%% ملف بنات رأس الخيمة %%تميز إصرار وعزيمة %%الجزء الثالث

لحظة فرح ...
شحالج الغاليه ....ولا يهمج الغاليه السيره اليايه لدبي ايدي بيدج ما بطلع من راس الخيمه الا
لحظة فرح وياي ....

اقوووول ماعليج سوريا غييييييييير لا تخافين بوديج وييين ما تبيييين
ولا تعرفييين خلينا انغير الوجهه للنمسا أحسن -خيااانه-:42: ودام الخريطة بيدينا ما يهمنا شي
بنسير عادي يقولون هناك أكثر المقيمين عرب يعني التفاهم وياهم سهل بلا رطين ولا غيره:42:

اما عن الاغراض ولا يهمج بحطي صور الجلابيات يوم بفضى تراني اليوم معزومه لعرس غير اني العصر بسير الخياط .....
لاني امس ماختذته كله تسوق ...كنت معزومه في الشارجه في بيت ربيع ريلي كنا اونه بنشوف تصميم فلتهم عشان ناخذ افكاااار ...وحرمته كويتيه حبوووبه طولت في اليلسه وياها
وعقب سرت دبي ساعتين ادور خياط يخور قلت بطرز لي جلابيه للعيد لكن ما حصلته
فسرت سوق عكاظ وما حواليه اشتريت جلابيات للبيت وللمدرسه
وسلاااااااامتج

بنااااااااااااااااااات

اللي تحب اتسوي كيكة كاكاو سهله وبسيطه وان شا الله تضبط من اول مره اقدم الكم هذي الطريقه
(موجوده في الجزء الرابع )

كيكة سهله وصوصها منها وفيها

المقادير مع الطريقة :
كأس سكر
كأس زيت
كأس ماء
4 ملاعق شوكولاته بودرة
4 ملاعق حليب بودرة
هذه الاشياء توضع بالخلاط (خلاط الكاس )

بعد ماتخلطينها جيدا خذي من الخلطة 3/4 الكأس (يعني كاس الا ربع ) وخليهم على جنب لانها هي الصوص (حطيها في الثلاجه لحين الانتهاء من الكيكة )

بعدين اضيفي الى الباقي بالخلاط بيضتين وقليل من الفانيليا
اخلطيهم جيدا ثم صبي هذا الخليط على 1 كأس دقيق وملعقة كبيرة باكينج باودر.
ثم ادخليها الفرن لحد ماتستوي الكيكة .
وبعد ماتخلص تخرج من الفرن , ثم اضيفي على وجه الكيكة الصوص اللي خليتيه على جنب0


نصائح لعمل الكيك : 1) سخني الفرن من قبل لا تحطين الكيكة
2)ادهني الصينيه بشوية زيت ورشي عليها طحين ودخليها الفرن شوي دقيقه بس بعدين طلعيها واتخلصي من باقي الطحين وبعدين حطي خليط الكيك كل هذا عشان يوم اتقطعين الكيكه ما تلتصق بالصينيه .
3)اخلطي الكيك واااااايد عشان تنتفخ الكيكه
4)حطي الصينيه بالنص في الفرن .
5)لاتفتحين الفرن قبل عشر دقايق نهااااائيا


شو تبون بعد عقب هذي النصااايح ما ابا تخترب الكيكه عند اي وحده فيييكم
سمعتواااااايا شطااااار:hahaha: :hahaha: قربت المدااارس


يالله الحينه بخليكم سايره اخذ جوله ع الخياييط

هلا ببنات رااااك كيف الحال ان شاء الله كلكم بخير

على فكره الاخت star75بتسلم عليكوا كلكوا وهى كويسه وبتقولكم وحشتوها اوى

ربنا يرجع كل الاخوات المسافرات بالسلامه وحمد لله على سلامه اللى رجعوا

هلاااااااااااااا و غلاااااااااااا بناااااات رااك ،،، اشحالكم؟؟؟

هلااااااااا أمواااج ،، أشحالج ؟؟؟ عساج بخير ،،
أقول ،،، نحن نتريا الصور ،،، لاااااااتنسين
و بعد لا تنسين يوم بتظهرين دبي و الشارجه و بتاخذين وياج لحظة فرح ،،، مري لي ،، هههههههههههههههه ،،،رزة ويه ،، هههههههه