صالونة القباقب عن جد رووووووعة



بنات ذوقوا صالونة القباقب واكيد بتعجبكم لأنها غليضه وحامضه ولذيذة

المقادير:
قباقب منظف ومنزوع عنه غطا الظهر ومقطع انصاف
حبه متوسطه بصل مفرومه
حبه ماجي
كأس صغير ماء مذوب فيه تمر هندي (صبار) عشان يعطينا شوي حموضه طبعا حسب الرغبه
قليل من الكزبرة المفرومة
علبة صلصه طماطم
ملح حسب الحاجه (لأنك بتحطي ماجي وصبار)

ومقادير هذي الخلطه تخلط في الخلاط الكهربائي:
حبه كبيرة بصل
4فصوص ثوم
زنجبيل طازج قطعه صغيره
فلفل أخضر حار حسب الرغبة
سنوت وجلجلان مطحون
قليل من الهيل المطحون
فلفل أحمر مطحون

الطريقة:
توضع البصله المفرومة في قليل من الزيت وتشوح حتى تذبل ثم نسكب عليه مقادير الخلطه السابقة وحبة الماجي ثم نضع علبة الصلصة ونترك الخليط حتى يطبخ وياخذ لون الصلصه ثم نصب كاس الماء المذوب فيه الصبار ونضيف اليه الكزبرة والقباقب وملح اذا احتاجت الطبخة ونتركه يطبخ على النار حتى تنضج القباقب وماراح تاخذ وقت عشان تنضج بعدين اكليها مع الرز الأبيض ومصمصي قي القباقب وبالهنا والعافيه

ملاحظة: هالطبخه تكون حاره (سبايسي) ولذتها في حرارتها بس اللي ماتحب الحار كيفها اهي وذوقها

43 تعليق 18,428 مشاهدة

شاركي في النقاش

سجلي الدخول لإضافة تعليق.

التعليقات

42
  1. تسلم أيدج يا بعد عمرى أنا وبناتى وايد نحب القباقب وأكييييييد بسويها .... عز الطلب من فترة وأنا بخاطري هذه الطريقة ومشكوووورة ياعمرى .
  2. @ahat_oalm_1

    صاحبة الموضوع
    تسلمين أختي وأنا في الخدمه وبالهنا والعافيه انتي وبناتج والله يخليهم لج ويخليج لهم
  3. تسلم اياديك ياغاليه
    شكلها لذيذه .. بس تدرين .. اكررررره ريحة القباقب وقت الطبخ تملى علي البيت بريحتها
    بس طعمها لذيذ مره بعد الطبخ

    وطريقتك هذي مااظن انها من الطبخات اللي بتجيب ريحه للبيت
    بجربها واقولك النتيجه ان الله اراد
  4. @ahat_oalm_1

    صاحبة الموضوع
    انا اسويها حق كيلو او كيلو نص بس اكون شايله الأيادي والأرجل مال القباقب بس انت اذا تبينهم تقدريت تخلينهم

تابعي تجارب أخرى من هذا القسم.