¨°o.O (( رابطة المتحزمات)) O.o°"

شكرا على النصيحة يا راايقة بس متظايقة
و اللهي انا قريت في النت عن هذي العملية و سالت الدكتور
المعدة ما توسع بالعكس حتتقلص
و لمن تشيلي البالونة تحاول الوحدة تحافظ على الكمية نفسا الي كانت تاكلها و انا اصلا ما ابغى انزل غير 20 كيلو
علعموم شكرا على النصيحة و انا حسويها في التخصصي بواسطة يعني مني دافعة و لا قرش
ههاهاها
الله يعين بس
انا ما ادري عن موضوع المبات بس انا سألت الدكتور عن ربط المعدو و عن البالونة فأظنو جاوب على اساس المبات للربط
وليد بخاري من احسن الدكاترة في المملكة في هذا التخصص و جا على ال mbc
قبل كم يوم كان بيشرح العمليات حق الربط و حق البالون
الربط للناس الي وزنهم فوق ال 100 كيلو و لا الناس الي في ال 80 ما تنفعلهم....

المهم انا مسافرة بلجيكا و ان شاء الله اول ما ارجع اخبركم ايش حيصير معاية

و شكرا للجميع

طفشاااااااااااااااااااااااااااانة

صباح الخير
حبيباتى
اانا الدكتور ضوق الحزام ل 2 سى سى
والله لا يوريكم طايحة على الاكل كانى مفجوعة ووزنى ما نزل غير 6 كيلو
تنصحونى اضوق الحزام لان صار لى اسبوعين على التضويق الاول

اختكم
عفارى

اهلين بنات كيف الحال!!!!!!!!! اوه .......... سوري قصدي كيف الوزن ؟؟؟؟
انا ما تنفرج اساريري لين ما اسمع اخباركن و ما شاء الله الاخبار تسر.....

حسب التحدي هذي الاوزان حاليا:
رايقه - الثلاثينيه - اسوول - بلاك ستار
96.6 - 113 - 115.5 - 76

- 10 كيلو

86.6 - 103 - 105.5 - 66


صححوني اذا كنت غلطانه و الي تريد الانضمام للتحدي 10 كيلو قبل رمضان حياها الله.

يارب استجب لرايقه و خلينا من ربع الS ترى مليت من XXXL
و الله ضحكتيني يال الثلاثينيه ( قص بدون لزق ) و انتي الصاجه في كثير من الزيادات بس الله يعين خلينا نركز على شي واحد الحين و يصير خير.
بنت جده: ديري بالش على حالش و بالتوفيق عسى الله ينحفك و يرزقش مقاس S
رهينة الشوق : طبعا ممكن انا اخصائية التغذية قالت لي ان 60% من الوزن الزايد عندي ماي بس هذا ما يعني نموت عطش لازم تسوين رياضة اكثر و تبتعدين عن الملح و توابعه و اتاكدي من نسبة السكر في الدم لان زيادته تسبب انحباس الماي في الجسم. انا اقول انثبري يا بنت و احترمي نفسش و روحي ضوقي الحلقه ترى ثبوت الوزن زين بس الزيادة تكسر العزيمه مرررررة. لازم لازم لازم تظلي تراجعي الدكتور على الاقل مرة في الشهر او شهرين. انا اعرف ليش ما تروحين علشان ما يهزئك بس هذي انا اهزئك علشان تنعدلين يا بنت. آسفه حبيبتي بس بعد عنا و تعب العملية حرااااام ما تنزلين وسعي صدرش انا اكلمك بهذي الطريقه علشان مصلحتك لان الظاهر يبيلش العين الحمرا مثلي و اسالي الثلاثينية اذا ما تصدقيني.
اسالي الدكتور اذا تقدرين تاخذين دوا اسمه الريداكتيل هو مفيد وايد بس لازم تتاكدين من الدكتور انه يصلحلك.

كوكيتا: والله اسمك حلو اريد اكلك على الصبح يم يم يم ...... نعم لازم ريجيم لان الربط هي عملية مساعده فقط بس بصراحه بعد الربط ما تقدرين تاكلين مثل الاول و تحسين بالشبع بسرعه و الاشياء الدسمه تزعج معدتك. غير هذا كله عن طريق الربط لانه يحتاج سنه على الاقل رح تتعودين على نظام حياة جديده و تصيرين تحاسبين نفسك على كل شي يدخل ثمك و تحسبين السعرات يعني بعد فتره ما رح تحسين انك تسوين ريجيم.
اذا عندك MBC4 حاولي تتابعي برنامج الدكتور فيل وايد مفيد يخليش تحسين انك تقدرين تسوين اي شي و فعلا في ناس كان وزنهم 300 كيلو و صاروا 90 و الا 80 كيلو لان ارادتهم كانت قوية و عندهم ناس يشجعوهم.
الحين حتى يوم اروح اتسوق مع الوالده ما ناخذ الا قليل الدسم و لو فات او لايت الخبز طبعا و دائما اسمر و مع النخاله. حتى الشوكليت صرنا نشتري مالت الريجيم و بدون سكر اعرف ان الطعم غير بس بعد فترة رح تتعودين عليه.
عزيزتي المشي ثم المشي ثم المشي هي الي رح تنزل وزنك عدل.

السموحه بنات......الظاهر اني غاويه محاضرات اليوم بس والله انا ازعل وايد يوم اشوف وحده وزنها ما ينزل و الا يزيد لانها تعبت ورا العمليه و ما استفادت.

ترى السمين مهب سمين من عند الله هو الي سوا في نفسه هذا الشي ... نعم عرفت متاخر بس ان شاء الله الحق عمري.

سوري عفاري ما شفت ردش بس والله عادي ما اعرف انا بعد وش جرا لي بعد التضويق كان الدكتور وسع الحلقه و اكلي صار عادي و انفجعت كاني ما شفت اكل قبل كذا.
حبيبتي ديري بالش خذي اسبوع اجازه بس هااااا لا تفجري بالاكل و حاولي قدر الامكان تاكلي قليل الدسم و بدون سكر و كلي بطاطا حلوه مسلوقه و الكثير الكثير من الخضار علشان ما يكون في مجال للعيوش و المحاشي. لا تسوي غلطتي و توقفي الرياضه لان النتائج بتعور قلبش.
لا تضوقي الحين لان في المستقبل يوم تنزلي 15 و الا 20 كيلو رح تحتاجين تضوقين و هذيك الفترة رح يقولك الدكتور ما في مجال.
يا رب سد نفس عفاري عن الاكل علشان تنحف و تصير عصفورة رشيقه