عندي هواية طبخ وشغل حلويات تتوقعون بأنجح لو اسوي محل ؟ ياليت تسعفوني بافكاركم

السلام عليكم

باطرح عليكم
هوايتي واتمنى مساعدتي بافكاركم وخبراتكم .. انا ابي اي استفيد من وراه ونساعد انفسنا انا وزوجي .. يااارب تعديني لما فيه خير لنا ..
فكرت اجيب خدامه تساعدني في الغسيل وانا ابدا شغل الطبخ وتفنن بالحلويات .. وبيعها

طريقة البيع هي الحاجز بطريقي
لان مااقدر افتح محل اخاف اخسر وماانجح فوق انه ماعندي المبلغ اللي اقدر اشتري محل
حابه ابيعها على محل حلويات معروف
والطبخ عند مطاعم معروفه
بس تتوقعون احد يقبل ؟؟!
انتظرر افكاركم و خبراتكم ،،،،، 😘😘
وهل تنصحوني بالاستمرار ؟ لان تراودني الفكره من كم سنه !!
انا من سكان الاحساء
من عندها محل نتساعد في هذا المجال انا قابله

30 تعليق 5,500 مشاهدة

شاركي في النقاش

سجلي الدخول لإضافة تعليق.

التعليقات

26
  1. @um_joud

    انا اقترح عليك تبدأي بالطبخ في البيت وتوزيع الطلبات حسب الحجز واسهل طريقة صارت العرض في الانستقرام والواتس وتويتر
    اغلب الطباخات يبداو بهذه الطريقة وبعد مايشتهرو جدا وسمعتهم تلمع وربي يرزقهم راس مال محترم
    يفتحو محل او المحلات هي الي تطلب منهم يعرضو لهم منتجاتهم
    والله يوفقكم ويرزقكم الرزق الحلال
  2. @smsmh_21

    وعليكم السلام ورحمة الله وبركاآته .

    إنتي صوري أطباقك وو أعرضيها ع الناس ف الواتس آو الإنستقرام
    وآكتبي للطلب أتصل ع هالرقم . و من الأصل تطلعين لك رقم خاص بالمشروع
    و الطلب يكون قبل بيوم آو يومين حتى توفرين الأغراض بدري
    واللي مستعجل تزيدين عليه السعر ^^ .

    بس خلي أسعارك معقوووله , وو بالتوفيق
  3. @asmaa_011

    وحده نجحت ونجمت ماشاء الله وعلى مستوى منطقتها وماشاء الله بس من ارباحها جابت شغالتين وسياره لولدها
    عشان تتسوق لمشروعها وتستغني وتصرف على نفسها وعلى مشروعها بسخاء ماشاء الله
    الآن منطقه مجاورة لها تطلب منتجاتها
    واكثر شي اشتهرت فيه الحلويات والبهارات
    اول حاجه اختاري اسم تشتهرين فيه مو اسم عادي سوي حساب واعرضي طبخاتك
    واختاري ايش بتشتغلين بالضبط اتعاملي مع المدارس ولو ابدعتي بيبدا الطلب عليك من عميلاتك اللي كسبتي
    وبينتشر اسمك
    ممكن تتخصصين بالبوفيهات
    حفلات النجاح والتخرج وحفلات الاطفال
    اتعلمي طرق التقديم الجديده وابتكري وابدعي سوي بطاقات باسمك ورقمك وحساباتك وكوني جاده بالتعامل
    وتعاملك راقي مع اي زبونه
    اهم خطوة في المشروع هذا او اي مشروع انك تمشين خطوة خطوة
    لاتستعجلين ولاترفعين سعرك واتميزي بحاجه مثلا نوع حلا مجاني مع الطلبيه وكل مازادت الطلبيه ارفعي مستوى الهديه المجانيه ترى الناس يحبون المجاني

    وممكن بعد فترة تغيرين نشاطك لشي تفتحين كوفي نسائي مثلا او تعتمدين محل خاص فيك تنسيق حفلات مثلا

تابعي تجارب أخرى من هذا القسم.