الأخت اللي معرفتها light
،،
دحين ايش دراكي عني ؟؟
ايش لك شغل انا كيف حجابي وكيف أحط مسفعي ولا طرحتي ، ان شالله ماأتحجب انتي ايش لك شغل 😤😤😤
انا ايش دخلني انو في بنات يكشفوا ويحطوا ميك أب ، ياختي مدري عن ايش تقربعي داخلة مدرعمة مدري ايش تبغي 😡😡😡
انا الكومنت حقي ماتكلمت فيه عن نفسي ومافي اي كلمة او جملة موجهة لشخص معين ، كنت اتكلم بشكل عام وعن موضوع اللي فاهم ومتعلم وعارف دينو صح مو إمعة الناس تمشيه على كيفها حيفهم عن ايش كنت اتكلم
الكومنت حقك كل ابوه كلام وتخريفات مالها علاقة بالكومنت حقي وتهجم عليا حتى 😒😒😒
بعدين ينقال انك جبتيها ماشالله ، لما تقولي السعوديات يغطوا من نعومة ظفرك اسم الله عليكي
مدري هوا عبط ولا استعباط ، المدينة زي الرياض زي بريدة زي جيزان زي جدة >> كل مدن المملكة ثقافتها وحدة ؟؟ وعاداتهم وتقاليدهم نفس الشي ؟؟؟؟!!!! ، يختي ادا كان في ناس من نفس القبيلة وعيال عّم ومختلفين عن بعض بالتربية والأفكار
يعني مو عشنك ماقيد شوفتي سعودية كاشفة معناتو غللللط الكشف >> مخك معليش مركب غلط لو مقتنعة بدا الشي ، فكرتك حتى مفرغة من المنطق
المهم السطر الأخير من الكومنت حقك مرررة يضحك الله يسعدك 😂😂😂
،،
ترا عادي مو جريمة لو وحدة منقبة وغيرت رأيها وقررت تكشف >>> بنات كتير مَرُّوا عليا زي كدا وكانو يغطوا عن قناعة وغيروا رأيهم عادي ، وفيه العكس ناس تكشف وسارت تغطي ، الفكرة انو تكوني مقتنعة باللي تسويه وماتشنعي وتجرمي الناس اللي تمشي عالرأي التاني .. الناس تتغير وأفكارها تتغير مو شي غلط 😇😇😇
،،
انا كتبت الكومنت فوق عشان يستفزني الناس اللي ينكروا حتى وجود خلاف فقهي ببعض الأمور بالدين ، واللي يستفزني اللي يقول الرأي الفلاني افضل ؟؟ مين حدد افضل ، انتي سوي اللي يناسبك وغيرك يسوي اللي يناسبو ، مو تجلسي تفصلي الأفضل على كيفك .
عريس يستعرض زوجته
متابعة النقاش، صفحة 12