شاركي في النقاش

سجلي الدخول لإضافة تعليق.

التعليقات

2,061
  1. @am_shhooodh_1

    استثنائيهـ
    ام شهودة ياعمري انا اللي لهفتي عليكم اكتر طمنيني عنك وعن عمليتك وعيالك ما انساك من دعائي دوووم عسى ربي يجعل الفرح في حياتك دوووم ويعوضك بما يملأ حياتك سعادة يااارب
    الحمدلله انا بخير وعيالي والعمليه الحمدلله تمام
    جزاك الله خير على دعواتك ولك بالمثل وربي يحفظ لك اولادك ويديم عليك الصحه والعافيه


    الحمدلله على كل حال
  2. @cheese_cake_2

    بكتب لكم اكشني 😁
    طبعا انا عارفه موعد العمليه من زمان
    اخذت اجازه من دوامي قبل العمليه بشهر و احسها سنه مو شهر 😭😭 بدأ الخوف اخر ٣ ايام
    ليلة العملية ما قدرت انام
    صارت الساعه ٣ الفجر يالله نمت
    صحيت ٥ و نص عشان عمليتي الساعه ٨ و ضروري اكون موجوده قبل بساعه و نص
    وصلنا المستشفى الساعه ٧ الا ربع حطوا لي تخطيط و عطوني مغذي لاني مختاره بنج نصفي
    لما صارت الساعه ٨ و شيء دخلت غرفة العمليات و انا متوتره
    جا دكتور التخدير عشان يعطيني الابره حاول اكثر من مره للاسف وزني زايد و ما ضبط البنج 😭😭 قرروا لي بنج كامل فجأه قلت اي شيء بس ابغى اخلص
    و هم يبنجوني تشهدت 😭😭 حسيت اني ما راح اصحى
    بعدها ما دريت الا الممرضه تصحيني تقول خلاص
    و انا اسأل عن زوجي و اخربط مدري شقول
    بعدين استوعبت و الابتسامه شاقه وجهي من الفرحه
    ودوني غرفتي و بديت استوعب شوي شوي
    الحمدلله على كل حال 😁😁😁

تابعي تجارب أخرى من هذا القسم.