .

الأدوات : مسكة جنطة ( اليدة ) / خيوط ( استخدمت خيوط خيش عشان أبي الجنطة توقف وما تطيح (تسيح ، والخيش ممتاز في هالشيء بس عيبه أنه شوي خشن )




وفي اليوم الثاني تحمست وسويت جنطة ثانية أعرض شوي وهذي صورتها . . .

وخذت مني شغل يوم كامل ( مع البيت واليهال وبدون الدخول للمنتدى )



وعلمت بنتي الصغيرة وسوت حق روحها ( بمساعدتي طبعاً ) جنطة بنفس الطريقة لكن صغيرة ،



وهذي الغرز من قريب . .



اشرايكم فيها ؟؟ طبعاً بسويلها بطانة : اخترت لون ذهبي كركمي حق الأولى ، وبني محروق حق الثانية

لكن ودي أزينها بورود كروشيه أو نول (عمري ما سويتها بس ودي أجرب )، اشرايكم ؟؟

87 تعليق 14,166 مشاهدة

شاركي في النقاش

سجلي الدخول لإضافة تعليق.

التعليقات

87
  1. الله تسلم ايدينك....جميلة

    بس لازم تعلمينا ........انا اعرف للمكرمية بس وديتي نهاية الخيوط....


    >>>>>>اقترح ان الورد يكون لونه بني غامق أو احمر علشان يبرز.....وانت وذوقش
  2. @am_aazyzan

    حلووووووووووووووووووووه

    ووايد حلوه بعد

    ما شاء الله

    اشلون سويتيها ياليت تعلمينا الخطوات

    قبل اشتغلت اشوي بالمكرميه ونسيتها الحين يعني عندي خلفيه عنها

    بس ابي اعرف كم طول الخيط

    وكم خيط استعملتي؟

    وابي اعرف التقفيله او النهايه او ختم العمل :)

    ومبروك عليج الجنطه وانا برايي تحطين لها بس خرز بني او ذهبي راح تصير احلى وانعم مع غرزها

    :26:
  3. @rozaaa_1

    ماشاء الله رووووووووووووووووعة
    مرة حلوة الشنطة ولو حطيتيلها البطانة راح تبان احلى واحلى
    الله يعطيكي العافية وننتظر طريقة العمل

تابعي تجارب أخرى من هذا القسم.