الحين القصه قديمه توكم تصحون لها ليه
اولا هو مسلم والبنت معدية الثلاثين
ثاني شئ الابو طقها وكفخها و وغصب عن الكل القانون هناك يمنع هالشئ يعني اشتكت او اسكتت هو حق عام والقانون ياخذ مجرها
تحسبون هنا الدعوه سايبه ابو واخوان يصفقون خواتهم ويكسرون يدينهم ويسببون لهم اعاقات نفسيه وجسدية ويقولون والله عادي
واللي تقول ابوها يكسر راسها اقول لها اذا ماتبين تمشين على الدين هذا كيفك ماتجين تفرضين رايك على الكل
, الرسول عمره ماقال ضرب مبرح حتى ايوب ضرب زوجته ضرب خفيف وهي سوت ماسوت
والاخت اللي حاطه الموضوع ياليت اذا ماتعرفين اللغه وماتعرفين تقرين الاخبار من الصحف الكندية مباشرة ماتجين تنقلين من واحد ماتعرفينه لدرجه ماشاء الله عرف الابو وش قال لبنته الاخ كان جالس يتقهوى بصالتهم يوم تجي الشرطه تسحب ابوها ولا بعد لايكون ابوها يطبخ للاخ الناقل ويصحيه من النوم بعد ؟ حدث العاقل بما يعقل فأن صدق لاعقل له
لان كثير ضد المبتعثات ويدورون اي شئ عشان يسوون هوليله ويبهرون ويزيدون وربي قال يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ
واخيرا ايش فايده الموضوع ؟ تكتبينه ثم تقولين الله يخليكم لا ادعوا لها بالهداية ؟ طيب لو فرضا مره حريصه عليها وعلى اهلها ليه جايبة الموضوع وتنبشينه عقب شهور مرت عليه ؟ ليه ماسترتي عليهم اذا مره حريصه ليه تقلبينهم وجعهم من قصه منتب متاكده منها حتى ناقلته من شاب ماتدرين وشو من اللحية ؟
آآه من قهر الرجال..فما بالكم لو كان أب !!! قضيه الفتاه السعوديه مع والدها في كندا
متابعة النقاش، صفحة 6