بسم الله نبدأ ههههه احس اني رايقة بس والله يوم راحت الكرشة ارتحت الحمدلله
اممم امس اللي كانت الحركة كثيررة ومزعجة بس ماكان فيه اي الم ولا بودار ولادة ولاشي لاافرازات ولاغيره
المهم عاد زوجي يقول لي احسك بتولدين الصباح ماتوقعت احساسه يصدق
المهم نمت كالعادة ثنتين والا ثلاث الفجر صحيت صليت حسيت بالم خفيف جدا لايذكر بس مسك فتره وراح كملت نومتي وبدا يزيد الالم شوي بس طبعا الم يحتمل وصحيت ثمانية وهو يمسك ويفك الالم سبحان الله واضح انه طلقق وزي الالم الي جاني يوم جبت بنتي
ورحت اخذت شاور حااار
عاد قمت وقلت لزوجي لاتروح الدوام لانو فجاءة صار بين الطلقة والثانية خمس دقايق بس ماتالم مره عاد راح جاب فطور وافطرت لاني جوعااانة
وقمت رتبت المطبخ وجهزت الشنطة عرفت اني بولد
انتظرنا لين جت الساعة11 وزاد الالم صار كل ثلاث دقايق عاد والله يألم مره الطلق الله يكتب لنا الاجر يارب
عاد وصلت المستشفى دخلت الطورائ قالت انتظري الدكتورة تسوي لك كشف
عاد الي يقهر صدق الممرضة الغبية ركبت الجهاز حق القلب والتخطيط تخيلو الطلق صفر واحيانا واحد واذا ارتفع مرره وصل ثلاثين
وتقول الممرضة مدام مافي طلق وانا ودي اصفقها طيب والالم وسكتت قالت انتظر دكتورة
هذا الكلام وهو جالس ياذن الظهر اسمعه
وشرفت الدكتورة عاد كانت فوق في الولادة وتاخرت يوم جت وانا واصله حدي من الالم حتى مااقدر افتح رجولي تقيس الرحم
عاد بعد معاناة فتحت رجولي ودخلت ايدها تقيس
والمفاااااااااااااااااااااااااااااااااااااااااااااجااءة
الي بجد للحين مو مستوووعبتها
دخلت ايدها وتناظر فيني واحس شي ينزل بعدها طلع فاتح الرحم
تسعه سانتي ماشاءلله
عاد بدت المويه تنزل شوي شوي قالت خلاص ولادة قلت اوك بقوم امشي قالت وين مجنونة انتي
ودفوني في السرير لجناح الولادة وفيني الم لايطاق الله يكتب الاجر بس وراسي داخ مع فرفرت الاسياب تذكرت الي في المسلسلات ههههه
المهم وصلت جناح الولادة وكانو فيه بنات يطبقون ثنتين ودخلو معي
عاد يارب كيف اقوم من السرير لسرير الولادة قسم بالله الم لايوصف الطلق مولع مررره حتى تروشت من كثر ماعرقت ههه
وساعدوني والممرضة تركب الاجهزة والدكتورة تجهز العده واصله معي الولادة
عاد قمت السرير وغيرو لبسي البنات وعطتني الكمام ااااه يازينه نعمة والله ينسيك ابو الطلق
جلست امكن ربع ساعة هذا الكلام على ثنعاش ونص وبدا الجد احس بدا الدفع
ورفعت رجولي وبدا الدف امكن ثلاث او اربع دفات وطلع ااه ماني مصدقة وقتها ووسعت لي
وعاد وروني ياه مالي نفس اشوفه وصخ كله مويه ودم خذوه عاد ووزنه ماشاءلله 2900 الحمدلله
وبدات الدكتورة تعقم وطلعت المشيمة
وبدت خياطة بعد ماعطتني بنج حسيت فيها بس مو مره
وطوووولت تخيط داخلي وخارجي ذكرتني خياطتي الاولى
عاد الحين في جناح مابعد الولادة
وولدي جنبي هااادي والحمدلله ابشركم طلع يشبه لي
وكانت مفاجااءة حلوه لامي اختي تقول جلست تبكي ساعة هههه
عاد هي تدق على جوالي تبي تطلع لي غدا وانا جالسة اولد
ويااااارب لك الحمد كل شي له نهاية والله يكتب الاجر يارب ويحفظه ويعين على تربيته
وعقبال الباقين يارب وعقبالك ياعسل وليلوسا وكل النوفمبريات
طبعا اتوقع كان فاتح الرحم من قبل بس ماكان فيه طلق
وكله من المشي والدرج صدق استهنت فيها وقلت مارح تسوي شي بس والله سوت وفعلت
وكمان المغطس الدافي اخر يومين كنت اتنقع فيه نص ساعة موية ساخنة هي بعد سبب بعد الله
وكمان قشر امي الله يوفقها له الدور الكبير كانت تحط معه يانسون ونانخة وحبه سوده وزنجبيل
لازم نشكر كل من ساهم في تسهيل الولادة هههههه
تصدقون ماشفت لاسدادة ولا غيرها رحت المستشفى ناااشفة ويوم نزلت المويه نزلت شفافة نظيفة غريبة
ها شرايكم بالاكشن حقي
تجمع التباشـ 6 ـير لاحلى مواليد ( نوفمــ11ــبر و ديسمـــــ12ـــــــبر)//استوفى الرد
متابعة النقاش، صفحة 92