حسبي الله فيهم وفي كل اللي زيهم

انا ياأخواتي مابغى أطول في الكلام بس من جد نفسي أنسى واطنش مو قادوه ومبيدي اللي مرت بتجربتي بتحمس فيا ويمكن اللي أتجاوزت مشكلتها تقدر تفيدني انا متعلقة في زوجي مره كثير وفي بيتي ومااقدر ابعد حتى لمن أفكر مااقدر مع أني تعبت جدا انا مشكلتي أني من تزوجت يمكن لي خمسه سنين زوجي بس يقلي أبغى اتزوج والله من اول شهر لينا في زواجنا تعبت واكتئبت وسار داه الموضوع همي ولمن كملت 4سنين زوجي كذب علي وقلي بروح اتمشى في بلد وسافر المغرب وراح يخطب وحده يقول إنّو ابوها أتعرف عليه في الحرم وراه صورت بنته وهو عجبته وجمع فلوس وراح يخطبها المهم ماكتب الله لهم وماتم ولمن رجع اناشكيت وضليت اسأل لمن قلي كل السالفة والله بإجماعهم بطق وهادا الموضوع ماله كم شهر يعني يمكن 8شهور تعبت جدا من التفكير واتعقدت وكأني قادرة اثق فيه مع أني احاول مو بيدي تعبت وانا والله موناقصني شيء حاطته في عيوني وخلفت الحمد لله بنت ولد ماشاء الله ماني دبه وبيضه ومافيني شيء والكمال أوجه الله مافي احد كامل غيره مابمدح نفسي بس والله عشان لاتفكرو إنّو يمكن منك حلو ولا ماهتم في نفسي وفيه والله إنّو اهتم فيه اكثر من كل شيء في الدنيا ولا أبغى ازعلو حتى آمه تقلي ليش تخافي منه بس انا مااخاف انا احترمه المهم موضوعي انه مو قادوه أنسى وراح اتجنن حاولت بس والله كرهتهم كلهم اللي يعرضو بناتهم والمغاربة بالأخص وكل وحده تقبل انها تكون زوجه ثانيه وتخرب على وحده يالله رحمتك والله اللي تتزوج وترضى ماتعرف قديش بتخرب حياتها وحياة غيرها ولوكان الزواج من ثانيه شيء فيه خير كان الصحابه اتبعو سنة الرسول واتزوجو وعددو وحتى علي رضي الله عنه لمن جاه للرسول صلى الله عليه وسلم بيتزوج على ابنته ثانيه منعه الرسول وقال له ابنتي مني ومايضرها يضرني ولم يتزوج ثانيه خافو الله ليش تقهرو قلوب الله اعلم بها وبحالها ولو كل وحده فكرت قبل ماتوافق تكون زوجه ثانيه ولكانت مكان الاولى بترضى وقتها كانت اتغيرت الموازين انا لااحرم ماالحل الله انا أتكلم من وجهة نظري واللي بنحس فيه هادي مشكلتي انا مو قادوه أنسى وكل مااحاول اكتشف شيء جديد لِسَّه اليوم عرفت إنّو لمن راح قعد معاها لوحدها تعبت وانا اهري وانكت في نفسي ساعدوني انا أوثقه بربي وراح يساعدني ويبعد زوجي عن اي وحده غيري بإذن الله يارب بس انا أبغى نصائحكم وساعدونا كيف اتجاوز مشكلتي وكيف اقدر ابطل الشك اللي نقص نص عمري :(:(:( والله يجزاكم خير ويحفظنا رجالنا من الحرام ومن اي وحده غيرنا ويملي عيونهم وقلوبهم بينا وحسبي الله ونعم الوكيل