شاركي في النقاش

سجلي الدخول لإضافة تعليق.

التعليقات

2,061
  1. @lylosa

    اهلين..

    الاميرة.. وعسولة.. ما شاء الله تبارك الله الحمد لله على سلامتكم وسلامة بيبياتكم .. الله يرزقكم برهم وصلاحهم ويبارك لكم فيهم..

    التجمع ما شاء الله يفتح النفس.. اللهم زد وبارك..

    مريومه.. وسوسا.. وكل الي قربوا والا تاخروا الله يهونها علي وعليكم..

    ملاك.. لا عاد وش دعوى !! اصيح مرة وحدة !!بالعكس افرح لهم والله..

    بس انا منحرجة فيكم عشان حلف حبيبة على تحديث القائمة .. الله يحبها .. لو اني فاضية فتحت اللاب المغبر ورجعت لآخر قائمة وحدثت بس شغلانة بتاخذ مني وقت وش طووووله.. لاني بمشي على كل الصفحات ادور التباشير والي طلبوا اضافة .. وحبيبة جاهز عندها كل شي .. ربي يسعدها..

    جمانه.. اذا ماء وانت بالتاسع شيلي شنطتك وع المستشفى وان شاء الله نتصبح على خبر ولادتك بالسلامة..

    فجر.. ربي يطمنا عليك..

    غرورك.. ضحكني التشبيه .. رهيبة انت.. ومبروك الشفاطة.. المهم لا تنتظروني انا بديت افكر ان ما حولي ولادة الا بعد ست ايام او اسبوع.. والله يكتب الخيرة..
  2. الله يجزاكم خير كل حبايبي
    الاقتباسات ماعاد طلعت عندي
    معي مغص بانتظر اذا زاد خذت شنطتي و رحت
    و لا نمت و الصبح اروح اشوف شسالفه
    الله يهون علينا و لا يضيع تعبنا
  3. @am_hmdan_23

    ليلوسا ربي يسهلك حبيبتي 

    بناات عندي سؤال وصراحه منحرجة منكم بس ما عندي احد غيركم اسئلكم 😖

    امممم الحين بحلمة صدري يطلع فيها زي النقط البيضاء كانها تطلع من المسامات حقت الحلمة مرات اضغط ععليها  واشيلها بس مرة تعور واخاف اخليها وتضرني
     مدري فيه احد يصير معاه كذة وهل هالشي طبيعي مع الحمل ؟😕
  4. @astthnayyh_12

    السلام عليكم

    وحشتووووني يا بنات

    مرررررة فاقدة اخباركم
    غبت عنكم شهور سامحوني

    اخر مرة دخلت فيها بعد ولادتي حطيت البي سي حقت تبشير ولادتي
    يمكن قبل ثلاث اسابيع

    انشغلت مرررررة شهور الحمل الاخيرة
    والولادة صارت فجأة وانا مو مجهزة شي

    تخيلو انا ع اساس موعد عمليتي محدد مع الدكتور بتاريخ معين

    وفكرت اخلي التجهيز في الشهر التاسع
    تجهيز البيت وامور النفاس والمفرزنات من اكل بلدي ومعجنات وكدا
    وباقي شغلات للبيبي ماخلصتها
    وسرير النفاس والمفرش
    وشنطة المستشفى
    وتنظيف البيت وترتيبه
    وش اقول وش اخلي

    الشهور السابقة سويت حساب تجاري في الانستقرام انتو تعرفوه
    @22hanaa22
    وانشغلت فيه
    وبسببه مافضيت اكمل تجهيزي

    بمجرد خلصت الشهر الثامن
    اصحى من النوم والدنيا مبلولة تحتي
    جاء في بالو انو سلس بول
    اروح للحمام بسرعة وانا خايفة ينتبه زوجي اني تبولت وانا نايمة وانتو بكرامة

    بالحمام لاحظت انو اللي نزل كان شفاف
    لو كان من المثانة مفروض اصفر
    بس دا مويا شفافة
    وطبعا مازال ينزل ع ارضية الحمام وانا واقفة

    انفجعت ووسوست ليكون موية الجنين
    وتذكرت انو يادوب خلصت ثمانية شهور
    تذكرت مقولة انو ابن الثامن مايعيش بسم الله ع ولدي
    خفت افقد تعب الشهور دي خصوصا بعد تعلقي فيه
    تذكرت منظر بنتي اللي ماتت واخر بوسة بستها بالكفن وهيا متجمدة من الثلاجة
    تذكرت كل الامور السلبية
    مافي ولا شي ايجابي فكرت فيه
    وقمت اصرخ لزوجي وابكي

    يجي مفجوع مايشوف طريقو من النوم لسا مافتح عيونو مزبوط ويخبط في كل باب وجدار قدامو
    يحسب اني طحت في الحمام
    شافني واقفة مافيا شي قام يسأل خير اشبك الله يهديكي خوفتيني

    قلتلو يلا ع المستشفى ح اولد
    فتح عيونو الواحدة قد الكاس مو مستوعب يقول : ايييييييش!!!!!
    انتي اي شهر؟
    من جد والا تمزحي؟
    تحسي ولادة والا كيف؟
    متاكدة؟
    حينزل دحين؟

    رحت للغرفة اواصل البكاء هناك
    واقولو طلع الشنط من تحت السرير
    وبديت ارتب فيها اغراضي واغراض البيبي واغراض ابني وزوجي لانو حيرافقوني بالمستشفى

    طول ما انا اتحرك بالغرفة والمويا تصبصب بالارض
    وزوجي يجيب مناشف المطبخ وينثرها بعدي ويخاصم اسرعي اسررررررعي الحقي ع الولد

    والمشكلة لما تكون الواحدة بحالة عجلة ماتفتكر شي
    تخيلو نسيت ملابسي الداخلية
    ونسيت طاقيات المولود
    ونسيت بعض ملابس ابني الكبير
    ونسيت شاحني
    ونسيت منشفتي
    ونسيت الالويز
    ونسيت الصندل
    ونسيت .. ونسيت .. ونسيت ..


    كملت وقفلت الشنط وسط صياح زوجي اسرعي اسرعي ويرمي المناشف بالارض ع المويا لانها ماوقفت صب

    صحيت ابني الكبير عمرو اربع سنوات
    واديته لابوه يلبسو

    رحت اتروش وزوجي يخاصم مالو داعي
    قلتلو لازم اتروش دحين لان ممنوع الترويش بعد العملية

    خلصت اتروش ورحت الغرفة اسشور شعري
    زوجي ساعتها طرطع وقعد يتحسب عليا
    انتو الحريم وانتو الحريم..
    وايش رايك تسوي بديكير ومنيكير كمان..

    طبعا انا اسشور والمويا تصب بين رجولي ماوقفت
    وانا من غباوتي قاعدة اباعد بين رجولي وانا واقفة عشان تكمل تنزل بسرعه عشان اقدر اخرج من البيت
    اخاف تظل تصب بالسيارة والشارع وابلل الدنيا وتكون مبينة من العباية

    ماكنت ادري انو كان مفروض احافظ ع اللي تبقى من المويا قدر الامكان

    المهم خلصت اسشور واخدت مكينة براون اشيل شعر الجسم
    زوجي شافني اخدت البراون من الدرج تجنن اخللللللللللصي يلا شيلي موس وخلاص مافي وقت
    قلتلو لاصق العملية ح يظل عشر ايام لازم مكينة
    المهم قفلت الباب وقعدت وحدي اشيل بس خفت تتكهرب المكينة من المويا
    شلت مكان العملية فقط بالبراون
    والباقي موس بسبب المويا خفت اتكهرب

    المهم بعدها لبست وماقدرت البس الويز
    بسبب ان المويا كثيييييرة
    حطيت فنيلة في الاندروير
    عشان تكفي لان المويا تنزل بالهبل
    ولبست العباية
    بس تفاجأت ان العباية تسكرت بالراحة
    بطني صغرت مرررررة
    انفجعت وقمت ابككككككي واقولو يلا بسرعه ع المستشفى
    ماعاد عندي بطن اخاف الولد صارلو شي
    قال صار لي ساعتين استعجلك وانتي تتصنفري

    كنت ابكي في السيارة خايفة
    لين البيبي تحرك ساعتها ارتحت نفسيا ومسكت الجوال فتحت النت

    وصلنا المستشفى وبمجرد نزلت من باب السيارة صبت المويا وتملت الفنيلة اللي حاطتها بين رجولي وبدات تسيل المويا من بين فخوذي وتقطر ع ارضية المستشفى
    وانا مستحية اخاف ينتبهو الناس ع المويا اللي قاعدة تسيل ورايا

    وصلت قسم الولادة وزوجي يجري يدق ع الممرضة باب القسم يقول لها بصوت عالي حالة ولادة قيصري حالة ولادة قيصري
    الممرضة انفجعت وقالت وين وين
    أشر لها عليا وانا قاعدة امشي عادي واتمخطر مو مبين عليا اني جاية اولد اضافة الى انو بطني صغيرة
    والممرضة مو مصدقة تسالني: انتي ولادة؟
    قلت ايوا
    قالت ايش تحسي ؟
    قلت نزلت المويا
    قالت في طلق في الم؟
    قلت لا
    قالت ليه قيصري
    قلت عشان والدة قيصريتين من قبل و ذا حملي الثالث
    قالت اطلعي ع السرير اسوي تخطيط
    قلت استني ح اروح الحمام ابدل الاندروير لانو مبلل من المويا

    خشيت الحمام ورميت الفنيلة في الزبالة
    وباعدت بين رجولي وانا واقفة ابغى المويا تكمل تنزل وتخلص لانو استحي من صبصبتها ورايا بكل مكان

    المهم رحت ع السرير وحطت التخطيط
    وماكان عندي طلق
    وهيا تسالني اش لون المويا وكم كميتها
    وقالت لي وريني الالويز
    قلتلها رميتو بالحمام

    تخيلو خرجت من عندي وراحت الحمام تتاكد اني صادقة بأن المويا نزلت او لا
    بعدها راحت جابت ملفي طلت فيه وقالت لي انتي خلصتي الثامن من يومين
    ولازم تاخدي ابرة الرئتين دامك لسا اول التاسع

    ادتني ابرة الرئتين في العضل
    سالتها كم مسموح يقعد الجنين بعد نزول المويا؟
    كان عندي امل يأخروني اسبوع او اسبوعين اخلص تجهيزي وكمان اضمن سلامة البيبي
    قالت : بعد نزول المويا لازم نخرج الجنين خلال اربع وعشرين ساعة
    ونادت دكتوري

    خلال ذا الوقت جات حالات ولادة طبيعي
    والسرر بالقسم ماكفت
    قامو قالولي البسي عباتك واستني برا لان القسم مزحوم ع بال تجهز اوراقك للعملية
    لبست وخرجت برا للرسيبشن ادور كرسي

    شافني دكتوري وجاب لي كرسي وقعد يخاصم :
    اقعدي هنا ماتتحركيش كتير حافظي ع شوية المويا اللي باقية عشان سلامة جنينك
    لازم يظل ولو شوية مويا للجنين عشان مايتضرر

    ساعتها خفت لاني غبية من اول وانا اباعد بين رجولي عشان تنزل المويا كلها واخلص من صبصبتها

    اول ماجهزت الاوراق وجات موافقة التامين
    نادوني خشيت لبست لبس العمليات وسوولي القسطرة والابرة حقت المغذي وودوني ع غرفة العمليات واستنيت جنبهم ع بال جهزو كل شي

    وطلعت ع سرير العمليات وسالت دكتوري هل النونو حيكون بخير لاني مامشيت في التاسع غير يومين
    قال ان شاء الله
    قمت دعيت للبيبي عشان دعاء الولادة مستجاب دعيت انو ربي مايفجعني فيه ابدا
    ودعيت لكل المتاخرات في الحمل وانو ربي يرزق كل محروم

    دكتور التخدير قال :قولي بسم الله
    قلت بسم الله
    وحسيت عيوني تثقل والدنيا ضباب قدامي
    اخدت بنج كلي
    صحيت واحس الدنيا برررررررد واحس ألم في بطني وانادي الممرضة اسالها انا ولدت؟
    تقول ايوا
    اسالها البيبي بخير؟ احتاج حضانة؟
    قالت لا الحمدلله بخير حيغسلوه ويدفوه ويلبسوه ويرضعوه ويجيبوه لك

    ساعتها غمضت عيوني وانا مرتااااااحة واحمد ربي ع كرمه وفضله

    له الحمد ملء السماوات والارض


    معليش حكيت الاكشن بالتفصيل

    طمنوني عنكم اخباركم واحدة واحدة

    انا متواصلة مع البعض بالواتس والانستقرام

    سامحوني لاني طولت ماخشيت

    وربي يديم اخوتنا فيه
    و يجمعني معكم في الفردوس الاعلى
  5. @anoar_bdr

    آه ياسوسو قصتج غريبه وصعبه ونفسةحالتي في نزول الماي بس انا سرت بسرعه ماكملت عشر دقايق
    خفت اولد في البيت
    ومبروك البيبي وحمدلله عالسلامه

تابعي تجارب أخرى من هذا القسم.