ياشامخه / ماتوقف الدنيا على كلمة طلاق=وانتي ابد لاماخسرتيهم / هم اللي خاسرينك
.
اللي يبيعك ياعفاف الطهر / يخسر لين فاق=واللي يبيعك ياورود الكون / يخسر ياسمينك
.
يعوّضك ربّي من احسانه بعد مرّ الفراق=وانتي كسبتي عزّتك / والله على صبرك يعينك
.
لاتجرحك كلمه من وجيه ٍ تغشـّاها النفاق=تكسر مجاديفك / وتتكـبّـل من الكلمه يدينك !!
.
شوفيْ السما وشلون بك تزها ويـَمْلاها الزراق=وكلّ ابتسامات الحياة تقول : وينك ؟ فاقدينك !!
.
قدامك أحلام الحياة / وكان صدرك يوم ضاق=تذكّري وش كثر أحزانك تكدّر والدينك !!
.
مافيه داعي للدموع / وحمـْر وجناتك رقاق=ماتحتمل جرح الدموع اللي تسيّل كحل عينك
.
ماعمرها الدنيا توقـّفنا على كلمة طلاق=وانتي أبد لا ماخسرتيهم /هم اللي خاسرينك
شاركي في النقاش
سجلي الدخول لإضافة تعليق.
التعليقات
12- اسأل الله رب العرش العظيم ان يعوض كل مطلقه حزينه بسعاده مالها نهايه
- الله يجزاك خير
- حزينه ليش؟! ماخلق اللي يكسرني الحمدلله عايشتها بالطول والعرض مثل ماقالت سوكره بلا رجال بلاهم قرف
- ماعمرها الدنيا توقـّفنا على كلمة طلاق=وانتي أبد لا ماخسرتيهم /هم اللي خاسرينك
👏👏👏👏👏👏👏👏👏👏👏👏👏👏👏👏👏👏👏👏👏👏 - حبيبتي فهمتيني غلط اكيد بالبدايه المرأه بعد طلاق اكيد بتحزن وبتتجرع الألم لكن بعدها تسترد قواها وتبدا حياه من جديد واناعجبني الشعر وحبيت انقله لعالم حواء
مواضيع مشابهة
تابعي تجارب أخرى من هذا القسم.