ومنين ابتدي ؟!!! ياجرحي الندي ؟؟!! ( موجوعه من قلب ) .....

مساءكم جميل .. ورايق وذوق ...


من زمان عن المنتدى الغالي .. والسبب مشاغل العيال وابو العيال الله يصلحهم ...


فتحت هذا الموضوع لأطرح مجموعة اسئلة واتمنى القى اجوبه تفيدني ...


انا حاليا صار لي متزوجه خمس سنوات ... طبعا مريت بمشاكل اتعبتني وارهقت نفسيتي .. وتكسرت مجاديفي


وكثير توقعات كنت اتوقعها اكتشفت انها سراب ... وكثير احلام كنت احلم بها اكتشفت انها مستحيل تصير على ارض


الواقع ... واتوقع انه كثير زوجات مروا باللي مريت فيه ... :icon30:


في المقابل تعلمت في هالخمس سنوات اشياء واجد وعرفت كيف اتعامل مع زوجي في كثير مواقف لاني فهمت شخصيته مع العشره ....


ولكن ما اخفي عليكم ... اشعر بأني كبرت عشر سنين قدام .. والسنين اللي فاتت افقدتني كثير من صفاتي قبل


الزواج مثل الثقه بالنفس / الاهتمام بالشكل الخارجي / الضحكة اللي من قلب / النعومه / اغلب وقتي صرت ساكته


ذهني تبرمج على نمط حياة معين رغم اني اعلم ان زوجي يحب التغيير لكني القى نفسي عااااااااااااجزه .... :ohplease:


افتقد للمرونه في الحركات والتفنن في كل شي والسبب طبعا حجم الاحباطات والضغوط اللي واجهتها في بداية


زواجي ... صايره اجامل كثير .. وامشي يومي بأي شي


ما ادري اللي فيني اكتئاب والا ايش اقدر اسميه ...


ما احس بجو الموده والرحمه بيني وبين زوجي الا نادرا ..


احس اني ام عياله فقط ... يمكن لان زوجي مايعبر ولا يتكلم ولايذكرني بهديه ولا يجاملني بالشغلات اللي اشتهيها


مطاعم ممنوع / سفر من زمان ماسافرت / هديه من ثلاث سنين واكثر ماجاب لي / كلمه حلوه من بداية زواجنا


وان شحذته الاهتمام والكلام الحلو قال استحي على وجهك / متى تكبرين وتعقلين / انتي انسانه فارغه ؟.


ادري ان العاطفه تقلب المزاج وتخلي الواحد يقبل على الحياة ويشوفها بعين ثانيه ....


بس انا متعطشه وفاقده ومحرومه من اهتمام وعاطفه .. ...


تجيني فترات احاول اضغط على نفسي اشتري كم شغله احاول اجدد بس ارجع زي قبل ....


الداااااافع عندي شبه مفقوود .... وش الحل الله يرضى عليكم


ابي افكار اجدد فيها نفسيتي وحياتي ... لاني تعبت وابي اختصر وقت التعب الله يرضى عليكم ....






لاتنسوني من دعواتكم ...




:(

52 تعليق 6,248 مشاهدة

شاركي في النقاش

سجلي الدخول لإضافة تعليق.

التعليقات

51
  1. @althrya_1199

    ياحياتي اولا عليك بالاستغفار وحسن الظن بالله اذا عندك حافز اشتري اللي نفسك فيه غيري شوي في بيتك غيري روتينك طريقة اكل تحضيره كللللل شي بتقدرين عليه غيريه شوي شوي وان شاء الله يتغير
    طريقة كلامك اسلوبك حتى لماتطلبين الشي
    الدعاء ارسلي لزوجك ادعيه خاصه فيه تراها تاثر في نفس الزوج وينبسط
    والله ييسر امورك ويفرجها عليك وكللللل من ضاقت عليه يارب
  2. @akht_mshmshh

    سلامة قلبك

    نصيحتي لك
    تقربي من الله أكثر
    استغفري كثير
    حافظي على صلواتك والسنن الرواتب
    صومي، صلي الليل
    واوتري وارفعي يدك لله
    اشكي له همك
    وفضفضي له كل اللي في خاطرك
    ابكي
    وادعي ربي انه لا يجعل الدنيا اكبر همك
    وان ييسر لك امرك مع زوجك

    كمان أنصحك أن تبدأين في حفظ القرآن الكريم
    والله وتالله وبالله أن تتغير حياتك
    وتتغير نفسيتك

    كمان أقولك
    حبي نفسك ودلعيها واهدي لها اللي تحبه
    لا تنظرين هديه منه او من غيره
  3. @shosha_kuwait

    والله يا اختي اناتقريبا قريبة من ظروفج وقاعدة احاول اغير من اسلوب حياتي واونس نفسي دون الاعتماد على زوجي يعني حاولي تزورين اهلج خواتج صديقاتج لاتخلين زوجج يعكرمزاجج وعيشي حياتج مع عيالج واستانسي معاهم ترا الحياة مو كلها زوج واذا على الهدايا انتي اشتري لنفسج ودلعيها والسفر اذا ماصار مو ضروري تونسي داخل ديرتج يعني اللي بوصله لج عيشي حياتج ولاتضايقين من شي
  4. @choclet_chipes

    اذا هو ماعطاك ولا دللك دللي حالك عيشي لنفسك روحي مثلا مشغل سوي بديكير منيكير واصبغي وقصي وسوي كل الي تبين مب ﻻزم تروحين مطاعم اطلبي الي تبين وانتي مرتاحه بيتك روحي لجيرانك وصديقاتك المهم غيري جو عن البيت والروتين الي يذبح ولا تنسين الذكر والورد اليومي تراه يبعد الهم والضيقه ويحفظك من كل سوء باذن الله

تابعي تجارب أخرى من هذا القسم.