تجمع التباشـ 5 ـير لاحلى مواليد ( نوفمــ11ــبر و ديسمـــــ12ـــــــبر)

صباح الخير
غرورك سمة شكلك عصبيييه حاره ،،مثلي انا اذا عصبت أصير مجنونه عصبيه وزوجي باااارد ثلج وسهل انه يستفزني لدرجة انا بكامل زعلي و عصبيتي هو يغني ويستهبل ويقول يامجنونه موتي احسن ويرجع يغني !!!ااااااه ساعتها ابطق ودي أقوم اكفخ فيه الين يقول امين ''بس يارب اخذ من بروده شوي

اشكر كل من ردت علي

الله يقومكم بالسلامه


❤اذكروا الله❤️

اهلا .. صباح الورد

خوخ.. لالوشا.. وكل من دعت.. امين يا رب..

ما فيه خبر عن عسل؟ يا رب تبشرنا..

غرورك.. اسمحي لي عزيزتي انت قلت بلسانك انكم عصبييين .. انا حارة وعصبية .. بس الحياة ما تمشي كذا تكبري شوي باذن الله وتعرفي معنى كلامي.. لازم تضغطي على نفسك.. وشكل ولدك عرف انه يستفزك ويوصل للي يبيه بهالطريقة .. يعني شوفي الموقف من زاويته .. لما كسر العلبة الي بالنسبة له ما تمثل اي فايدة ولا لها دور بحياته صح صرخت عليه وضربتيه بس حققت مطلبه وجاء ابوه واخذه .. وزيادة على كذا ان ابوه ضربك كأنه انتقم له.. كذا ولدك يشوف الموقف.. لما ابي اي شي لازم افسد شي من اغراضها وبعدين واح يتحقق الي ابيه..
شفتي عصبيتك نتيجتها ولدك يكبر وهو ما يحبك .. وغرست بنفسه عقوقك.. لان سبحان الله الوالدين مفطورين على حب اولادهم اما الاولاد مو شرط لاجل كذا نسمع عن العقوق شي كثير ما يقارن بالي نسمعه من اذى الوالدين لاولادهم..
انا اقول بك كلامي هذا ولو كان قاسي والا ما عجبك بس حتى ما يروح منك ابنك .. والا ايش فايدة انا نحمل ونولد عشان زيادة اعداد بس !! ننجب من يحبنا والا من يكرهنا؟!
كلنا نعصب وكلنا حارين وما نستحمب والجيل هذا الوقت الله يصلحهم.. بس مهما كان نحاول نمسك اعصابنا ونريح انفسنا.. نرييهم ونعلمهم ان الخطأ خطأ والصح صح .. بس نستحملهم..
يعني بالعقل من اغلى عندك ولدك والا العلبة؟ طيب لما ضربتيه وصرختي بوجهه وعلى قولتك بغى ينجلط ايش استفدتي؟ رجعت العلبة؟ تأدب ولدك؟ اسمحي لي انت الخاسرة بالموضوع كله خسرتي ابنك وزوجك وعلبتك.. واعصابك..
مهما كانت الماديات فهي مو اهم من اطفالنا..
المفروض من اول ما طلع ابوه ورفض ياخذه وبدا يبكي اتصلت على ابوه .. ما رضى يرجع.. خلاص انت امسكي ولدك واحضنيه بوسيه وطبطبي على ظهره ومهما حاول يأذيك والا يضربك امسكي اليد او حتى الرجل الي بيمدها عليك وبس .. وحاكيه بهدوء وصوت منخفض لما تجذبي اهتمامه.. بعدين العبي معاي اشغليه.. حتى لو تعطيه كاسات بلاستيك وصحن يلعب فيهم.. تراهم احيانا ما يحبون الشيء المعتادين عليه.. وممكن حتى تاخذيه الحمام وتخليه يلعب بالبانيو.. يستهلك طاقته ويستمتع وانت ترتاحين..
واذكرك اخيرا.. (ليس الشديد بالصرعة انما الشديد الذي يملك نفسه عند الغضب) ووصية الرسول ﷺ للصحابي (لا تغضب) فردد مرارا قال(لا تغضب) واذا عصبت .. عالجي تفسك بهالطريقة النبوية اذا واقفة اجلسي واذا جالسة انسدحي يعني غيري وضعيتك.. وقومي توضي وصلي وتعوذي بالله من ابليس..
الله يصلح لنا ولك ما عطانا.. وانا تراي ما كتبت هالحكي لاني مثالية .. انا اعصب واهاوش اولادي واضربهم بس احاول قدر الامكان يكون على شي يستاهل ولا هو طوال الوقت.. وما يكون شي قاسي.. لانهم اذا فقدوا الامان عندنا بيدورونه عند غيرنا..

صباح الورد 💐

الحال من بعضه حلاتي ، افكر تو اسحب على الدوام مافيني حيل كل عظمه بجسمي تعورني ، الله ياجرنا ويسهل علينا يارب😔😔😢

حلاتي.. الله يكون بعونك..

وسن.. ابدي الحين..

حبيبة زوجها.. انا حملي هذا ما اخذت من سنتر ولا لبسة.. ما عجبتني تشكيلتهم ابدا حتى خامتهم بدت تسترهف .. طبعا انا مجهزة قطني كله .. يعني ما اخذت ولا قطعة شتوي.. وما دخلته من نزل الشتوي.. اللهم قبل سنتين تقريبا كنت عندهم وكان مسوي خصم مررررة حلو ولقيت بربتوزات الي تجي ستة مدري سبعة مع بعض مقاس من ٠-٣ تطلع البربتوز الواحد اقل من خمسة ريال فاخذتها قلت ان شاء الله البيبي الجديد.. اما هالسنة ولا قطعة.. حتى تخيلي مفارشهم الحياكة لقيت نفسها بالهرم بالضبط حتى نفس الصناعة تايلاندي.. وفيه فرق بينهم بالسعر..
احلى شي نكست اخذت منه كذا مجموعة.. ومن مذركير مجموعة وحدة.. رغم انها بالغالب تتمطط بس هذي شفتها مع قريبتي وتقول غسلتها ولا تغيرت وانا غسلتها بالغسالة الاتوماتيك بس برنامج خفيف والحمد لله ما تغيرت.. ان شاء الله تظل كذا..
ونصيحة دام السوق خصومات الي ما بعد قضت تطلع تشتري.. نكست المجموعة فيها ثلاث قطع ب١٠٠ تقريبا او ١٢٠ تطلع لك البدلة الوحدة اقل من ٣٥ - ٤٠ ريال ارخص من سنتر واجود..
والله يهنينا وبيبياتنا بمشترياتنا ويبلونها بعرق العافية..